Jems 3:13 - Ikan feg

¹³ Wə̀d ne beri iwe bə̀ kyèri inug ijìm abɔ̀ʼ inən àkə we? Tengàŋ chwiti yaʼ ikuchèg chɔm fɔrɔ tìghinùg chɔm abə bəd bə̀ swi ìwi nyɔd aseg ni chwi gha məd ya wə̀d ne beri iwe.

Meta’

¹³ À kɨə we əkaʼ nən nɨ berɨ ɨwe bə̀ kyerɨ ənû ə? Wɨ̀ berɨ chwi mbi ɨnû chɔ̀m mbe nɨ wɨə ghɨ̀ə̀ ɨchî nɨ wɨə ghɨ̀ ɨnû ənɨ ɨbɔtɨ fîŋ bə̀ fɔrɨ ənɨ ɨwe.

Jems 3:13 교차 참조

Matìyò 11:29

Mbə̀ niŋ ìmə mbèʼ bèʼì, bə̀ kwèmbi inug inum imbə̀ʼ icheg ne mə we bɔ̀tɔ ane fìŋ bə̀ swìye ìmə nyɔd aseg. Mbə̰ mə̀ ghì ane, ìtən fìŋ biri zùtì inga.

Matìyò 21:5

“Mbə̀ gha abə bəd mbe ne chùghə a Zayɔ̀n gha, mbə̀ nḛ, ìwən ifɔn we yèʼe inən! Məd ya wə̀d àbɔrɔ̀bɔd ne yḛ̀ igun jàkas. Wì bə̀ kɔʼ ŋwan jàkas.”

Matìyò 5:5

Ŋwiye zì àbɔrɔ̀bɔd igun bəd mbe ne swi ìwɔb nyɔd aseg, imbə̀ʼ icheg ne mbɔb biri jəg ighi igun isəg.

Matìyò 7:24

Yeso ya bə̀ ywìrì ghà inɔb gha, “Wə̀d ijìm we ne zùghə àmə anug bə̀ fàʼà ikuchèg ne ze yaʼi, wì ya icheg wə̀d iwe ne ya kɔri nəb igun igho.

1 Kɔrèn 6:5

Mə ya ghà anug azo̰ ni gha mbə bere tìnìrètog. Ze kə chwìye gha chəyi wə̀d mɔ̀ʼɔ abɔ̀ʼ inən ne beri iwe ne tì wì saʼ tisaʼi bəd Kristo?

2 Kɔrèn 10:1

Mo Pɔl, mə boʼ ibo inən ane ikum Kristo we ne bɔ̀tɔ ane ikuchèg bə̀ bɔ̀tɔ ane fìŋ. Bəd mɔ̀ʼɔ abɔ̀ʼ inən mbe ghà gha, mo ya swìye àmə nyɔd aseg anyumə̀ ne mə̀ yaʼi abɔ̀ʼ inən, se bèrè fìŋ ne kà anyumə̀ ne chəyi mə̀ yaʼi abɔ̀ʼ inən.

2 Kɔrèn 8:24

Ane, mbə̀ chwi abə bəd mbo̰ gha mbə̰ kɔ̀ŋ awɔb. Mbə mə ghì ane ze biri chwi abə tifeti bəd Ŋwiye gha tì ya bèrì ni kɔ̀m igo imbə̀ʼ awən.

Gàlesìyà 5:23

anug ni ya bɔ̀tɔ, anug ni ya nyìmbe nyɔd. Wə̀d ne ghìyə̀ tiku inug to̰, chəyi nɔ̀ʼɔ̀ mɔ̀ʼɔ angu ne to̰ inug mbo̰.

Gàlesìyà 6:1

Ìmbum məfi fɔrɔ ìtum njàbi, wə̀d mɔ̀ʼɔ abɔ̀ʼ inən mə ghì anug tibɔ̀ŋ, mbə̰ mbe ne ghìyə̀ inug icheg ne Azwighi Ŋwiye ze kə̀bə̀, mbə̀ wete aməd ghi wì təm. Mbə̀ ya ghìyə̀ ane kwàʼ ane àbɔrɔ̀bɔd, nè we awən imbə̀ʼ àkwàʼrì nɔ̀ʼ nyi igun inən bə.

Gàlesìyà 6:4

Wə̀d imɔʼ imɔʼ abɔ̀ʼ inən kyeʼre ìwi ikuchèg. Ikuchèg wə̀d mə̀ bɔ̀ŋ, məd we tì wì kɔ̀m igo anjìm ìmbi inug chɔm ne chəyi wì ya mə̀grə̀ ìwi ikuchèg tì ikuchèg wə̀d ndəŋ.

Efesùs 4:2

Mbə̀ ya swìye ìwən nyɔd aseg. Mbə̀ chughi ane àbɔrɔ̀bɔd. Mbə̀ ya nyìmbe fìŋ tì mə̀mbin. Àze biri ya chwìye gha mbə̰ mbe kɔ̀ŋɔ̀ bəd məjìm.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Kòlosè 3:12

Mbə̰ ya si bəd Ŋwiye. Wì ya kɔ̀ŋ awən, chɔʼ awən ane ìmbi bəd. Ane, mbə̀ ya bèrè àsɔ̀mnəfiŋ bə̀ ya ghìyə̀ ìchɔ̀mì abə bəd. Mbə̀ ya swìye ìwən nyɔd aseg, bə̀ ya ghìyə̀ inug ane àbɔrɔ̀bɔd bə̀ ya bèrè inyimbifiŋ.

