Ɨnû 13:6 - Ikan feg

⁶ Zì ya ko chàpì Ŋwiye tì ikum Ŋwiye tì asiŋi ze ne Ŋwiye we chùghə, bə̀ chàpì fɔrɔ bəd məjìm ne chùghə ikaŋ àbɔ̀ŋɔ.

Meta’

⁶ Zɨ̀ nyaʼa kɔ ghamɨ zɔ̀m ə Ŋwiə̀, kɔ zɔ̀m ɨkum Ŋwiə̀, kɔ zɔ̀m əsɨ ze nɨ Ŋwìə̀ ə chubə bə̀ kɔ zɔ̀m bə̂d mɨ̀jìm mbe nɨə chub ɨkaŋ.

Ɨnû 13:6 교차 참조

Matìyò 12:34

Mbə̰ ya kwàʼ ifighi! Tì mbə̰ bəd fìŋ tibɔ̀ŋ ghàm ìngam chɔm? Imbə̀ʼ wə̀d ya ghàmà anug ne yaʼi ibo inga fìŋ?

Matìyò 15:19

À ya ane imbə̀ʼ icheg ne tikɔndi tibɔ̀ŋ ya dùwə̀ inga fìŋ wə̀d. Tikɔndi tibɔ̀ŋ te ya inug icheg: anug ni zweti wə̀d, tì anug ni nɔ̀kì iweg wə̀d kə̀ nɔ̀kì inɔm wə̀d, tì anug ni nɔ̀kì àyi kə̀ nɔ̀kì mbaŋà abu abu, tì anug ni ji, tì anug ni bḛ anug ako igun wə̀d, fɔrɔ anug ni chìkì ikum wə̀d.

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Rm 3:13

Mbi ya ghàmà tìngam ndɔ̀n. Àzɔb ya məyi ni tambi bəd. Ìngam we ne dùwə̀ inɔb ichug ya icheg iniʼi ni jo nɔmi wə̀d.

Kòlosè 1:19

Ŋwiye ya kɔ̀ŋ ni ghì gha, Kristo ne ya Ŋwan məd wì yaʼ icheg məd ane inug ijìm.

Kòlosè 2:9

Aton ya gha, ka Kristo ya yeʼe igun isəg icheg wə̀d, məd ya kwàʼ Ŋwiye ane inug ijìm.

Mə̀Hibrù 9:2

Mbi ya kɔd Azuŋ Ŋwiye ze ghàpì ane ndwi, ze si yaʼ itog ibe. Ighi ne ya yaʼi inga atog nəb mbègtog yaya atən anam fɔrɔ fiŋaŋi. Ngə̀ŋ mə̀kara ne mbi ya nɔŋi ane ngə̀ŋ Ŋwiye ya yaʼ igun fiŋaŋi fe. Mbi yaya kàrà atog nəb azo̰ ane asiŋi ne zḛ mànì.

Mə̀Hibrù 9:24

Aton ya gha, chəyi Kristo ya nyi inga asiŋi ze ne zḛ mànì inga mbàn Ŋwiye ne mbi tangi ane ibo, ne ya afugri ane ighi mbe ne yaʼi ikaŋ àbɔ̀ŋɔ. Wì ya nyi kwàʼ ikaŋ àbɔ̀ŋɔ si təm imbìghè abə Ŋwiye atog ina.

Ɨnû 11:12

Ane, bədkə̀n mbe məbe ya zug gì ka ka ikaŋ àbɔ̀ŋɔ ne ya kyḛ gha, “Mbə̀ yèʼe aŋa!” Pàʼ ya bèʼì awɔb ghò ikaŋ àbɔ̀ŋɔ. Ìmbɔb bəd ìpàb ya təm se nḛ̀ icheg ne mbe kɔ̀ʼɔ ghò.

Ɨnû 12:12

Ane, ikaŋ àbɔ̀ŋɔ tì wə̀d ijìm we ne yaʼi ikaŋ àbɔ̀ŋɔ, mbə̀ ya gyènde! Si ya gha, ngəʼ kyen biri nyi igun inən, àghò isəg tì àghò tìbà imbə̀ʼ icheg ne Debrə̀ we fə swiʼi yèʼe abɔ̀ʼ inən tì agaŋ kyen. Wì kyèri gha ìwi nyùmə̀ fə tumbə!”

