Jems 1:12 - Ikan feg

¹² Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

Meta’

¹² Ŋwìə̀ zɨ əbɔrəbɔd ɨgun ə wə̀d we nɨə nyìʼ ənɨ ə̀kwàʼnɨ̀ ə nyɨ ɨgwɨ məd, ɨmbə̀ʼ ɨghəm nɨ ənɨ wɨ̀ chè ə̀kwàʼnɨ̀ ze, wɨ̀ bɨrɨ nɨŋ ɨneʼe. Ɨneʼe we yɨ ɨ̀tènɨ̀ rɨ mì we nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Jems 1:12 교차 참조

Matìyò 10:22

Bəd məjìm biri pàb awən imbə̀ʼ amə, si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Lk 6:22

Ŋwiye zì àbɔrɔ̀bɔd igun inən, mbə̰ mbe ne bəd mbe bà̰ awən, to̰ awən, chàpà ìtən tikum bə̀ gha mbə̰ ya bəd ne ghìyə̀ inug tibɔ̀ŋ imbə̀ʼ icheg ne mbə̀ bḛ Ŋwan Wə̀d.

Rm 5:4

Inyimbifiŋ ya ghìyə̀ gha tì bere ikuchèg chɔm. Ikuchèg chɔm ya ghìyə̀ gha bəd bere ikɔndi chɔm ni ghɔ̀m anug ne Ŋwiye kàʼi.

Rm 8:28

Tè kyèri gha, inga inug ijìm, Ŋwiye we fàʼà gha bəd mbe ne kɔ̀ŋɔ̀ aməd, mbe bere ìchɔ̀mì. À ya bəd mbe ne wì ya chɔʼi icheg ne wì ya fə chuʼri nɔ̀ŋì.

1 Kɔrèn 2:9

Mbe ŋwàʼrì inga Àŋwàʼrì Ŋwiye gha, “Anug ne chəyi wə̀d kə kweʼì bàd, ne chəyi wə̀d kə̀ kweʼì zug, kə̀ bì kweʼì kɔ̀ndi inga fìŋ, à ya anug ne Ŋwiye fə chuʼri nɔ̀ŋì abə bəd mbe ne kɔ̀ŋɔ̀ aməd.”

1 Kɔrèn 8:3

Ŋwiye kyèri wə̀d ne kɔ̀ŋi aməd.

1 Kɔrèn 9:25

Wə̀d ijìm ne chùʼrə nyɔd ni nòtò ya ghìyə̀ inug icheg ne mə̀nɔ̀ʼɔ̀ ànòtì chwi imbə̀ʼ niŋ ineʼi wə̀d mbègtog. Ineʼi ne mbe nàʼà ibo ya ineʼi ne chəyi we tà̰. Àsi awa, ineʼi ne te nḛ̀ ni niŋ ya ineʼi ne biri yaʼ ane ighə̀m imɔʼ.

2 Timotì 2:15

Àghò kirə ika ijìm ni təm imbìghè abə Ŋwiye icheg wə̀d àfàʼì ne Ŋwiye bḛ gha wè kòʼ. Təm icheg wə̀d àfàʼì ne chəyi wì beri tìnìrètog, bə̀ təm icheg wə̀d àfàʼì ne nyimi tesiʼ we ne yaʼi inga Ìngam Ŋwiye kwàʼ icheg chɔm.

2 Timotì 4:8

Ane, igun aneg ze ne Anɔŋisəg Kristo biri yeʼe ni saʼ isəg, məd we ne sàʼa bəd ane icheg ne koʼi biri nàʼ ineʼi inum. À ya ineʼi we ne məd we nàʼà abə bəd ne ghìyə̀ inug ne təmi kòʼ. Chəyi wì biri nàʼ məyi inum. Wì biri nàʼ fɔrɔ abə bəd mbe ne ghɔ̀mɔ̀ gha wì ywirì yèʼe.

Mə̀Hibrù 10:32

Mbə̀ kɔndi ineg mbe ne ya fə che ne mbə̀ ya kyeri tesiʼ imbə̀ʼ Yeso Kristo. Mbə̀ bə kɔ̀ndi icheg ne mbə̰ ya nyìʼi inug bə̀ kiri nɔŋi ìwən ibḛfiŋ igun Ŋwiye anyumə̀ ne mbi ya kwàʼri awən ghì mbə zə̰ ngəʼ nɔʼ nɔʼ.

