Ɨ̀fàʼì 4:26 - Ikan feg

²⁶ Məfɔn mbe igun isəg fə chuʼri nyɔd ane àzɔ̀ŋì; Bəd mbe ne sàʼa iben fə bə̀ fète ni zɔ̀ŋ Anɔŋisəg tì Wə̀d məd we ne wì zɔ̀ʼi.›

Meta’

²⁶ Mɨfɔ̂n rɨ ɨgwɨ ə si nyaʼa fə tekɨ ə ɨnyod, mə̀tùmbɨ̀ bə̂d nyaʼa bə̀ fetɨ yeʼe ni mbə̀ zɔŋ Ə̀nùŋɨ̀sɨg mbɨ Wə̀d məd we nɨ wɨ̀ zɔʼɔ.'

Ɨ̀fàʼì 4:26 교차 참조

Lk 4:18

“Azwighi Ŋwiye ze igun inum. Anɔŋisəg fə zɔʼ amə gha mə gha ikən chɔm abə bəd ne chəyi àzɔb, bə̀ chà amə ni ghò chètì abə bəd ne yaʼi inga ndəŋ gha Ŋwiye biri chì awɔb a ndəŋ sàŋì, fɔrɔ ni gha məfeg bàd isiŋi, fɔrɔ ni gha bəd mbe ne mə̀mbin mbe nyə̀mə̀ awɔb mbe pum,

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Mə̀Hibrù 1:9

Àghò kɔ̀ŋ inug ne koʼi bə̀ bàn inug tibɔ̀ŋ. Ane, Ŋwiye, ne yaʼi ìwe Ŋwiye fə chɔʼ awe nɔ̀ŋì igun ìmbe məfi icheg ne wì zɔ̀ʼi awe ghì àghò se gyènde.”

Ɨnû 11:15

Angirə̀ we ne pè ane ìsàmbe ya fə ìzi tì tàŋ. Gì ka ka ti nɔʼ nɔʼ si ghàm ikaŋ àbɔ̀ŋɔ gha, “À ya ìwa Anɔŋisəg fɔrɔ Wə̀d məd we ne məd zɔ̀ʼi si bèrì ika ijìm amad anìŋ ni tùmbì isəg ijìm kwàʼ ane ighə̀m imɔʼ.”

Ɨnû 12:10

Mə ya zug gì ne ka ikaŋ àbɔ̀ŋɔ. Gì ze ya ghà gha, “Amad anìŋ, Ŋwiye fə chì ìmbi bəd inga ngəʼ. Wì fə chwi ìwi ika. Məd we tùmbə̀ bəd məjìm icheg ifɔn! Amad anìŋ, wə̀d we ne Ŋwiye zɔ̀ʼi fə chwi ìwi ika imbə̀ʼ icheg ne mbi fə chì wə̀d we ne ya təmi imbìghè abə Ŋwiye màʼ igun aseg. Məd ya wə̀d we ne zìyè isaʼi igun ìmba məfi fɔrɔ ìta njàbi ne bḛ Kristo. Məd ya zìyè isaʼi igun inɔb tisi fɔrɔ tizimi.

Ɨnû 17:17

Mbɔb biri ghì ane imbə̀ʼ icheg ne Ŋwiye fə zì inga ìtɔb fìŋ gha mbe ghiyə anug ze ne wì ya fə chuʼri. Mbi biri zì ìmbɔb itog ane ìmbi imɔʼ, nàʼ ika ni tùmbì bəd abə nyam kyen mbègtog ze pè ane nyumə̀ ne Ìngam Ŋwiye biri dù ane tesiʼ.