1 Timotì 4:12

Imbə̀ʼ àghò saŋa awe gha wə̀d mɔ̀ʼɔ chapa awe imbə̀ʼ icheg ne àghò yaʼi ŋwan kwa. Àghò bèrì ni yaʼ icheg aməgrì abə bəd mbe ne bḛ Kristo ane ìwe ìngam ichug fɔrɔ ane ìwe ikuchèg fɔrɔ ane icheg ne àghò we kɔ̀ŋɔ̀ bəd fɔrɔ ane ikuchèg ne àghò tə̀mi kà inga ìwe ibḛfiŋ fɔrɔ ane icheg ne àghò we bə̀ ghìyə̀ inug ne zḛ.

1 Timotì 6:11

Àsi awe, àghò wə̀d àfàʼì Ŋwiye, àghò fə chìye ìfe ifeg ane inug mbo̰ ijìm. Àghò ghiyə yaʼ inug mbe ne koʼi bə̀ ghì yaʼ inug mbe ne Ŋwiye kə̀bi. Àghò nɔŋɔ fìŋ igun Kristo, ya kɔ̀ŋɔ̀ bəd, ya nyìʼè inug bə̀ ya bɔ̀tɔ ane fìŋ.

2 Timotì 2:25

Wì mənyìʼ ya chwìte inug ane àbɔrɔ̀bɔd abə bəd mbe ne to̰ inug mbe ne məd we chwìte. Wì ya ghìyə̀ ane nè nɔ̀ŋɔ̀ ikɔndi gha, Ŋwiye biri ghì mbi bə̀ŋə̀ ìtɔb fìŋ sìkì inug tibɔ̀ŋ, bə̀ ghì mbi kyeri tesiʼ we ne yaʼi inga Ìngam Ŋwiye.

Tayitùs 3:2

Imbə̀ʼ mbi gha awɔb anug tibɔ̀ŋ igun wə̀d. Mbe chughi ane àbɔrɔ̀bɔd bə̀ ya ghìyə̀ ìchɔ̀mì abə bəd bə̀ bɔ̀tɔ ane fìŋ tì bəd məjìm.

Mə̀Hibrù 13:5

Mbə̀ chiye àzən adɔʼ ane anug ikab. Mbə̀ ya gyènde tì ighi mbe ne mbə̀ beri imbə̀ʼ icheg ne Ŋwiye gha, “Chəyi mə̀ biri ghum nɔ̀ʼ sàŋì awən kə̀ bə̀ waʼ awən.”

Jems 1:21

Ane, mbə̀ waʼ izṵ inug ijìm fɔrɔ ikuchèg tibɔ̀ŋ ijìm ne mbə̀ beri. Mbə̀ swi ìwən nyɔd aseg abə Ŋwiye, bḛ ìngam we ne mbi zi inən inga fìŋ icheg ne wə̀d we zìyè ngwèd inga ìseg. Ìngam we we tì wì ghì mbə pum.

Jems 2:18

Wə̀d mɔ̀ʼɔ biri ghà gha, “Àghò bèrì ibḛfiŋ, mo bèrì tìghinùg chɔm.” Wì mə ghà ane, mə biri ghà ibo gha, “Chwi icheg ne àghò beri ibḛfiŋ witì bèrì tighi inug chɔm inum. Àsi mo, mə biri chwi ìmə ibḛfiŋ ine ane inug chɔm mbe ne mə ghìyə̀.”

Jems 3:1

Ìmbum məfi fɔrɔ ìtum njàbi, imbə̀ʼ mbə̰ nɔʼ nɔʼ si də̀b awən anug ni yaʼ bəd ne chwìte inug. Mbə kyeri gha mbà mbe ne chwìte Ìngam Ŋwiye abə bəd, mbi biri ghum sàʼ awa kwàʼ ane icheg ne ka chè icheg ne mbi biri ghum saʼ bəd ndəŋ.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

1 Pità 1:15

Mbə̀ se ghìyə̀ inug ijìm inga ìzḛzḛ icheg ne Ŋwiye we ne ghi mbə̰ si bɔn məd bə yaʼ inga ìzḛzḛ.

1 Pità 2:12

Mbə̀ bere ikuchèg chɔm inga bəd mbe ne kayi mə̀Ju. Ane, anyumə̀ ne bəd gha mbə̰ mbe ghìyə̀ inug tibɔ̀ŋ, mbi biri bàd ìwən ikuchèg chɔm, si ghùmni Ŋwiye ane aneg ze ne wì biri ywiri yeʼe.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.

1 Pità 3:4

Mbə̀ ghiyə ìzən ngwèn zì yaʼ anug ni nɔ̀ŋì ìtən fìŋ te zen bə̀ ya bɔ̀tɔ, bə̀ chùghi inyeʼ. Aŋa ya ikuchèg ne mbə̰ mə fə bèrì bə̀ nyìmi ze biri taŋ bɔ̀ŋ imbìghè abə Ŋwiye.