Jn 14:21 - Ikan feg

²¹ Wə̀d ne zùghə ìtum tikə bə̀ nɔ̀ŋɔ̀, à ya wə̀d ne kɔ̀ŋi amə. Ìmə Mbaʼ biri kɔ̀ŋ wə̀d ne kɔŋi amə. Mo inum biri bə̀ kɔ̀ŋ tengàŋ bə̀ chwi ìmə nyɔd ibo.”

Meta’

²¹ “Wə̀d we nɨ ghaʼ əmɨ yɨ we nɨə zuə tum rɨkə bə̀ nùŋə̀. Mɨ Mbǎʼ bɨrɨ ghaʼ wə̀d we nɨə ghaʼə əmɨ, mə bɨrɨ bɨ ghaʼ əməd bə̀ chwi mɨ ɨnyod ɨ bɔ.”

Jn 14:21 교차 참조

Jn 14:15

Yeso ya chè imbìghè ni gha, “Mbə̰ mə̀ kɔ̀ŋ amə, mbə̰ biri zugri ìtum tikə.

1 Jɔn 5:3

Ni kɔ̀ŋ Ŋwiye ya ni nɔ̀ŋì tikə məd. Chəyi tikə məd ka ina ni nɔ̀ŋì.

1 Jɔn 2:5

Wə̀d ne zùgrə Ìngam Ŋwiye ya wə̀d ne kɔ̀ŋi Ŋwiye mànì. Anìŋ ya icheg ne tè kyère gha tì we ane ifɔti tì Ŋwiye.

2 Jɔn 1:6

Àkɔ̀ŋì azo̰ ne mə ghà ya gha: tì zugri tikə Ŋwiye. Ikə məd ya ni chughi ane àkɔ̀ŋì icheg ne mbə̀ ya fə zughi kwàʼ anyumə̀ ne mbə̰ ya bḛ Kristo.

Jn 16:27

Ìmə Mbaʼ, məd ini kɔ̀ŋ awən imbə̀ʼ icheg ne mbə̀ kɔ̀ŋ aməd, bə̀ bḛ gha à ya məd cha amə.

Lk 11:28

Yeso ya ywìtì gha, “Ŋwiye zì àbɔrɔ̀bɔd yaʼ igun wə̀d we ne zùghə Ìngam Ŋwiye bə̀ ghìyə̀ inug mbe ne we ghà.”

Jn 15:14

Mbə̰ mə̀ ya zùgrə anug ne mə̀ ghà, mbə̰ ya ìmbum mə̀sə̀ʼ.

Ɨnû 3:20

Nḛ, mə təm inuʼ nəb se gɔ̀ngɔ. Wə̀d ne zughi ìmə gì, fìʼì inuʼ nəb, mə biri nyi inga nəb tì se fɔrɔ jə̀ghə inɔn.

Ɨnû 22:14

Ŋwiye zì àbɔrɔ̀bɔd igun bəd mbe ne fə so ìtɔb ndwi ti zen. Ane, mbɔb fə kòʼ ni chè inuʼ ikam nyi inga ikye aben we, jəg titam ane azed ze ne nàʼà ìtḛ̀.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Ɨnû 2:17

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo. Mə biri nàʼ manà mɔ̀ʼɔ abɔ̀ʼ we ne yaʼi inə̀mbi abə wə̀d ijìm ne che àkwàʼrì. Mə biri nàʼ iteg fu fu ne mbi ŋwàʼri ikum feg igun abə tengàŋ. Chəyi wə̀d mɔ̀ʼɔ ne kyeri ikum we chèyi ane wə̀d we ne nìŋə iteg angu.›”

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

1 Jɔn 3:1

Mbə nḛ ikuchèg ne ìwa Mbaʼ taŋ kɔ̀ŋi awa! Wì taŋ kɔ̀ŋ awa ghì mbi se kàrà awa ane bɔn Ŋwiye. Tesiʼ ya gha, mba ya bə̀ kwàʼ bɔn Ŋwiye. À ya aton ne chəyi bəd inga isəg gho̰ mbe kyère awa. Chəyi mbe kyère awa imbə̀ʼ icheg ne chəyi mbi ya bə kyèri Ŋwiye.

2 Tès 2:16

Anɔŋisəg Yeso Kristo məd məd fɔrɔ Ŋwiye ne yaʼi ìwa Mbaʼ ya kɔ̀ŋ awa ghì ìchɔ̀mì ina bə̀ nəri ìta fìŋ ane icheg ne chəyi ti biri nɔʼ bɔd. Ŋwiye bə̀ ghì tì beri ikɔndi chɔm ni ghɔ̀m isu. Tì ya chàʼrà Ŋwiye gha,

Jn 16:14

Wì biri ghumni amə imbə̀ʼ icheg ne wì biri ya nìŋə inug mbe ne mə ghà ibo, se ghà inən.

Jn 14:18

Chəyi mə̀ biri sàŋì awən icheg bɔn iti, mə biri ywiri yeʼe bàd awən.

2 Timotì 4:22

Anɔŋisəg yaʼ tì àze azwighi. Ŋwiye bə ghì ìchɔ̀mì inən mbə̰ məjìm.

2 Kɔrèn 3:18

Mba məjìm mbe ne chəyi ndwi ze ywirì kən ìta tìfe, ne te bàrà icheg ne ìzḛzḛ Anɔŋisəg we njànda icheg ni gha à ya inga manə̀m, Anɔŋisəg ya kɔ̀pɔ awa tì fùghə məd. Tì ya kɔ̀pɔ yètì yeti ghò imbìghè ni bèrì ìzḛzḛ icheg məd. Ìzḛzḛ we ya nɔ̀ʼɔ ibo, məd we ne yaʼi Azwighi Ŋwiye.

Ɨ̀fàʼì 22:18

Mə ya bàd Anɔŋisəg inga anatì njə̀m ze, wì gha inum gha, ‹Zàmba ghì nɔ̀ʼ a Jèrusalèm amad amad imbə̀ʼ icheg ne chəyi bəd mbe aŋa biri bḛ inug mbe ne àghò we ghà imbə̀ʼ amə.›

2 Kɔrèn 12:8

Mə ya boʼ ibo aghəm atad abə Anɔŋisəg gha wì chi aghɔn ze inum ane nyɔd.