Ɨnû 15:5

Àzo̰ tì anug ya chè, mə ywìrì nèn ikaŋ àbɔ̀ŋɔ bàd mbàn Ŋwiye ifìʼi. Azuŋ Ŋwiye ze ne mbi ya nɔŋi mə̀nɔ̀ʼɔ̀ Muse inga ya yaʼ inga mbàn Ŋwiye ze.

Ɨnû 18:20

Bəd məjìm mbe ne yaʼi ikaŋ àbɔ̀ŋɔ, mbə̀ gyendi imbə̀ʼ icheg ne Ŋwiye fə nimni aməd! Bəd Ŋwiye tì bədtɔm Kristo fɔrɔ bədkə̀n Ŋwiye, mbə̀ gyendi imbə̀ʼ icheg ne Ŋwiye fə zì isaʼi igun məd imbə̀ʼ inug tibɔ̀ŋ mbe ne wì ya ghi inən!”

Ɨnû 21:3

Mə ya bə̀ zug gì ne dùwə̀ ane atən ifɔn ze. Gì ze yaya gha, “Mbə̀ nḛ, amad anìŋ, Ŋwiye ya fə se chùghə yi abɔ̀ʼ bəd. Ane, mbɔb biri si yaʼ bəd Ŋwiye. Ŋwiye zìye, ne yaʼi ìwɔb Ŋwiye, biri chughi tì inɔb.

Ɨnû 4:1

Anyumə̀ ne angirə̀ ya màni ni ghàm imbə̀ʼ tikən te tijìm, mə̀ ya nèn ikaŋ àbɔ̀ŋɔ bàd inuʼ nəb mɔ̀ʼɔ ijə. Mə ya ywìrì zug gì mɔ̀ʼɔ icheg ìzi mbègtog. Gì ze ya ghàm icheg tàŋ ne mbi fə. Zì ya ghà inum gha, “Kɔʼ yèʼe aŋa, mə biri chwi inug ne biri dù ine ane nyùmə̀ gho̰ fə che.”

Ɨnû 4:4

Itən ifɔn ndəŋ ìghum ibe chɔ̀b ikwè ya ywìrì kad atən ifɔn ze chuʼ. Itog bəd mɔ̀ʼɔ ìghum ibe chɔ̀b ikwè ne ya zì ndwi fu fu bə̀ zì ighi itog ifɔn ne mbi tangi ane gol ya yaʼ ichughi igun itən ifɔn mbe.

Ɨnû 5:13

Mə ya zug gì ighi ijìm mbe ne Ŋwiye ya tangi ikaŋ àbɔ̀ŋɔ, tangi igun isəg, tangi aton isəg, tangi inga tìbà. Mə ya bə̀ zug gì ighi izɔm ijìm mbe ne yaʼi inga inɔb. Ighi mbe yaya zə̀ʼə̀ ikyeg gha, “Mbə̀ nàʼ ighumni, nàʼ məyakà bə̀ nàʼ ika ibo, məd we ne chughi igun atən ifɔn. Mbə̀ bə ghì ane abə Ŋwan njə̀g kwàʼ ane ighə̀m imɔʼ.”

Ɨnû 7:15

Ane, mbɔb mbe itəmi imbìghè abə atən ifɔn Ŋwiye fàʼà ibo tisi fɔrɔ tizimi inga mbàn məd. Məd we ne chùghə igun atən ifɔn biri kùbri awɔb.

Ɨnû 7:9

Anyumə̀ ne anatì njə̀m ze yaya chè, mə yaya nḛ̀, bàd inɔ̰ bəd ne ya yaʼi kwàʼ ìwi kyen, ne chəyi icheg ne tì wə̀d ya taŋ. Bəd mbe yaya nɔ̀ʼɔ̀ inga iben ijìm, inga tinəbi ijìm, inga isiŋi ijìm bə̀ fɔrɔ inga tìngam ijìm. Mbi ya təm imbìghè abə atən ifɔn bə̀ təm imbìghè abə Ŋwan njə̀g. Mbi ya zì ndwi maʼi fu fu bə̀ nyìmi izaŋ.