Jn 1:18 - Ikan feg

¹⁸ Chəyi wə̀d mɔ̀ʼɔ ne kweʼì bàd Ŋwiye. À ya məyi Ŋwan we imɔʼ ne yaʼi iban Mbaʼ ne ghi gha bəd kyeri wə̀d ne Ŋwiye yaʼi ìwiwən.

Meta’

¹⁸ Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

Jn 1:18 교차 참조

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Lk 10:22

Ìmə Mbaʼ fə nàʼ ighi ijìm inum. Chəyi wə̀d ne taŋ kyèri Ŋwan chèyi ane Mbaʼ. Chəyi wə̀d ne bə taŋ kyèri Mbaʼ chèyi ane Ŋwan fɔrɔ bəd mbe ne Ŋwan kɔ̀ŋi ni ghì gha mbe kyeri Mbaʼ.”

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 12:41

Àzayà ya ghà anug azo̰ anìŋ imbə̀ʼ icheg ne, wì ya fə bàd icheg ne bəd biri ghumni Yeso. Ane, wì ya fə bə̀ ghàm imbə̀ʼ aməd.

Jn 13:23

Àmə̀nənùg Yeso mɔ̀ʼɔ ne ya we ne wì kɔ̀ŋi ya yaʼ iban məd ichughi.

Jn 14:9

Yeso ya ywìtì gha, “Filib, chəyi àghò kiri kyeri amə, ane nyumə̀ gho̰ ne mə chughi tì inən anìŋ? Wə̀d ne bàd amə, fə bàd ìmə Mbaʼ. Àghò kə chè iye ghi gha, ‹Chwi ìwe Mbaʼ ina›?

Jn 17:26

Mə fə ghì mbi kyeri awe. Mə biri chè imbìghè ni ghì gha mbe taŋ kyèri awe. Ane, àghò biri kɔ̀ŋ awɔb kwàʼ icheg ne àghò bə kɔ̀ŋ amə, mə bə̀ yaʼ ane anug amɔʼ tì inɔb.”

Jn 17:6

Yeso ya bə̀ chè imbìghè ni ghà abə Ŋwiye gha, “Bəd mbe ne àghò ya chi inga isəg nàʼ inum, mə fə ghì mbi kyeri awe. À ya ìmbe bəd ne àghò ya nàʼi awɔb inum. Mbɔb fə bə̀ zùgri ìwe ìngam.

Jn 3:11

Mə ghà tesiʼ ine gha, tì ya ghà inug ne tì kyeri bə̀ ghà inug ne tì bari, si ya gha, chəyi mbə̰ bəd ne chwìte inug mbe kə̀bə̀ ni bḛ inug ne te ghà.

Jn 6:46

Chəyi wə̀d mɔ̀ʼɔ ne kweʼì bàd ìmə Mbaʼ chèyi ane wə̀d we ne nɔ̀ʼi abɔ̀ʼ Ŋwiye. À ya məyi məd ne kweʼì bàd Ŋwiye ne yaʼi Mbaʼ.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

Kòlosè 1:15

Kristo we ne mbə̀ bari ya kwàʼ icheg Ŋwiye we ne chəyi bəd mbe bàrà. Məd ya atog igun ighi ijìm ne Ŋwiye tàngi.

1 Timotì 1:17

Bəd ghumni Ŋwiye imɔʼ ne yaʼi Ifɔn ane ighə̀m imɔʼ, ne chəyi mbe bàrà aməd, ne chəyi wì biri nɔʼ ku. Tè ghumni Ŋwiye we imɔʼ kwàʼ ane ighə̀m imɔʼ. À ya ane.

1 Timotì 6:16

À ya məyi məd we imɔʼ ne chəyi wì biri nɔʼ ku. Məd ya chùghə inga ìzḛzḛ we ne chəyi aneg ne tì wə̀d tìndi iban. Chəyi wə̀d mɔ̀ʼɔ kweʼì bàd aməd. Chəyi wə̀d mɔ̀ʼɔ biri nɔʼ bàd aməd. Bəd igun isəg ijìm ghumni aməd, məd bə tùmbì isəg ane ika we ne yaʼi ane ighə̀m imɔʼ. À ya ane.

1 Jɔn 4:12

Chəyi wə̀d mɔ̀ʼɔ ne kweʼì bàd Ŋwiye. Si ya gha, tì mə̀ ya kɔ̀ŋɔ̀ wə̀d imɔʼ imɔʼ, Ŋwiye biri yaʼ abɔ̀ʼ ina. Ane, tì biri se taŋ kɔ̀ŋɔ̀ bəd icheg ne məd bə̀ taŋ kɔ̀ŋ awa.

1 Jɔn 4:20

Wə̀d mɔ̀ʼɔ mə̀ gha, “Mə kɔ̀ŋ Ŋwiye” si bàn ìwi ifi, tengàŋ ya wə̀d inug ako. Aton ya gha, wə̀d mə chəyi wì bi kɔ̀ŋ ìwi ifi ne wì ya bàrà, chəyi tì wì kɔ̀ŋ Ŋwiye ne chəyi wì ya bàrà.

1 Jɔn 4:9

Ŋwiye ya chwi icheg ne wì kɔ̀ŋi bəd icheg ne wì ya tɔmi ìwi Ŋwan igun isəg ni ghì gha tì bere ìtḛ̀ anjìm Ŋwan we.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.