Jems 1:17 - Ikan feg

¹⁷ Tineʼi chɔm ne bɔŋi mànì ya nɔ̀ʼɔ̀ abə Ŋwiye. Ti ya nɔ̀ʼɔ̀ abə Ŋwiye we ne tangi ighi mbe ne zùʼə ikaŋ àbɔ̀ŋɔ. Chəyi məd we kɔ̀pɔ kə̀ ghàbra nyɔd icheg achwi ni ghì gha isiŋi fin.

Meta’

¹⁷ Ɨghɨ chɔ̀m jìm mbɨ ɨneʼe jìm we nɨ bɔŋɨ màànɨ̀ yɨ rɨkaŋ. Mbɨ yɨ rɨ əmbɨ ə Mbǎʼ we nɨ nyaʼa tekɨ ɨghɨjìm mbe nɨ yeʼ ɨkaŋ, nɨ à yɨə məd ə nàʼ ɨzeŋɨ zeŋɨ. Kaʼ məd wɨə kwepɨ i. Kaʼ ɨchî nɨ wɨə beŋ ɨnyod wɨə ghɨ̀ i ni ɨsɨ fin.

Jems 1:17 교차 참조

Matìyò 7:11

Mbə̰ bəd ne ghìyə̀ inug tibɔ̀ŋ kə mə̀ kyèri icheg ni nàʼ ighi chɔm chɔm abə ìmbən bɔn, mbə̀ si kɔ̀ndi icheg ne ìwən Mbaʼ we ne yaʼi ikaŋ àbɔ̀ŋɔ biri taŋ nàʼ ighi chɔm chɔm abə bəd mbe ne nɔ̰ ighi ibo.

Lk 11:13

Mbə̰ bəd inug tibɔ̀ŋ kə mə̀ kyèri icheg ni nàʼ ighi chɔm chɔm abə ìmbən bɔn, mbə̀ si kɔ̀ndi icheg ne Mbaʼ we ikaŋ àbɔ̀ŋɔ biri nàʼ Azwighi Ŋwiye abə bəd mbe ne bìre ibo.”

Jn 1:9

Ìzḛzḛ gho̰ ya kwàʼ ìzḛzḛ tesiʼ ne yeʼe igun isəg. Wì ya zùʼə abə bəd məjìm.

Jn 3:27

Jɔn ya ywìtì inɔb gha, “Chəyi wə̀d ya bèrè aghi mɔ̀ʼɔ kirənde à ya Ŋwiye nàʼi ibo.

Jn 3:3

Yeso ya ywìtì ibo gha, “Mə ghà kwàʼ tesiʼ ine gha, mbi mənyìʼ ywìrì gwi wə̀d ighəm ndəŋ bɔŋ wì se nyḭ̀yḛ inga anug ìfɔ̀n Ŋwiye.”

Jn 8:12

Yeso ya ywìrì ghà abə bəd gha, “Mo ya ìzḛzḛ abə bəd mbe ne yaʼi igun isəg. Wə̀d we ne bḛ amə, chəyi wì biri ya yḛ̀ inga afub. Tengàŋ biri bèrì ìzḛzḛ we ne nàʼà ìtḛ̀.”

Ɨ̀fàʼì 11:18

Anyumə̀ ne mə̀Ju mbe ya zughi ane, chəyi mbi ya ywirì bìri anug mɔ̀ʼɔ abə Pità. Mbi ya se ghùmnə Ŋwiye gha, “Ane, à ya kwàʼ tesiʼ gha Ŋwiye fə nàʼ apan abə bəd ne kayi mə̀Ju gha mbe bəŋə fìŋ sìkì inug tibɔ̀ŋ, jəg ìtḛ̀.”

Ɨ̀fàʼì 5:31

Ŋwiye ya nɔ̀ aməd ane, nɔ̀ŋì ibo aba abo jəghi ane Atog wə̀d igun bəd məjìm fɔrɔ ane Wə̀d ne pùmnə bəd, ni gha məd we tì wì ghì mə̀Izre bə̀ŋì fìŋ sìkì inug tibɔ̀ŋ, Ŋwiye waʼ ìmbɔb inug tibɔ̀ŋ.

