Ɨnû 6:1 - Ikan feg

¹ Mə ya bàd icheg ne Ŋwan njə̀g ya fìʼì afeni ìnen mbègtog inga ifeni mbe ìsàmbe. Anyumə̀ ne wì ya fìʼì afeni ze, mə̀ ya bə̀ zug gì aghi azɔm mɔ̀ʼɔ abɔ̀ʼ ighi izɔm mbe ikwè. Gì ze ya ghàm kwàʼ icheg mbə̀ŋ ne kùmə̀, gha, “Yeʼe!”

Meta’

¹ Mə nyaʼa zə ənɨ Wan njɨ̀g we nyaʼa kyeʼrɨ ɨneŋ rɨtu rəbɔʼ mɨneŋ mbe sambe. Mə nyaʼa bə̀ zu gɨ̂ əghɨ ə mɔʼ rəbɔʼ ɨghɨ mbe ɨkwè nɨ yeʼ ɨkǎ ɨchî nɨ zɨ̀ nyaʼa gham ɨghabɨ ɨchî nɨ mbə̀ŋ ə kùmə̀. Zɨ̀ nyaʼa ghà ni, “Yeʼe!”

Ɨnû 6:1 교차 참조

Jn 1:29

Igun aneg abɔ̀ʼ, Jɔn ya bàra Yeso ne we yèʼe ibo imbìghè. Wì ghà abə bəd gha, “Mbə̀ nḛ! Aŋa ya Ŋwan njə̀g Ŋwiye. Məd ya wə̀d we ne wàʼa inug tibɔ̀ŋ bəd.

Ɨ̀fàʼì 4:20

Mbə̀ kyeri gha chəyi tì biri ton ni chètì anug ne tì bari bə̀ zug.”

Ɨnû 11:19

Ane, mbi ya si fìʼì mbàn Ŋwiye ze ikaŋ àbɔ̀ŋɔ, bàd gha tìkub mə̀nɔ̀ʼɔ̀ Ŋwiye ya yaʼ angu. Àŋwàŋwaŋ ya ŋwàŋ, isiŋi kùm, mbə̀ŋ kum, isiŋi ghùd, afim ka ka chè, awḛ nɔʼ nɔʼ bə̀ fèndi.

Ɨnû 13:8

Bəd ne yaʼi igun isəg məjìm biri ghumni nyam kyen ze, chèyi ane bəd mbe ne Ŋwan njə̀g we ne mbi ya zweti ya fə ŋwàʼri ìtɔb tikum inga àŋwàʼrì ze ne wì ŋwàʼri tikum bəd mbe ne biri jəg ìtḛ̀. Wì ya fə ghum ŋwàʼri ane bɔŋ se tànga isəg.

Ɨnû 14:2

Mə ya zug gì ne ghàmi ikaŋ àbɔ̀ŋɔ kwàʼ icheg ni gha à ya tigyi nɔʼ nɔʼ te jòʼò bə̀ kwàʼ icheg ni gha à ya mbə̀ŋ ze kùmə̀ kwàʼ ane ika. Gì ze yaya ghàmà kwàʼ icheg ni gha à ya bəd ne bòʼo abin mbe nwìʼe inɔŋi.

Ɨnû 19:6

Mə ya zug aghi mɔ̀ʼɔ ne ya yaʼi icheg gì inɔ̰ bəd ne yaʼi kwàʼ ìwi kyen. Gì ze ya bə̀ yaʼ kwàʼ icheg ni gha à ya tigyi nɔʼ nɔʼ te jòʼò bə̀ ywìrì yaʼ icheg ni gha à ya mbə̀ŋ ne kùmə̀. Zì ya ghà ane ika gha, “Tì ghumni Ŋwiye! À ya ane imbə̀ʼ icheg ne Anɔŋisəg, ìwa Ŋwiyekɔʼ we se tùmbə̀ isəg.

Ɨnû 4:8

Ighi izɔm mbo̰ ijìm ya bèrì tibabì tìfughə bə̀ bèrì aghə isiŋi ijìm fɔrɔ aton tibabì. Mbi yaya zə̀ʼə̀ ikyeg tisi ijìm fɔrɔ tizimi ijìm gha, “Anɔŋisəg, Ŋwiyekɔʼ, Àghò zen, Àghò zen, Àghò zen. Àghò ne ya bi yaʼ, ne yaʼi amad anìŋ, ne biri ywiri yeʼe.”

Ɨnû 5:1

Mə ya bàd àŋwàʼrì mɔ̀ʼɔ ne mbe kàri kari ikye abo jəghi abə wə̀d we ne ya chughi igun atən ifɔn. Mbi ya ŋwàʼrì inug inga àŋwàʼrì ze iba ajìm, kad àŋwàʼrì ze, si zì ifeni ane ìnen isiŋi ìsàmbe ni gha imbə̀ʼ wə̀d nɔ̀ʼ fìʼì kirənde mbi nàʼ ika ibo.

Ɨnû 5:12

Mbi ya zə̀ʼ ikyeg ane gì ka ka gha, “Ŋwan njə̀g we ne mbi ya kyemi we kòʼ gha mbe naʼa ika ibo, nàʼ ighi ibo, nàʼ iwe ibo, nàʼ ighumni ibo bə̀ nàʼ məyakà ibo.”

Ɨnû 5:8

Anyumə̀ ne wì ya niŋi àŋwàʼrì ze, ighi izɔm mbe ikwè tì itog bəd mbe ìghum ibe chɔ̀b ikwè, ya gundi aseg imbìghè abə Ŋwan njə̀g we. Wə̀d mɔ̀ʼɔ imɔʼ abɔ̀ʼ inɔb ya nyimi inɔŋi ngyeŋ bə̀ nyìmi ikaŋ ne mbi ya tangi ane gol. Ìnen ya sweg inga ikaŋ mbe. Ìnen we ya ichaʼri Ŋwiye ìwi bəd Ŋwiye.

Ɨnû 6:3

Anyumə̀ ne Ŋwan njə̀g ya fìʼì afeni ìnen ne pè ane ibe, mə̀ ya zug aghi azɔm ne pè ane ibe inga ighi izɔm mbe ikwè ne ya ghàmi gha “Yeʼe!”

Ɨnû 6:5

Anyumə̀ ne Ŋwan njə̀g ya fìʼì afeni ìnen ne pè ane itad, mə̀ ya zug aghi azɔm ne pè ane itad inga ighi izɔm mbe ikwè ne ya ghàmi gha, “Yeʼe!” Mə ya nèn bàd nyam mə̀kara firi firi. Wə̀d ne ya yaʼi igun nyam mə̀kara ze ya nyimi aməgrì mɔ̀ʼɔ ibo ikye abo.

Ɨnû 6:7

Anyumə̀ ne Ŋwan njə̀g ya fìʼì afeni ìnen ne pè ane ikwè, mə̀ ya zug gì aghi azɔm ne si nwìyḛ̀ inga ighi izɔm mbe ikwè. Gì ze ya ghàm gha, “Yeʼe!”

Ɨnû 8:1

Anyumə̀ ne Ŋwan njə̀g ya fìʼì afeni ìnen ne pè ane ìsàmbe, isiŋi ya nyi zù tizi ikaŋ àbɔ̀ŋɔ chùghi icheg aba awà fìbì.