Jems 1:19 - Ikan feg

¹⁹ Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ ya tɔ àtɔ̀ŋi ane anug. Imbə̀ʼ mbə̰ ya kə ghàmà awən. Imbə̀ʼ mbə̰ ya bə̀ kə gàŋa awən.

Meta’

¹⁹ Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kyerɨ ənû zɔ̂. Wə̀d jìm tɔ ɨ̀tǒŋ zu ənû. Tɨ wɨ̀ kɨə ghàm i. Tɨ wɨ̀ kɨə sə i ɨtəm,

Jems 1:19 교차 참조

Matìyò 5:22

Anug ne mə ghà inən amad anìŋ ya gha: Wə̀d mɔ̀ʼɔ mə̀ gaŋ tì ìwi ifi, mbi biri saʼ aməd. Wə̀d mɔ̀ʼɔ mə̀ zɔ̀mbì ìwi ifi, itog bəd ne sàʼa aben biri saʼ aməd. Wə̀d mə ghà abə ìwi ifi gha, ‹Àghò ya anen!› Wə̀d we ne gha ane kyeri gha mbi biri màʼ aməd inga iywid nɔʼ mèg, ne ya asiŋi ichə.

Mk 12:37

Dèvid ziye ya kàrì Yeso ane Anɔŋisəg. Ze si ywìrì chè iye gha Anɔŋisəg ya ŋwan ane aghaŋ məd? Inɔ̰ bəd we ya kɔ̀ŋ ni zug inug mbe ne wì yaya ghà.

Mk 2:2

Bəd nɔʼ nɔʼ ya ghò fète ibo inga nəb. Nəb ze ya sweg ne chəyi ya ywìrè yi apan inga nəb kə̀ imbìghè nəb ne tì bəd ya təm angu. Yeso ya ko ni ghàm Ìngam Ŋwiye inɔb.

Lk 15:1

Aneg mɔ̀ʼɔ, bədtag tì bəd ne ghìyə̀ inug tibɔ̀ŋ yaya fète iban Yeso ni zug anug ne we ghà.

Lk 19:48

Si ya gha, chəyi mbɔb ya beri anug ne nyimi si chè igun zwèti aməd imbə̀ʼ icheg ne wə̀d ijìm yaya kɔ̀ŋɔ̀ ni zweri anug ne Yeso yaya chwìte.

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

Ɨ̀fàʼì 10:33

Mə ya zug ane, tɔm bəd kwàʼ ati ati gha mbe yeʼe kàrì awe. Àghò fə ghì anug ne bɔŋi icheg ne àghò yèʼe. Tì ya anìŋ imbìghè abə Ŋwiye mba məjìm ni zug anug ze ne Anɔŋisəg gha ine gha àghò gha ina.”

Ɨ̀fàʼì 13:48

Anyumə̀ ne bəd mbe ne kayi mə̀Ju ya zughi anug azo̰, mbi ya gyendi bə̀ ghùmni Ŋwiye imbə̀ʼ ìngam Anɔŋisəg we ne wì ghàmi imbə̀ʼ awɔb. Bəd məjìm mbe ne Ŋwiye ya fə chɔʼi gha mbi biri jəg ìtḛ̀ ighə̀m imɔʼ ya bḛ anug ze ne mbi yaya ghà imbə̀ʼ Kristo.

Ɨ̀fàʼì 17:11

Mə̀Ju mbe a Bèriyà ya bèrì fìŋ chɔm chè mbe a Tèsàlonikà imbə̀ʼ icheg ne mbi yaya nìŋə Ìngam Ŋwiye kwàʼ ane fìŋ ijìm. Mbi yaya taŋ zìyè fìŋ ni zug Ìngam Ŋwiye. Mbɔb yaya kàrà Ìngam Ŋwiye ineg ijìm ni nèn gha inug mbe ne Pɔl yaya chwìte kə kwàʼ mbe tesiʼ.

Ɨ̀fàʼì 2:42

Bəd Kristo mbe ne ya zi atog ane inug ne bədtɔm yaya chwìte ya yaʼ ane ifɔti. Ane, mbi yaya fɔ̀tɔ jə̀ghə itari bə̀ fɔ̀tɔ chàʼrà Ŋwiye.

Efesùs 4:26

Imbə̀ʼ wə̀d mɔ̀ʼɔ saŋa yi gha agaŋ ghiyə wì gughə anug. Imbə̀ʼ wə̀d gaŋ yi nèʼre.

Efesùs 4:31

Mbə̀ waʼ agaŋ, bə̀ waʼ achɔb bə̀ waʼ iswḛ, bə̀ waʼ anug ni swèg ìsɔm, bə̀ waʼ ikuchèg we ne ghìyə̀ bəd bà̰ mə̀mbin. Mbə̀ bə waʼ anug ni chàpì tikum bəd. Mbə̀ bə wàʼ tiku inug tibɔ̀ŋ ndəŋ ijìm.

