À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.
Anyumə̀ ne aneg ze biri pè, chəyi mbə̀ biri biri anug mɔ̀ʼɔ inum. Mə ghà ya tesiʼ inən gha, anug ne mbə̀ biri biri abə ìmə Mbaʼ inga ìmə ikum, wì biri fàʼ inən.
Yeso ya ywìtì ibo gha, “Àkə aghi ne àghò kyèri ineʼi we ne Ŋwiye we nàʼà bə̀ kyèri wə̀d we ne bìre mənib ine, nji à ya àghò bìri ibo, wì si nàʼ mənib ne nàʼà ìtḛ̀ ine.”
Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”
Yeso ya ywìtì inɔb gha, “Mə gha tesiʼ inən gha, chəyi tì Ŋwan Ŋwiye fàʼ aghi mɔ̀ʼɔ ane ìwi ighəm, wì ya fàʼà məyi aghi ne Mbaʼ məd we fàʼà. Aghi ne Mbaʼ we fàʼà, à ya àzewən ne Ŋwan məd we bə̀ fàʼà.
Igun aneg kyen ze ne iteri ya se mèghè, Yeso ya nɔ̀ʼ təm ghàm ane gì ka ka gha, “Wə̀d ne adɔʼ mənib ze ko aməd, tengàŋ yèʼe inum mə biri nàʼ mənib ibo.
Tè bèrì atog wə̀d kyen igun bəd mbàn Ŋwiye ne tì wì sɔmnɔ̀ igun ina anyumə̀ ne te bɔ̀rɔ ane ìwa ibḛfiŋ igun Ŋwiye. À ya ane imbə̀ʼ icheg ne Sàtàn ya kwàʼrì aməd ane mənɔnjì nɔʼ nɔʼ icheg ne Sàtàn we bə̀ kwàʼrà awa, si ya gha, chəyi wì ya gùghi anug.
Wə̀d mɔ̀ʼɔ mə̀ yaʼ abɔ̀ʼ inən ne chəyi wì beri iwe, tengàŋ nɔn iwe abə Ŋwiye. Ŋwiye we ne nàʼà ighi abə bəd abu abu bə̀ nàʼà ane fìŋ chɔm, wì biri nàʼ iwe ibo.
Mbə̰ ya kwàʼ icheg ateg ne yaʼi izɔm ne Azwighi Ŋwiye niŋ awən bɔm Mbàn Ŋwiye. Àze ghì mbə̰ si yaʼ bəd mbàn Ŋwiye ìzḛzḛ ne se chè anjìm Yeso Kristo nàʼà ighi àfàtì abə Ŋwiye icheg ne Azwighi Ŋwiye ze chwìye inɔnjì inən.
Aton ne chəyi te bɔ anyumə̀ ne te chàʼrà Ŋwiye ya imbə̀ʼ icheg ne tì fə kyeri gha məd we zùghə inug mbe ne te bìre anyumə̀ ne tì biri anug ne məd kə̀bi.
