Jems 5:20 - Ikan feg

²⁰ Mbə̀ wendi gha, wə̀d ne wèti wə̀d ne fèbè, wì biri chì aməd ichug iwu. Ane, Ŋwiye biri waʼ inug tibɔ̀ŋ nɔʼ nɔʼ abə wə̀d we ne kə̀ febe.

Meta’

²⁰ wɨ̀ kyerɨ ni wə̀d we nɨ wɨrɨ nɨŋ wə̀d nɨ ghɨ̀ ɨnû rɨbɔ̀ŋ tɨ ənɨ ɨchî nɨ wɨ̀ febə, bɨrɨ chɨ ɨ̀tènɨ̀ wə̀d we nɨə ghɨ̀ ɨnû rɨbɔ̀ŋ rɨ ɨchû ɨvɨ, əne ghɨ̀ Ŋwìə̀ waʼ ɨnû rɨbɔ̀ŋ nɔnɔʼ mbe nɨ wɨ̀ nyaʼə ghɨ̀ə̀.

Jems 5:20 교차 참조

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Rm 11:14

Mə ya kə̀bə̀ inɔnjì ni ghì gha mə̀Ju beri ìdɔ̀b ane aghi ne Ŋwiye we fàʼà abə bəd ne kayi mə̀Ju ni ghì gha mə̀Ju mɔ̀ʼɔ pum.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

1 Kɔrèn 9:22

Anyumə̀ ne mə̀ yaʼi abɔ̀ʼ bəd ne ìwɔb ibḛfiŋ bɔri, mə̀ ya icheg wə̀d abɔ̀ʼ inɔb ni ghì gha mbe bḛ Kristo. Ane, mə fə bə̀ŋə̀ ane iku ighi ijìm abə bəd məjìm, imbə̀ʼ chè ane mənɔnjì nɔʼ nɔʼ ni ghì gha inun bəd mɔ̀ʼɔ pum.

1 Timotì 4:16

Àghò we awe imbə̀ʼ ìwe ikuchèg fɔrɔ imbə̀ʼ inug mbe ne àghò we chwìte. Nyimbi fìŋ ane inug mbo̰ imbə̀ʼ icheg ne àghò mə ghì ane, àghò biri pumni ìwe nyɔd bə̀ pùmni bəd mbe ne àghò we chwìte inug inɔb.

Filemɔ̀n 1:19

À ya mo, Pɔl, ŋwàʼri ìwaŋ ìngam gho̰ kwàʼ ane àmə abo. Mə biri ywìtì njo ze ine. Chəyi mə̀ beri ni ywìri wendi ine gha à ya mo ya ghi àghò yaʼ wə̀d Kristo.

Jems 1:15

Anyumə̀ ne inug tibɔ̀ŋ mbe ne wə̀d we ghə̀ʼrə̀ fə nyi chùghi ibo inga fìŋ, mbi ya ghìyə̀ gha wì ghiyə inug tibɔ̀ŋ. Anyumə̀ ne inug tibɔ̀ŋ fə ka inga wə̀d, mbi ya zwète məd.

Jems 1:21

Ane, mbə̀ waʼ izṵ inug ijìm fɔrɔ ikuchèg tibɔ̀ŋ ijìm ne mbə̀ beri. Mbə̀ swi ìwən nyɔd aseg abə Ŋwiye, bḛ ìngam we ne mbi zi inən inga fìŋ icheg ne wə̀d we zìyè ngwèd inga ìseg. Ìngam we we tì wì ghì mbə pum.

Jems 5:15

Bəd mə̀ chàʼra Ŋwiye tì ibḛfiŋ, Ŋwiye biri ghù wə̀d ne ghɔ̰̀. Anɔŋisəg biri ghì tengàŋ nɔʼ igun abaʼ aghɔn. Àmə yaʼ aghi ne wì ya gùghi anug mɔ̀ʼɔ, Ŋwiye biri waʼ inug tibɔ̀ŋ məd.

Jems 5:19

Ìmbum məfi fɔrɔ ìtum njàbi, wə̀d mɔ̀ʼɔ mə̀ fèbè, dù igun inɔnjì tesiʼ, wə̀d ndəŋ wete aməd ywìrì chwi inɔnjì tesiʼ ibo.

1 Pità 4:8

Anug kyen ne chè inug ijìm ya gha, mbə̀ ya taŋ kɔ̀ŋɔ̀ wə̀d imɔʼ imɔʼ. Àkɔ̀ŋì ya kùbrə inug tibɔ̀ŋ nɔʼ nɔʼ.

Ɨnû 20:6

Ŋwiye zì àbɔrɔ̀bɔd igun bəd mbe ne biri zweme ane iwu inga ighəm mbègtog gho̰. Wì biri bə ghì mbi chughi inga ìzḛzḛ. Chəyi iwu ne pè ane ibe beri ika igun inɔb. Mbɔb biri si yaʼ bəd mbàn Ŋwiye tì Kristo bə̀ se tùmbə̀ isəg tì Kristo ane tituʼ chuʼ ifibì.