Kòlosè 3:15

Mbə̀ saŋa àbɔrɔ̀bɔd ze ne Kristo nàʼi inən ze tumbə ìtən fìŋ. À ya imbə̀ʼ àbɔrɔ̀bɔd ze ne Ŋwiye ya kàri awən gha mbə̀ yaʼ ane ifɔti inga nyàmnyɔd imɔʼ. Mbə̀ ya nàʼà məyakà ibo mà nyumə̀ ijìm.

Kòlosè 3:8

Àsi amad anìŋ, mbəʼ mənyìʼ waʼ tiku inug te. Inug mbe ya inug icheg: agaŋ tì iswḛ fɔrɔ adɔʼ. Imbə̀ʼ mbə̰ ya chìkə̀ awən tikum bəd. Imbə̀ʼ mbə̰ bə bḛ awən gha ìngam zu zu duwə inən ichug.

1 Tèsàlonikà 2:13

Tì we bə̀ nàʼà məyakà abə Ŋwiye aghəm ajìm imbə̀ʼ icheg ne anyumə̀ ne tì ya yèʼe tì Ìngam Ŋwiye inən, mbə̰ ya zug bḛ gha à ya Ìngam Ŋwiye, kayi ìngam wə̀d-aku. Tesiʼ ya gha, à ya kwàʼ Ìngam Ŋwiye. Ìngam Ŋwiye we we fàʼà inga mbə̰ mbe ne bḛ Kristo.

Jems 1:16

Ìmbum məfi fɔrɔ ìtum njàbi, imbə̀ʼ mbə̰ bḛ awən gha wə̀d mɔ̀ʼɔ tambi awən.

Jems 1:2

Ìmbum məfi fɔrɔ ìtum njàbi, mbə̀ ya gyènde mà nyumə̀ ijìm ne mbə̰ mbe chè inga aku àkwàʼrì nɔʼ nɔʼ.

Jems 1:26

Wə̀d mɔ̀ʼɔ abɔ̀ʼ inən wa kɔ̀ndi gha zìye təm kà inga anug Ŋwiye? Àmə chəyi wì kyèri ni nyimbi ìwi ichug, wì ya tàmba ìwi nyɔd. Anug Ŋwiye məd ya bə̀ ati ako.

Jems 2:1

Ìmbum məfi fɔrɔ ìtum njàbi, icheg ne mbə̀ bḛ Anɔŋisəg Yeso Kristo we ne bəd mbe ghùmnə, imbə̀ʼ mbə̰ si ya ghìyə̀ awən ighə.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

Jems 3:10

Ìngam ighumni fɔrɔ ìngam ndɔ̀n ya dùwə̀ məyi inga ichug we imɔʼ. Ìmbum məfi fɔrɔ ìtum njàbi, kayi icheg ne ze koʼi ni yaʼ we.

Jems 4:11

Ìmbum məfi fɔrɔ ìtum njàbi, imbə̀ʼ wə̀d ghama yi anug tibɔ̀ŋ igun wə̀d ndəŋ. Wə̀d we ne ghàmà inug tibɔ̀ŋ igun wə̀d ndəŋ, kə̀ sàʼa wə̀d ndəŋ, tengàŋ ya gha chəyi mə̀nɔ̀ʼɔ̀ Ŋwiye koʼi. Məd ya ane bə̀ sàʼa mə̀nɔ̀ʼɔ̀ Ŋwiye. Àghò mə sàʼ mə̀nɔ̀ʼɔ̀ Ŋwiye, ane ya gha, chəyi àghò biri ya nɔ̀ŋɔ̀ mə̀nɔ̀ʼɔ̀ mbe. Àghò biri yaʼ wə̀d ne sàʼà mə̀nɔ̀ʼɔ̀.

Jems 5:12

Ìmbum məfi fɔrɔ ìtum njàbi, ijiʼi anug ya gha, imbə̀ʼ mbə̰ zɔ̀m awən anug, ka. Kə̀ àkə ni zɔ̀m ane ikaŋ àbɔ̀ŋɔ kə̀ ane ìseg, kə̀ bə̀ yi ane aghi mɔ̀ʼɔ ndəŋ. Mbə̀ ya bḛ məyi gha; “E!” kə̀ “Indèʼ!” Mbə̰ mə̀ ya bḛ ane, chəyi Ŋwiye biri gha mbə gùg anug.

Jems 5:19

Ìmbum məfi fɔrɔ ìtum njàbi, wə̀d mɔ̀ʼɔ mə̀ fèbè, dù igun inɔnjì tesiʼ, wə̀d ndəŋ wete aməd ywìrì chwi inɔnjì tesiʼ ibo.

1 Jɔn 2:21

Kayi mə ŋwàʼrà inən imbə̀ʼ icheg ne chəyi mbə̀ kyeri tesiʼ. Mə ya ŋwàʼrà imbə̀ʼ icheg ne mbə̀ kyere tesiʼ fɔrɔ imbə̀ʼ icheg ne mbə̀ kyeri gha chəyi anug ako yaʼi inga tesiʼ.