Jn 12:42 - Ikan feg

⁴² Kwàʼ anyumə̀ we, itog bəd mə̀Ju ya nɔŋi ibḛfiŋ igun məd. Si ya gha, chəyi tì mbi ya bḛ asaŋ asaŋ imbə̀ʼ icheg ne, mbi yaya bɔ gha, mə̀Farìsi bìri kamni awɔb chì inga ichamì Ŋwiye.

Meta’

⁴² Ka à bè yeʼi əne, bə̂d mɨ̀nɔnɔʼ rəbɔʼ mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ben ə Yeso, àyɨə chəi mbɨ nyaʼa gha əsaŋ əsaŋ ɨmbə̀ʼ ɨghəm nɨ ɨ mbɨə nyaʼə bɔə mɨ̀Farisiî. Mɨ̀Farisiî nyaʼa mɨ kyerɨ, njɨ mbɨ bɨrɨ fid mɨ̀mə̌d tɨ̀ ɨŋga nəb ə̀kàtɨ̀.

Jn 12:42 교차 참조

Matìyò 10:32

Yeso ya chè imbìghè gha, “Wə̀d ne bḛ imbìghè abə bəd gha zìye kyèri amə, mə biri bə bḛ imbìghè abə ìmə Mbaʼ we ne yaʼi ikaŋ àbɔ̀ŋɔ gha mə kyèri aməd.

Lk 12:8

Mə ghà tesiʼ inən, bəd ne bḛ asaŋ asaŋ gha mbɔb ya ìmbum bəd, Ŋwan Wə̀d biri bə bḛ awɔb imbìghè abə mbè angirə̀ Ŋwiye.

Lk 23:13

Payilèd ya kàrì itog bəd mbàn Ŋwiye tì itog bəd inga aben fɔrɔ inɔ̰ bəd, mbi fete.

Lk 6:22

Ŋwiye zì àbɔrɔ̀bɔd igun inən, mbə̰ mbe ne bəd mbe bà̰ awən, to̰ awən, chàpà ìtən tikum bə̀ gha mbə̰ ya bəd ne ghìyə̀ inug tibɔ̀ŋ imbə̀ʼ icheg ne mbə̀ bḛ Ŋwan Wə̀d.

Jn 11:45

Bəd ndan ndàn abɔ̀ʼ mə̀Ju mbe ne ya gho ni sɔ̀mnɔ̀ tì Mèri, ya bàd anug ne Yeso ya fàʼi, si nɔ̀ŋì ìwɔb ibḛfiŋ igun Yeso.

Jn 12:11

Mbi ya chuʼri ni zweti Lazarɔ̀s imbə̀ʼ ayeti anug ne Yeso ya ghi ibo. Mbi yaya kə̀bə̀ ni zweti aməd ane imbə̀ʼ icheg ne, mə̀Ju yaya sàŋà awɔb se nɔ̀ŋɔ̀ ìwɔb ibḛfiŋ igun Yeso.

Jn 16:2

Bəd biri kamni awən inga məchamì Ŋwiye. Nyùmə̀ we yèʼe ne wə̀d ne zwète awən biri kɔndi gha zìye ya fàʼà yaʼ àfàʼì ne Ŋwiye kə̀bi.

Jn 19:38

Anyumə̀ ne anug azo̰ ya fə chè, Jòseb we a Àrimàtiyà ya ghò ghà abə Payilèd gha wì saŋa zìye swi awu Yeso ghò twə̀ŋi. Payilèd ya bḛ, wì ghò niŋ awu Yeso ghò tì àzewən. Jòseb ya yaʼ àmə̀nənùg Yeso. Si ya gha, wì ya yaʼ yi inə̀mbi imbə̀ʼ icheg ne wì yaya bɔ itog bəd mə̀Ju.

Jn 3:2

Wə̀d gho̰ ya ghò abə Yeso izimi pè ghà ibo gha, “Àchwitìnùg, tè kyèri gha àghò ya wə̀d ne Ŋwiye cha gha wì chwiti inug ina imbə̀ʼ icheg ne chəyi wə̀d mɔ̀ʼɔ ne tì wì ghi iyeti inug mbo̰ kirəndə à ya wə̀d ne Ŋwiye yaʼi tì məd.”

Jn 7:13

Chəyi wə̀d mɔ̀ʼɔ ne tì wì ya ghàm anug mɔ̀ʼɔ imbə̀ʼ aməd asaŋ asaŋ imbə̀ʼ icheg ne mbi yaya bɔ itog bəd mə̀Ju.

Jn 7:31

Anug ne angu ya gha, bəd ndan ndàn inga inɔ̰ we ya nɔ̀ŋì ìwɔb ibḛfiŋ igun məd. Mbi yaya bìre gha, “Anyumə̀ ne Wə̀d we ne Ŋwiye zɔ̀ʼi biri yeʼe, wì wa biri fàʼ iyeti inug ne che mbo̰ ne wə̀d gho̰ we fàʼà?”

Jn 9:22

Mbaʼ məd tì ngɔb məd ya ghàm anìŋ imbə̀ʼ icheg ne mbi yaya bɔ itog bəd mə̀Ju. Itog bəd mə̀Ju ya fə sìb gha, wə̀d ne biri bḛ gha, Yeso ya Wə̀d we ne Ŋwiye zɔ̀ʼi, mbi biri kamni aməd chì inga ichamì Ŋwiye.

Jn 9:34

Mbi ya ywìtì gha, “Mbi ya gwi awe inga inug tibɔ̀ŋ. Àghò bə̀ kweg inga inug tibɔ̀ŋ. Àghò kə anìŋ kə̀bə̀ ni chwiti inug ina?” Mbi ya biri ane, si kàmni aməd chì inga ichamì Ŋwiye.

Ɨ̀fàʼì 5:41

Bədtɔm mbe ya nɔ̀ʼ abɔ̀ʼ bəd mbe ne sàʼa aben se yḛ̀ nè gha, Ŋwiye fə niŋ awɔb ane bəd ne koʼi ni zən ngəʼ bə̀ bèrì tìnìrètog imbə̀ʼ Yeso.

Rm 10:10

À ya anjìm ibḛfiŋ ne wə̀d we tə̀mə kòʼò imbìghè abə Ŋwiye. Wə̀d mə bə̀ ghà ane ìwi ichug gha zìye bḛ, tengàŋ biri pum.

1 Jɔn 4:15

Wə̀d ne bḛ gha Yeso ya Ŋwan Ŋwiye, Ŋwiye biri yaʼ ane ifɔti tì məd, məd bə̀ yaʼ ane ifɔti tì Ŋwiye.

1 Jɔn 4:2

Aŋa ya icheg ne mbə̀ biri chè angu ni kyeri wə̀d ne Azwighi Ŋwiye yaʼi inga məd: Wə̀d we ne bḛ gha Yeso Kristo ya yèʼe inga isəg icheg wə̀d-aku ya wə̀d ne beri Azwighi ne nɔʼi abə Ŋwiye.