Jn 10:25 - Ikan feg

²⁵ Yeso ya ywìtì gha, “Mə ya fə gha inən, si ya gha, chəyi mbə̀ bḛ. Iyeti inug mbe ne mə fàʼà ane ikum ìmə Mbaʼ mbe ghìyə̀ bəd kyere wə̀d we ne mə̀ yaʼi ìwiwən.

Meta’

²⁵ Yeso nyaʼa wììrɨ̀ əmbɨ mɨ̀mə̌d ni, “Mə nyaʼa fə ghà ɨ nən àyɨə chəi mbə̀ benɨ. Ɨnû mbe nɨ mɨə ghɨ̀ ənɨ ɨkum mɨ Mbǎʼ, ɨ mbɨə ghɨ̀ ni bə̂d kyerɨ wə̀d we nɨ mə yeʼ wɨwən.

Jn 10:25 교차 참조

Jn 10:32

Yeso ya ghà inɔb gha, “Mə fə fàʼ iyeti inug nɔʼ nɔʼ ne ìmə Mbaʼ nàʼi ika gha mə fàʼa inən. Àkə ayeti anug azeg inga inug nɔʼ nɔʼ mbo̰ ne mbə̰ mbe kə̀bə̀ ni tumbi mə imbə̀ʼ àzewən?”

Jn 10:37

Àmə yaʼ ne chəyi mə̀ fàʼà inug mbe ne ìmə Mbaʼ kə̀bi gha mə fàʼa, imbə̀ʼ mbə̰ nɔŋɔ awən ibḛfiŋ igun inum.

Jn 10:38

Mo mə̀ ya fàʼà inug mbe. Ka chəyi mbə̀ jiʼì kə̀b ni bḛ amə, mbə̀ bḛ yaʼ inug mbe ne mə ghìyə̀. Àze biri ghì mbə kyeri gha ìmə Mbaʼ we ane anug amɔʼ tì inum. Mo inum we bə̀ ane anug amɔʼ tì məd.”

Jn 11:47

Mə̀farìsi mbe tì itog bəd mbàn Ŋwiye fɔrɔ bəd mbe ne sàʼa aben ya chughi aseg, nyìmi ifeti, se bìre gha, “Ze kə anìŋ, tì ghə̀nə tì wə̀d gho̰? Mbə̀ nḛ iyeti inug ne wì ya fàʼà.

Jn 12:37

Yeso ya jiʼì ghì iyeti inug, bəd bàd, si ya gha, mə̀Ju ya kiri to̰ awɔb ni nɔŋi ibḛfiŋ igun məd.

Jn 14:11

Mbə̀ bḛ anug ne mə̀ gha inən gha, mə yaʼ ane anug amɔʼ tì ìmə Mbaʼ, məd bə̀ yaʼ ane anug amɔʼ tì inum. Mbə̰ mə̀ to̰ awən ni bḛ anug ne mə̀ gha, mbə̀ bḛ məyi imbə̀ʼ iyeti inug ne mbə̀ bàri ne mə fàʼà.”

Jn 20:30

Yeso ya ghì iyeti inug nɔʼ nɔʼ, mə̀mə̀nənùg məd bàd, ne chəyi inga àŋwàʼrì azo̰.

Jn 3:2

Wə̀d gho̰ ya ghò abə Yeso izimi pè ghà ibo gha, “Àchwitìnùg, tè kyèri gha àghò ya wə̀d ne Ŋwiye cha gha wì chwiti inug ina imbə̀ʼ icheg ne chəyi wə̀d mɔ̀ʼɔ ne tì wì ghi iyeti inug mbo̰ kirəndə à ya wə̀d ne Ŋwiye yaʼi tì məd.”

Jn 7:31

Anug ne angu ya gha, bəd ndan ndàn inga inɔ̰ we ya nɔ̀ŋì ìwɔb ibḛfiŋ igun məd. Mbi yaya bìre gha, “Anyumə̀ ne Wə̀d we ne Ŋwiye zɔ̀ʼi biri yeʼe, wì wa biri fàʼ iyeti inug ne che mbo̰ ne wə̀d gho̰ we fàʼà?”

Jn 8:12

Yeso ya ywìrì ghà abə bəd gha, “Mo ya ìzḛzḛ abə bəd mbe ne yaʼi igun isəg. Wə̀d we ne bḛ amə, chəyi wì biri ya yḛ̀ inga afub. Tengàŋ biri bèrì ìzḛzḛ we ne nàʼà ìtḛ̀.”

Jn 8:24

À ya aton ne mə gha inən gha, ìmbən inug tibɔ̀ŋ biri zweti awən. Àmə chəyi mbə bḛ gha mo ya wə̀d we ne mə̀ yaʼi ìwiwən, ìmbən inug tibɔ̀ŋ biri zweti awən.”

Jn 8:56

Ìwən mbaʼ Abràham ya kɔ̀ŋ, ni bàd nyùmə̀ we ne mə̀ biri yeʼe. Wì ya bə̀ bàd bə̀ gyèndi.”

Jn 8:58

Yeso ya ywìtì gha, “Mə gha tesiʼ inən gha, bɔŋ mbi ya se gwìye Abràham, mo ya fə se amə angu!”

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Ɨ̀fàʼì 2:22

Mə̀Izre! mbə̀ taŋ zug ìngam gho̰: Yeso we a Nazarèd ya wə̀d ne Ŋwiye ya chɔʼi. Mbə̰ kyèri àzən aghi gha Ŋwiye ya chè anjìm məd ghì iyeti inug kyen kyen mbə̰ bàd.

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.