Mə̀Hibrù 11:17

Anyumə̀ ne Ŋwiye ya zweʼri Abràham, à ya ibḛfiŋ ya ghi Abràham chuʼri ìwi nyɔd ni nàʼ Azìg ane aghi àfàtì, ne ŋwan məd yaya məyi Azìg we imɔʼ.

Mə̀Hibrù 12:5

Mbə̰ wa fə nèbì ìngam we ne Ŋwiye ya nəri awən, kàrà awən ane ìmbi bɔn? Ŋwiye ya gha, “Ìmə Ŋwan, imbə̀ʼ àghò niŋ awe anug ze ne Ŋwiye ya chə bəd mbe ne gughi anug ane afed. Imbə̀ʼ àghò saŋa awe gha ìwe ibḛfiŋ bɔd anyumə̀ ne Ŋwiye chə awe ni də̀n awe.

Mə̀Hibrù 6:15

Abràham ya nyimi fìŋ ghɔ̀m anene bə̀ ghum bèrì aghi ze ne Ŋwiye ya kàʼi ibo.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

Jems 5:11

Mbə̰ kyèri àzən aghi gha, mba ya nìŋə bəd mbe ne nyìme fìŋ ane bəd ne Ŋwiye zi àbɔrɔ̀bɔd igun inɔb. Mbə̰ fə zug icheg ne Job ya nyimi fìŋ inga ngəʼ. Mbə̰ kyèri icheg ne Ŋwiye ya nwìyḛ̀ zì àbɔrɔ̀bɔd igun məd inga ineg mbe ne ngəʼ məd ya fə mèghi. Anɔŋisəg we dìgrè bə̀ sɔ̀mnɔ̀ igun bəd.

1 Pità 3:14

Ka mbi bì ghì àghò zə̰ ngəʼ anjìm inug chɔm, Ŋwiye biri zì àbɔrɔ̀bɔd igun ine. A ze inga Àŋwàʼrì Ŋwiye gha, “Imbə̀ʼ mbə̰ bɔ awən wə̀d ne sìbè awən. Imbə̀ʼ mbə̰ binde awən ka.”

1 Pità 4:13

Mbə̀ ya gyènde gha mbə̰ mbe bə̀ zə̰ ngəʼ icheg ne Kristo ya zə̰ ngəʼ. Ane, anyumə̀ ne Kristo ywirì yèʼe inga ìwi ighumni, igyendi biri sweg inga ìtən fìŋ.

1 Pità 4:14

Bəd mə̀ ya zɔ̀mbɔ̀ awən imbə̀ʼ anug Kristo, mbə̀ kyeri gha Ŋwiye biri zì àbɔrɔ̀bɔd igun inən. Àze ya chwìye gha Azwighi ìzḛzḛ ze ne Ŋwiye we nàʼà ze igun inən.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

1 Pità 5:4

Anyumə̀ ne Àjənjə̀g kyen biri yeʼe, wì biri nàʼ ichɔʼi àfàʼì njandi njandi ne chəyi wi biri nɔʼ chə̀.

1 Jɔn 4:19

Tì ya kɔ̀ŋɔ̀ bəd imbə̀ʼ icheg ne Ŋwiye ya fə bì kɔ̀ŋ awa.

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.

Ɨnû 3:19

Mə ya ghàmà kyḛ abə bəd mbe ne mə̀ kɔŋi. Mə ya bə̀ chə bəd mbe ne mə̀ kɔŋi. Ane, nḛ gha àghò zì atog ni ya nɔ̀mɔ̀, bə̀ nḛ gha àghò bə̀ŋì ìze fìŋ chì ane inug tibɔ̀ŋ.

Ɨnû 3:21

Mə biri bḛ gha wə̀d we ne che àkwàʼrì, wì chughi igun atən ifɔn iban inum, kwàʼ icheg ne mə̀ ya bə chè àkwàʼrì bə̀ ghò si chùghi iban ìmə Mbaʼ igun atən ifɔn məd.