Ɨnû 13:11 - Ikan feg

¹¹ Mə ya bàd nyam kyen ndəŋ ne du inga ìseg. Zì ya bèrì ndɔŋ tibe icheg ndɔŋ njə̀g. Zì yaya ghàmà icheg jo tìsɔ̀ʼ.

Meta’

¹¹ Mə nyaʼa zə nyam kyeŋ cherə nɨ nyaʼə jwɨ̀ rɨŋga si. Zɨ̀ nyaʼa berɨ ndɔŋ rɨ̀be nɨ nyaʼa ɨghabɨ tɨ wan njɨ̀g. Ɨ zɨə nyaʼə ghàmə̀ àmei ɨchî nɨ tɨ̀sɔ̀ʼɔ̀ jɔ ze nyaʼə bə̀ ghàmə̀.

Ɨnû 13:11 교차 참조

Matìyò 7:15

Yeso ya chè imbìghè gha, “Mbə̀ we awən tì bədkə̀n mbe ne ghà inug ako. Anyumə̀ ne mbɔb mbe yèʼe inən, mbi ya bɔ̀tɔ kwàʼ icheg njə̀g. Si ya gha, mbɔb ya kwàʼ ìfɔn tɔ tɔ.

Rm 16:18

imbə̀ʼ icheg ne chəyi tiku bəd ìto̰ te fàʼà abə ìwa Anɔŋisəg Yeso Kristo. Mbi ya fàʼà məyi aghi ni jəg awɔb. Mbi ya tàmba bəd mbe ne chəyi mbi kyeri anug ane ìngam nəmi nəmi fɔrɔ ìngam bɔti bɔti.

2 Tès 2:4

Wə̀d inug izəg we biri chɔʼri inug imbə̀ʼ Ŋwiye bə̀ nɔ̀ ìwi nyɔd igun ighi ijìm mbe ne bəd mbe ghùmnə Ŋwiye angu. Wì biri bə nyi chùghi inga mbàn Ŋwiye se ghà gha zìye ya Ŋwiye.

Ɨnû 11:7

Anyumə̀ ne mbɔb fə màni ni ghà ikən we, nyam kyen ze ne dùwə̀ inga ibighi kyen we ne chəyi ìnwḭ ya yèʼe màʼ ibid chè awɔb bə̀ zwèti awɔb.

Ɨnû 12:17

Tìsɔ̀ʼ jo ze ya gaŋ abɔ̀ʼ àyi we. Ane, zì ya ghò ko ni màʼ ibid tì bɔn ne si bùʼ abə àyi we. Bɔn mbe ya bəd mbe ne nɔ̀ŋɔ̀ mə̀nɔ̀ʼɔ̀ Ŋwiye bə̀ nyìme tesiʼ imbə̀ʼ Yeso kwàʼ icheg chɔm. [

Ɨnû 13:1

Mə ya ywìrì bàd iku nyam kyen mɔ̀ʼɔ ne ya du inga igyi tìbà. Zì ya bèrì ndɔŋ ìghum bə̀ bèrì itog ìsàmbe. Ndɔŋ te ìghum ya bèrì ighi atog ifɔn igun, ndɔŋ tì àzi ndɔŋ tì àzi. Itog mbe ìsàmbe ya bə̀ bèrì tikum ne chàpà Ŋwiye ne mbi ŋwàʼri igun, atog tì ìwi atog tì ìwi.

Ɨnû 13:17

Chəyi tì wə̀d zon aghi kə̀ fen aghi ne chəyi wì beri aneni ze. Aneni ze ya ikum nyam ze kə̀ à ya nɔmbà ne təmi ane ikum məd.

Ɨnû 13:4

Wə̀d ijìm ya ghumni tìsɔ̀ʼ jo imbə̀ʼ icheg ne zì ya nàʼ ìwi ika abə nyam kyen ze. Bəd ya bə̀ ghùmni nyam kyen ze gha, “Àkə we yaʼi icheg nyam kyen izo̰? Àkə we ne tì wì zɔŋ tì nyam kyen izo̰?”

Ɨnû 16:13

Mə ya bàd izwighi tibɔ̀ŋ itad ne yaʼi icheg ìsɔn. Mbi ya dù inga ichug abə tìsɔ̀ʼ jo ze, dù inga ichug abə nyam kyen ze bə̀ dù fɔrɔ inga ichug abə wə̀dkə̀n ne ghà inug ako.

Ɨnû 17:6

Mə ya bàd gha àyi we ya fə no anəm bəd Ŋwiye bə̀ no anəm bəd mbe ne yaya chètè inug imbə̀ʼ Yeso. Wì ya no ane be. Anyumə̀ ne mə̀ ya bàri aməd, mə̀ ya yeti chè ati.

Ɨnû 17:8

Nyam kyen ze ne àghò ya bàri ya kweʼì yaʼ izɔm. Si ya gha, amad anìŋ, zì fə ku. Zì biri kɔʼ dù inga ibighi kyen we ne chəyi ìnwḭ, si ghò inga asiŋi ze ne zì biri ku nim angu. Anug biri chè bəd mbe ne yaʼi igun isəg ne chəyi mbi ŋwaʼri ìtɔb tikum inga àŋwàʼrì ze ne bɔŋ Ŋwiye ya se tànga isəg wì ya fə ŋwàʼri tikum bəd mbe ne biri jəg ìtḛ̀ inga. Anug biri chè awɔb imbə̀ʼ icheg ne nyam ze ya kweʼì yaʼ izɔm, amad anìŋ zì fə ku. Si ya gha, zì biri ywiri dù.”