Jn 13:3 - Ikan feg

³ Yeso ya kyeri gha, Mbaʼ məd fə zì inug ijìm ibo ikye abo. Wì ya bə̀ kyèri gha, Ŋwiye ya tɔm aməd igun isəg, ane, wì biri ywiri bə̀ndì ghò abɔ̀ʼ Ŋwiye ne ya Mbaʼ məd.

Meta’

³ Yeso nyaʼa kyerɨ ni i Mbǎʼ nyaʼa fə zɨ̀ ɨnû jìm ɨŋga ti rɨkyerɨ-ɨbɔ. Wɨ̀ nyaʼa bə̀ kyerɨ ni à yɨə Ŋwìə̀ nyaʼa tom əwi fɔrɨ ni tə wɨə wɨrɨə wò əsɨ ə Ŋwiə̀.

Jn 13:3 교차 참조

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Lk 10:22

Ìmə Mbaʼ fə nàʼ ighi ijìm inum. Chəyi wə̀d ne taŋ kyèri Ŋwan chèyi ane Mbaʼ. Chəyi wə̀d ne bə taŋ kyèri Mbaʼ chèyi ane Ŋwan fɔrɔ bəd mbe ne Ŋwan kɔ̀ŋi ni ghì gha mbe kyeri Mbaʼ.”

Jn 1:18

Chəyi wə̀d mɔ̀ʼɔ ne kweʼì bàd Ŋwiye. À ya məyi Ŋwan we imɔʼ ne yaʼi iban Mbaʼ ne ghi gha bəd kyeri wə̀d ne Ŋwiye yaʼi ìwiwən.

Jn 13:1

À ya yaʼ igun aneg ze ne nàʼà abə aneg ne mbe jə̀ghə Iteri Chègun. Yeso ya fə kyeri gha, nyùmə̀ fə kòʼ ibo ni sàŋì isəg gho̰, ghò yi abɔ̀ʼ ìwi Mbaʼ. Wì ya kɔ̀ŋ bəd mbe igun isəg gho̰ ne ya ìmbi məd anene ghò pè ane ìnwḭ.

Jn 17:2

Àghò fə nàʼ ika ibo igun bəd məjìm ni ghì gha wì nàʼ ìtḛ̀ ighə̀m imɔʼ abə bəd məjìm mbe ne àghò nàʼi ibo.

Jn 3:13

Chəyi wə̀d mɔ̀ʼɔ ne kə kweʼì kɔʼ ghò ikaŋ àbɔ̀ŋɔ. À ya məyi Ŋwan Wə̀d we ne ya swiʼi ikaŋ àbɔ̀ŋɔ.

Jn 3:35

Mbaʼ kɔ̀ŋ ìwi Ŋwan. Ane, wì fə sàŋì inug ijìm ibo ikye ibo.

Jn 7:29

À ya mo kyeri aməd imbə̀ʼ icheg ne mə nɔ̀ʼ abɔ̀ʼ məd. À ya məd bə chà amə.”

Jn 7:33

Yeso ya gha, “Chəyi mə̀ biri yaʼ tì inən ane nyùmə̀ ne sa. Mə biri bə̀ndì ghò amə abə wə̀d we ne cha amə.

Jn 8:14

Yeso ya ywìtì gha, “Ka mə ya ghà inug imbə̀ʼ ìmə nyɔd, mə kyèri gha, inug ne mə gha ya mbe tesiʼ imbə̀ʼ icheg ne mə̀ kyèri asiŋi ne mə nɔʼi angu bə̀ kyèri asiŋi ne mə ghò angu. Àsi mbə̰, chəyi mbə̀ bi kyèri asiŋi ne mə̀ nɔʼi angu kə̀ bì kyèri asiŋi ne mə ghò angu.

Jn 8:42

Yeso ya ghà inɔb gha, “Àkə aghi ne Ŋwiye yaʼi ìwən Mbaʼ, nji mbə̰ mbe kɔ̀ŋɔ̀ amə imbə̀ʼ icheg ne mə nɔ̀ʼ yaʼ abɔ̀ʼ Ŋwiye yèʼe aŋa. Chəyi mə̀ yeʼe ane ìmə ighəm. À ya məd cha amə.

Ɨ̀fàʼì 2:36

Ane, mə̀Izre məjìm kyeri gha, à ya kwàʼ tesiʼ gha Ŋwiye fə nɔ̀ŋì Yeso gho̰ ne mbə̰ ya kɔ̀mbi igun azed abaʼri ane Anɔŋisəg bə̀ fɔrɔ ane Wə̀d ne wì zɔ̀ʼi.”

1 Kɔrèn 15:27

A ze inga Àŋwàʼrì Ŋwiye gha, “Ŋwiye fə nɔ̀ŋì ighi ijìm aton ighog məd.” Ze mə̀ yaʼ inga Àŋwàʼrì Ŋwiye gha, “Ŋwiye fə nɔ̀ŋì ighi ijìm aton ighog məd,” nji ze dù zen gha chəyi Ŋwiye yaʼi abɔ̀ʼ ighi mbe. À ya məd Ŋwiye nɔŋi “ighi ijìm” aton Kristo.

Mə̀Hibrù 1:2

Àsi inga ìwa nyùmə̀ gho̰ ne isəg we se nwìyḛ̀, wì ya se ghàmà ina anjìm Ŋwan Məd. À ya anjìm Ŋwan məd we ne Ŋwiye ya tangi isəg ijìm. Ŋwiye bə̀ chɔʼ aməd nɔ̀ŋì gha wì ya tùmbə̀ ighi ijìm.