Jems 1:21 - Ikan feg

²¹ Ane, mbə̀ waʼ izṵ inug ijìm fɔrɔ ikuchèg tibɔ̀ŋ ijìm ne mbə̀ beri. Mbə̀ swi ìwən nyɔd aseg abə Ŋwiye, bḛ ìngam we ne mbi zi inən inga fìŋ icheg ne wə̀d we zìyè ngwèd inga ìseg. Ìngam we we tì wì ghì mbə pum.

Meta’

²¹ Əne mbə̀ waʼ ɨzwɨ̂ ɨnû jìm bə̀ waʼ ɨnû ɨzɨg jìm mbe nɨ mbɨə ghɨ̀ə̀. Mbə swi ə ɨnyod, ben ɨŋgam Ŋwiə̀ we nɨ wɨ̀ zɨ ɨŋga tə fîŋ. Ɨŋgam we bɨrɨ ghɨ̀ ni mbə̀ jwɨ rəŋgəʼ.

Jems 1:21 교차 참조

Matìyò 5:5

Ŋwiye zì àbɔrɔ̀bɔd igun bəd mbe ne swi ìwɔb nyɔd aseg, imbə̀ʼ icheg ne mbɔb biri jəg ighi igun isəg.

Jn 6:63

À ya Azwighi Ŋwiye ze nàʼà ìtḛ̀. Chəyi tì wə̀d naʼ ìtḛ̀. Ìngam gho̰ anìŋ ne mə ghàmi inən ya ìngam ne nàʼà ìtḛ̀. À ya ìngam ne nɔʼi abə Azwighi Ŋwiye.

Jn 6:68

Sayimùn Pità ya biri ibo gha, “Anɔŋisəg, tì kə ywiri ghò abə we? À ya məyi àghò beri ìngam we ne nàʼà ìtḛ̀ ighə̀m imɔʼ.

Ɨ̀fàʼì 10:33

Mə ya zug ane, tɔm bəd kwàʼ ati ati gha mbe yeʼe kàrì awe. Àghò fə ghì anug ne bɔŋi icheg ne àghò yèʼe. Tì ya anìŋ imbìghè abə Ŋwiye mba məjìm ni zug anug ze ne Anɔŋisəg gha ine gha àghò gha ina.”

Ɨ̀fàʼì 13:26

Sɔl ya chè imbìghè si gha, “Ìmbum məfi, bɔn ane aghaŋ inəbi Abràham tì mbə̰ mbe ne kayi mə̀Ju ne ghùmnə Ŋwiye, ikən we ne ghà imbə̀ʼ icheg ne Ŋwiye we pùmnə bəd fə yeʼe ina.

Rm 1:16

Chəyi mə bèrè tìnìrètog imbə̀ʼ ikən chɔm gho̰ ka; à ya ika Ŋwiye we ne pùmnə bəd məjìm ne nɔŋi ibḛfiŋ igun məd. Ikən chɔm gho̰ ya bì yaʼ abə mə̀Ju bɔŋ bəd ne kayi mə̀Ju.

Rm 11:17

Àmə yaʼ aghi ne mbi ya sɔbi fìtab mɔ̀ʼɔ ane azed olìf tibɔ̀ŋ ghò nàndì ane ibəm azed olìf chɔm, nji mbə̰ mbe ne kayi mə̀Ju ya icheg azed olìf tibɔ̀ŋ ze ne mbi ya nàndì ane àze chɔm. Mbə̰ mbe se bə̀ bèrè àbɔrɔ̀bɔd ze ne mə̀Ju mbe bèrè amad anìŋ.

Rm 6:17

Tè nàʼ məyakà abə Ŋwiye gha, à ya yaʼ mbègtog, mbə̰ ya yaʼ ìbòʼì abə inug tibɔ̀ŋ. Àsi amad anìŋ, mbə̰ mbe se nɔ̀ŋɔ̀ inug feg mbe ne tì fə chwiti inən ane ìzən fìŋ ijìm.

1 Kɔrèn 15:2

Mbə̰ biri pum anjìm ikən chɔm gho̰ àmə yaʼ ne mbə̀ nyimi Ìngam Ŋwiye we ne mə̀ ya gha inən kwàʼ icheg chɔm. Àmə chəyi ane, nji inug mbe ne mbə̀ nɔŋi ibḛfiŋ igun ya ati ako.

2 Kɔrèn 7:1

Ìmbum mə̀sə̀ʼ ne mə̀ taŋ kɔ̀ŋ, icheg ne Ŋwiye kàʼi ni fàʼ inug mbo̰ ina, tè chiye ìwa nyɔd fɔrɔ àza azwighi ane inug ijìm mbe ne ghìyə̀ ghà wə̀d ghiyə inug tibɔ̀ŋ se fàʼà inug ijìm inga ìzḛzḛ bə̀ bɔ Ŋwiye.

