Jn 1:9 - Ikan feg

⁹ Ìzḛzḛ gho̰ ya kwàʼ ìzḛzḛ tesiʼ ne yeʼe igun isəg. Wì ya zùʼə abə bəd məjìm.

Meta’

⁹ Ɨzeŋɨ zeŋɨ we yɨə nyaʼa ɨzeŋɨ zeŋɨ rəsìʼ we nɨ nyaʼa yeʼe ɨŋga ɨsɨg, bə̀ te ɨgun bə̂d mɨjìm.

Jn 1:9 교차 참조

Matìyò 6:23

Ìwe ighə mə̀ yaʼ ìwi tibɔ̀ŋ, ìze nyàmnyɔd ijìm biri fin. Ane, ìzḛzḛ we ne yaʼi inga ine mə bə̀ŋə̀ ane afub, nji isiŋi biri fin kɔ̀ghɔ!”

Lk 11:36

Ane, ìze nyàmnyɔd ijìm mə yaʼ inga ìzḛzḛ ne chəyi aba mɔ̀ʼɔ ne yaʼi inga afub, nji ìze nyàmnyɔd ijìm biri yaʼ inga ìzḛzḛ icheg ne anam ya ghìyə̀ isiŋi zḛ inən.”

Jn 1:4

À ya Ìngam we we nàʼà ìtḛ̀ abə bəd məjìm. Ane, ìtḛ̀ məd ya nàʼà ìzḛzḛ abə bəd məjìm ni kyeri tesiʼ.

Jn 1:7

Jɔn gho̰ ya yèʼe ni ghàm abə bəd imbə̀ʼ ìzḛzḛ we. Wì ya ghàm ane ni ghì gha bəd mbe tì mbi kyeri ìzḛzḛ we bə̀ nɔ̀ŋì ibḛfiŋ igun.

Jn 12:46

Mə ya yèʼe igun isəg icheg ìzḛzḛ, ni ghì gha, imbə̀ʼ wə̀d ne nɔŋi ibḛfiŋ igun inum ywiri chughi yi izimi.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 15:1

Yeso ya ghà abə ìmbi mə̀mə̀nənùg gha, “Mo ya azed vayìn ne ko, ne tì wə̀d nɔŋì fìŋ igun. Ìmə Mbaʼ ya wə̀d ne fàʼà inga mben vayìn.

Jn 6:32

Yeso ya ghà inɔb gha, “Mə gha tesiʼ inən, kayi Muse ya nàʼi ngə̀ŋ ze ne nɔ̀ʼi ikaŋ àbɔ̀ŋɔ, à ya ìmə Mbaʼ we nàʼà ngə̀ŋ ze ne yaʼi kwàʼ ìze tesiʼ ne nɔ̀ʼɔ̀ ikaŋ àbɔ̀ŋɔ.

Jn 7:12

Bəd yaya jìte inug imbə̀ʼ Yeso inga inɔ̰ bəd we ne ya yaʼi ane iteri. Bəd mɔ̀ʼɔ yaya gha, “À ya wə̀d chɔ̀m.” Mə̀mbin yaya to̰ awɔb gha, “Indèʼ! À ya wə̀d ne kə̀bə̀ ni tàmbi bəd.”

1 Jɔn 1:8

Tì mə̀ gha chəyi tì beri anug tibɔ̀ŋ inga ina, nji tì ya tàmba ìwa nyɔd. Chəyi tesiʼ yaʼi inga inug mbe ne te ghà.

1 Jɔn 2:8

Tesiʼ ya gha, ikə gho̰ ne mə ŋwàʼrà inən anìŋ ya kwàʼ ìwi feg. Bəd mbe bàrà tesiʼ we ne yaʼi inga ikə gho̰ ane icheg ne Yeso Kristo yaya ghìyə̀ inug fɔrɔ ane icheg ne mbə̰ mbe bə̀ ghìyə̀ inug. À ya ane imbə̀ʼ icheg ne inug afub mbe se chè mèghè, ìzḛzḛ tesiʼ we fə se zùʼə.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.