Ɨ̀fàʼì 9:18 - Ikan feg

¹⁸ Kwàʼ ati ati, ighi mɔ̀ʼɔ icheg ijwa ya fendi ane aghə abə Sɔl, wì ko se bàrà isiŋi. Wì ya si nɔ̀ʼ niŋ mənib.

Meta’

¹⁸ Àmei əwu əwən, əghɨ ə mɔʼɔ ɨghabɨ əkəb əgwi nyaʼa feŋ tɨ ənɨ əghə əməd, əne wɨ̀ nyaʼa wɨrɨ kɔ zə ɨsɨ. Wɨ̀ nyaʼa nɔ̀ʼ nɨŋ mɨnib.

Ɨ̀fàʼì 9:18 교차 참조

Ɨ̀fàʼì 2:38

Pità ya ywìtì gha, “Wə̀d imɔʼ imɔʼ abɔ̀ʼ inən bəŋə ìzi fìŋ chì ane inug tibɔ̀ŋ bə̀ niŋ mənib ane ikum Yeso Kristo ni chwi gha Ŋwiye fə waʼ inug tibɔ̀ŋ məd. Mbə̰ mə̀ ghì ane, Ŋwiye biri nèʼ awən nàʼ àzi Azwighi inən.

Ɨ̀fàʼì 2:41

Bəd mbe ya zug ìngam we ne Pità ya ghàmi, bḛ. Ane, mbi ya niŋ mənib. Bəd ne ya yète abɔ̀ʼ bəd Kristo ya yaʼ ka bəd chuʼ titad.

Ɨ̀fàʼì 22:13

Wì ya yèʼe abɔ̀ʼ inum, pè təm iban inum, ghà inum gha, ‹Sɔl, ìmə ifi, àghò ywiri ko bàd isiŋi.› Kwàʼ ati ati, mə̀ ya ywìrì ko se bàrà isiŋi. Ane, mə̀ ya si bàd aməd.

Ɨ̀fàʼì 22:16

Ane, àghò kə amad anìŋ ghɔ̀mɔ̀ aghə? Nɔ̀ʼɔ titighe, niŋ mənib, dèg abə Anɔŋisəg wì so ìmbe inug tibɔ̀ŋ.›

Ɨ̀fàʼì 9:17

Ane, Ànàniyàs ya ghò nyi inga nəb ze, pè nɔ̀ŋì ìmbi ibo igun Sɔl, si ghà ibo gha, “Sɔl, ìmə ifi, Anɔŋisəg Yeso we ne du ghàm ine inɔnjì icheg ne àghò we kə̀ yèʼe aŋa, wì fə chà amə ine ni ghì gha àghò ywirì bàd isiŋi, Azwighi Ŋwiye bə yèʼe igun ine.”

Ɨ̀fàʼì 9:19

Anyumə̀ ne wì ya fə jəghi, wì ya ywìrì bèrì ika. Sɔl ya chughi a Dàmaskòs ineg nɔʼ nɔʼ. Wì yaya chùghə abɔ̀ʼ bəd ne ya bḛ Kristo.

Ɨ̀fàʼì 9:8

Sɔl ya nɔ̀ʼ aseg, fìʼì aghə, si ya gha, chəyi wì yaya ywìrè bàrà isiŋi. Ane, mbi ya si nyìmi abo ibo, niŋ aməd ghò nyi inga Dàmaskòs.

2 Kɔrèn 3:14

Chəyi tì bəd ya kyeri anug ne mə̀nɔ̀ʼɔ̀ Muse yaya ghà. Ka bèyi amad anìŋ, anyumə̀ ne bəd mbe fɔ̀ŋɔ mə̀nɔ̀ʼɔ̀ Muse, ndwi ze kiri kəndə iwe bəd. Anyumə̀ ne wə̀d yaʼi ane ifɔti tì Kristo, ndwi ze ya dùwə̀, iwe məd fìʼè.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.