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

1 Kɔrèn 4:7

Wə̀d ne gha inən gha wə̀d mɔ̀ʼɔ chè ìywin àkə we? Àkə aghə ne mbə̀ beri ne kayi Ŋwiye nàʼi inən? Aton ne Ŋwiye nàʼi ighi inən mbə se kɔ̀mɔ̀ igo icheg ni gha kayi Ŋwiye nàʼi inən àkə gha?

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Efesùs 1:18

Mə we bə̀ chàʼrà Ŋwiye gha wì ghiyə ìmbən itog zen imbə̀ʼ mbə̀ kyere aghi ze ne wì kàri awa gha tì nɔŋɔ ikɔndi ghɔ̀m. À ya ìchɔ̀mì kyen we ne wì ya kàʼi abə bəd məd

Efesùs 2:8

Icheg ne mbə̀ nɔŋi ibḛfiŋ igun Kristo, Ŋwiye fə ghì ìchɔ̀mì inən, pumni awən. Kayi mbə̰ ghi anug azo̰. À ya ineʼi ne nɔʼi abə Ŋwiye.

Fìlipì 1:29

Ŋwiye fə nàʼ apan inən ni yaʼ bəd Kristo. Apan ze ya kayi məyi ni bḛ aməd. À ya bə̀ ni zən ngəʼ imbə̀ʼ aməd.

1 Timotì 6:16

À ya məyi məd we imɔʼ ne chəyi wì biri nɔʼ ku. Məd ya chùghə inga ìzḛzḛ we ne chəyi aneg ne tì wə̀d tìndi iban. Chəyi wə̀d mɔ̀ʼɔ kweʼì bàd aməd. Chəyi wə̀d mɔ̀ʼɔ biri nɔʼ bàd aməd. Bəd igun isəg ijìm ghumni aməd, məd bə tùmbì isəg ane ika we ne yaʼi ane ighə̀m imɔʼ. À ya ane.

Mə̀Hibrù 13:8

Chəyi Yeso Kristo we kɔ̀pɔ. Icheg ne wì ya yaʼi, à ya icheg ne wì yaʼi, à ya bə̀ icheg ne wì biri yaʼ ane ighə̀m imɔʼ.

Jems 1:5

Wə̀d mɔ̀ʼɔ mə̀ yaʼ abɔ̀ʼ inən ne chəyi wì beri iwe, tengàŋ nɔn iwe abə Ŋwiye. Ŋwiye we ne nàʼà ighi abə bəd abu abu bə̀ nàʼà ane fìŋ chɔm, wì biri nàʼ iwe ibo.

Jems 3:15

Kayi Ŋwiye nàʼi iku “iwe” we. Wi nɔ̀ʼ yaʼ abə bəd inga isəg. Kayi Azwighi Ŋwiye naʼi. Wì nɔ̀ʼ yaʼ abə Debrə̀.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

1 Jɔn 1:5

Ikən we ne tì ya zughi imbə̀ʼ Ŋwan Ŋwiye ne te bə̀ ghà inən ya gha: Ŋwiye ya ìzḛzḛ, chəyi inug afub mɔ̀ʼɔ yaʼi inga məd ka.

1 Jɔn 4:10

Aŋa ya aghi ne àkɔ̀ŋì yaʼ àzewən: Kayi mba ya bì kɔ̀ŋ Ŋwiye. À ya məd ya bi kɔ̀ŋ awa, chà ìwi Ŋwan ina gha wì yaʼ aghi àfàtì ne biri sò ìmba inug tibɔ̀ŋ.

Ɨnû 21:23

Chəyi aben ze ya ywirì kə̀b gha nyùmə̀ kə̀ iməg ywirì zuʼ igun məd imbə̀ʼ icheg ne ìzḛzḛ njandi njandi yaya dùwə̀ ane Ŋwiye zùʼə zḛ isiŋi ijìm. Ŋwan njə̀g yaya bə̀ zùʼə icheg anam.

Ɨnû 22:5

Chəyi izimi biri ywìri yaʼ angu. Chəyi bəd biri ywìri kə̀b anam kə̀ achwi imbə̀ʼ icheg ne Anɔŋisəg Ŋwiye biri yaʼ ìwɔb ìzḛzḛ. Mbɔb biri tùmbì isəg icheg məfɔn kwàʼ ane ighə̀m imɔʼ.