Ɨ̀fàʼì 8:12 - Ikan feg

¹² Si ya gha, anyumə̀ ne mbi ya zughi ikən chɔm imbə̀ʼ anug ìfɔ̀n Ŋwiye bə̀ zug ikən chɔm imbə̀ʼ Yeso Kristo ne Filip yaya ghà, mbaŋà fɔrɔ mə̀yi ya bḛ bə̀ niŋ mənib.

Meta’

¹² Àyɨə ənɨ mbɨ nyaʼa ben ənû ze nɨ Filip nyaʼə ghàə̀, nɨ nyaʼa ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀ bə̀ fɔrɨ ɨmbə̀ʼ ə Yeso Kristo, mbɨ nyaʼa nɨŋ mɨnib, mbaŋə̀ mbɨ məyi.

Ɨ̀fàʼì 8:12 교차 참조

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

Lk 9:2

Wì ya tɔm awɔb gha mbe gho nè chètè anug ìfɔ̀n Ŋwiye bə̀ ghù bəd ne ghɔ̰̀.

Lk 9:60

Yeso ya ywìtì ibo gha, “Àghò saŋa iwu bəd mbe twəŋi mbɔb iwu bəd.” Àsi àghò, ndò ghò chètì ikən imbə̀ʼ anug ìfɔ̀n Ŋwiye.

Ɨ̀fàʼì 1:3

Anyumə̀ ne wì ya zweme ane iwu, wì ya chwiti ìwi nyɔd inɔb kwàʼ tì ineni nɔʼ nɔʼ, ni chwi gha zìye we yi izɔm. Wì ya chughi tì inɔb ane ineg ìghum ikwè bə̀ ghàm inɔb imbə̀ʼ anug ìfɔ̀n Ŋwiye.

Ɨ̀fàʼì 11:20

Bəd mɔ̀ʼɔ abɔ̀ʼ inɔb ne ya yaʼi bəd a Sayiprùs tì bəd a Sayirèn ya ghò a Antìyɔ̀g pè se ghàmà abə bəd ne kayi mə̀Ju bə. Mbi yaya chètè ikən chɔm imbə̀ʼ Anɔŋisəg Yeso.

Ɨ̀fàʼì 18:8

Krispòs ne ya yaʼi atog wə̀d inga ichamì Ŋwiye we fɔrɔ bəd məjìm mbe ne ya yaʼi ibo inga nəb ya bḛ Anɔŋisəg Yeso. Bəd nɔʼ nɔʼ a Kɔrèn ya zug anug ze ne Pɔl yaya ghà. Ane, mbi ya bḛ Anɔŋisəg Yeso bə̀ niŋ mənib.

Ɨ̀fàʼì 19:5

Anyumə̀ ne mbi ya zughi ane, mbi ya niŋ mənib ane ikum Anɔŋisəg Yeso.

Ɨ̀fàʼì 2:38

Pità ya ywìtì gha, “Wə̀d imɔʼ imɔʼ abɔ̀ʼ inən bəŋə ìzi fìŋ chì ane inug tibɔ̀ŋ bə̀ niŋ mənib ane ikum Yeso Kristo ni chwi gha Ŋwiye fə waʼ inug tibɔ̀ŋ məd. Mbə̰ mə̀ ghì ane, Ŋwiye biri nèʼ awən nàʼ àzi Azwighi inən.

Ɨ̀fàʼì 2:41

Bəd mbe ya zug ìngam we ne Pità ya ghàmi, bḛ. Ane, mbi ya niŋ mənib. Bəd ne ya yète abɔ̀ʼ bəd Kristo ya yaʼ ka bəd chuʼ titad.

Ɨ̀fàʼì 20:21

Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

Ɨ̀fàʼì 20:25

Amad anìŋ, mə kyèri gha chəyi wə̀d mɔ̀ʼɔ abɔ̀ʼ inən biri ywìri bàd amə. Mə ya ghà mbə̰ mbe ne mə̀ yaya yḛ̀ nè ghàmà anug ìfɔ̀n Ŋwiye inən.

Ɨ̀fàʼì 28:31

Wì yaya ghàmà imbə̀ʼ anug ìfɔ̀n Ŋwiye, bə̀ chwìte inug imbə̀ʼ Anɔŋisəg Yeso Kristo asaŋ asaŋ ne chəyi we bɔ. Chəyi wə̀d mɔ̀ʼɔ ne ya gha ibo gha imbə̀ʼ wì ghàmà yi.

Ɨ̀fàʼì 5:14

Tesiʼ ya gha, mbaŋà nɔʼ nɔʼ tì mə̀yi nɔʼ nɔʼ yaya yètè abɔ̀ʼ inɔ̰̀ bəd we ne yaya bḛ Anɔŋisəg. Ane, ìwɔb inɔn ya chè imbìghè ni kweg.

Ɨ̀fàʼì 8:4

Bəd Kristo mbe ne ya sàka yaya yḛ̀ nè ghàmà Ìngam Ŋwiye isiŋi ijìm.

Rm 10:10

À ya anjìm ibḛfiŋ ne wə̀d we tə̀mə kòʼò imbìghè abə Ŋwiye. Wə̀d mə bə̀ ghà ane ìwi ichug gha zìye bḛ, tengàŋ biri pum.

1 Kɔrèn 11:11

Si ya gha, icheg ne tì yaʼi ane ifɔti tì Anɔŋisəg, chəyi àyi yaʼi ane ìwi ighəm ne chəyi mbaŋà. Chəyi mbaŋà bə̀ yaʼ ane ìwi ighəm ne chəyi àyi.

Gàlesìyà 3:28

Ane, chəyi ywìrè yi ikɔpi mɔ̀ʼɔ ane mə̀Ju tì bəd ne kayi mə̀Ju; Kə̀ ifeg tì wə̀d ne kayi ifeg. Chəyi ikɔpi mɔ̀ʼɔ ane mbaŋà kə̀ mə̀yi. Mbə̰ məjìm ya si bəd imɔʼ icheg ne mbə fə se ane anug amɔʼ tì Yeso Kristo.

1 Pità 3:21

Mənib mbe ya si yaʼ icheg mənib mbo̰ ne mbə̰ mbe nìŋə amad anìŋ ni chwi gha mbə̰ fə pum. Anyumə̀ ne mbə̰ mbe nìŋə mənib, à ya kayi ni sò tifiŋi inən igun nyɔd. À ya anug ni chwi gha mbə̰ bḛ Ŋwiye ane fìŋ zḛ zḛ. Ane, mbə̰ fə pum anjìm icheg ne Yeso Kristo ya zweme ane iwu.