Efesùs 1:13

Mbə̰ ya bə̀ si yaʼ bəd Kristo anyumə̀ we ne mbə̀ ya zughi ikən tesiʼ, bḛ. À ya ikən chɔm we ghi mbə̰ pum. Mbə̰ ya bḛ Kristo, Ŋwiye bə̀ nàʼ àzi Azwighi inən icheg ne wì ya kàʼi ane aneni ne chwìye gha mbə̰ ya si bəd məd.

Efesùs 4:22

Mbə̀ waʼ ìwən ikuchèg anun we ne yaya ghìyə̀ mbə se gùghə̀ inug. Ikuchèg we yaya chìkə̀ awən ghìyə̀ mbə se kɔ̀ŋɔ̀ yaʼ inug mbe ne ghìyə̀ mbə fèbrè.

Efesùs 4:25

Wə̀d imɔʼ imɔʼ abɔ̀ʼ inən waʼ inug ako se ghàmà məyi tesiʼ imbə̀ʼ mə̀mbin imbə̀ʼ icheg ne tì fə si bəd imɔʼ anjìm Kristo.

Efesùs 5:4

Chəyi ze bɔŋi gha mbə̀ ya ghàmà izṵ inug kə̀ ghìyə̀ tìcheg ane izṵ inug kə̀ ghàmà tìngam anen. Anug ne bɔŋi ya gha mbə̀ ya nàʼà yaʼ məyakà abə Ŋwiye.

1 Tèsàlonikà 1:5

Kayi məyi ane ìngam ichug ne tì ya chèti ikən chɔm inən. Tì ya chètì fɔrɔ ane ika ne Azwighi Ŋwiye ya naʼi ina. Tì ya bə̀ chwi gha ikən chɔm gho̰ ya tesiʼ. Mbə bə̀ kyèri awən ikuchèg ne tì yaya chùghə tì inən ni wètì awən.

1 Tèsàlonikà 2:13

Tì we bə̀ nàʼà məyakà abə Ŋwiye aghəm ajìm imbə̀ʼ icheg ne anyumə̀ ne tì ya yèʼe tì Ìngam Ŋwiye inən, mbə̰ ya zug bḛ gha à ya Ìngam Ŋwiye, kayi ìngam wə̀d-aku. Tesiʼ ya gha, à ya kwàʼ Ìngam Ŋwiye. Ìngam Ŋwiye we we fàʼà inga mbə̰ mbe ne bḛ Kristo.

Tayitùs 2:11

Ze yaʼ ane imbə̀ʼ icheg ne, Ŋwiye fə chwi ìwi ìchɔ̀mì we ne pùmnə bəd abə bəd məjìm.

Mə̀Hibrù 12:1

Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè.

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Mə̀Hibrù 4:2

Ikən chɔm we ne tì ya zughi, bəd mbègtog ya bə̀ zug. Mbɔb ya jiʼì zug ane, si ya gha, chəyi wi ya wèti awɔb imbə̀ʼ icheg ne mbi ya zug chəyi mbi si bḛ.

Jems 4:8

Mbə̀ tindi iban Ŋwiye, wì biri tindi iban inən. Mbə̰ mbe ne ghìyə̀ inug tibɔ̀ŋ, mbə̀ so ìmbən ibo! Mbə̰ mbe ne beri fìŋ ibe ibe, mbə̀ so ìtən fìŋ!

Jems 5:20

Mbə̀ wendi gha, wə̀d ne wèti wə̀d ne fèbè, wì biri chì aməd ichug iwu. Ane, Ŋwiye biri waʼ inug tibɔ̀ŋ nɔʼ nɔʼ abə wə̀d we ne kə̀ febe.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 1:9

Icheg ne mbə̀ fə nɔŋi ibḛfiŋ igun məd, Ŋwiye biri pumni awən.

1 Pità 2:1

Mbə̀ waʼ inug tìbɔŋ ijìm, bə̀ waʼ anug ni tambi bəd. Mbə̀ bə waʼ anug ni fùbrì inug, bə̀ waʼ anug ni ghì àdeg fɔrɔ anug ni chìkì tikum bəd.

1 Pità 2:11

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ ya bəd tìsɔ̀ʼ inga isəg gho̰ ne bə yaʼ mə̀nɔʼɔ. Ane, mə we bòʼo ibo inən gha mbə̀ chìye ìfən ifeg ane inug tibɔ̀ŋ mbe ne nyàmnyɔd ze ghə̀ʼrə̀. À ya inug tibɔ̀ŋ mbe ya màʼà ibid inən inga fìŋ.