Ɨ̀fàʼì 4:21 - Ikan feg

²¹ Itog bəd mbe ya ywìrì taŋ pàti awɔb bɔŋ sàŋì awɔb gha mbe gho. Chəyi mbi ya kyeri icheg ne tì mbi chə awɔb imbə̀ʼ icheg ne bəd məjìm yaya nàʼà ighumni abə Ŋwiye ane anug ne ya du.

Meta’

²¹ Ənɨ mbɨ nyaʼa ghà əne, mə̀saʼ əbeŋ mbe nyaʼa yì patɨ mɨ̀mə̌d kwàʼ rɨ̀kǎ, sàŋ ni mbɨ wo ə. Chəi mbɨ nyaʼa zə ɨnə̂njɨ̀ nɨ chə mɨ̀mə̌d, ɨmbə̀ʼ ɨghəm nɨ bə̂d mɨ̀jìm mbɨə nyaʼə yiirɨ ə Ŋwiə̀ ɨmbə̀ʼ ənû ze nɨ nyaʼa ghɨ̌.

Ɨ̀fàʼì 4:21 교차 참조

Matìyò 15:31

Bəd mbe ya yeti icheg ne mbɔb ya bàri gha bəd ne chəyi mbi yaya ghàmà yaya se ghàmà, bə̀ bàd gha bəd ne ighog ya swèʼe tì bəd ne ya buʼrə yaya se yḛ̀ icheg chɔm, bə̀ bàd gha məfəg yaya se bàrà isiŋi. Ane, mbɔb yaya se ghùmnə Ŋwiye mə̀Izre.

Matìyò 21:46

Ane, mbɔb yaya se kə̀bə̀ ni gwì Yeso. À ya məyi gha mbɔb yaya bɔ inɔ̰ bəd we imbə̀ʼ icheg ne bəd ya bḛ gha Yeso ya wə̀dkə̀n Ŋwiye.

Matìyò 26:5

Mbɔb yaya se ghà mbɔb mbɔb gha, “Chəyi ze biri bɔ̀ŋ gha tì zweti aməd ane nyùmə̀ Iteri Chègun imbə̀ʼ bəd nɔ̀ʼ bàd, bùg ndum.”

Matìyò 9:33

Kwàʼ anyumə̀ ne Yeso ya kamni azwighi tibɔ̀ŋ ze chì inga wə̀d we, wì ya si ko se ghàmà. Anug ya chè inɔ̰ bəd we, mbi si gha, “Chəyi tì kə kweʼì bàd anug icheg azo̰ inga aben Izre”

Matìyò 9:8

Anyumə̀ ne inɔ̰ bəd we ya bàri anug ne du, mbi ya bɔ, se ghùmnə Ŋwiye we ne nàʼi iku ika gho̰ abə bəd.

Lk 13:17

Iywiti ichug Yeso ya ghì atog nìd abə bəd ìpàb məd. Bəd məjìm ne ya yaʼi angu ya se gyènde ane tiyeti inug ne Yeso yaya ghìyə̀.

Lk 20:19

Mə̀chwitì mə̀nɔ̀ʼɔ̀ tì itog bəd mbàn Ŋwiye ya kyeri gha Yeso ghàm ìngam məgri we imbə̀ʼ awɔb. Ane, mbi ya se kə̀bə̀ anug ne chè igun gwì aməd kwàʼ ati. Si ya gha, mbi yaya bɔ bəd.

Lk 20:6

Àsi ane tì gha, à ya bəd, bəd biri tumbi awa ane ateg, zwèti imbə̀ʼ icheg ne bəd kyèri gha Jɔn yaya wə̀dkə̀n Ŋwiye.

Lk 22:2

Itog bəd mbàn Ŋwiye, fɔrɔ mə̀chwitì mə̀nɔ̀ʼɔ̀ yaya kə̀bə̀ inɔnjì ni zweti Yeso. Mbi yaya kə̀bə̀ ni zweti aməd inə̀mbi imbə̀ʼ icheg ne mbi yaya bɔ gha bəd biri bùg ndum.

Lk 5:26

Anug ya chè bəd məjìm. Mbi ya bɔ se ghùmnə Ŋwiye gha, “Tè bàd iyeti inug tèchɔ̀ŋ.”

Ɨ̀fàʼì 4:17

Chəyi anug ndəŋ ni ghì chèyi ni ghì gha imbə̀ʼ bəd ndan ndàn si nɔ̀ʼ zug. Tè pati awɔb gha imbə̀ʼ mbi ywiri ghama awɔb inug imbə̀ʼ ikum we abə bəd.”

Ɨ̀fàʼì 4:22

Bəd yaya ghùmnə Ŋwiye imbə̀ʼ ayeti anug ze ne Pità tì Jɔn ya ghì imbə̀ʼ icheg ne wə̀d we ne mbɔb ya ghu aməd ya fə chè tituʼ ìghum ikwè.

Ɨ̀fàʼì 5:13

Bəd yaya ghùmnə awɔb kwàʼ icheg chɔm. Si ya gha, chəyi wə̀d ne chəyi abɔ̀ʼ inɔb ya beri fìŋ ne tì wì fɔ̀ti abɔ̀ʼ inɔb.

Ɨ̀fàʼì 5:26

Mbi ya zug ane, atog wə̀d igun mə̀sogyì nɔ̀ʼ ghò tì mə̀sogyì pè niŋ awɔb ghò inga ichamì we. Chəyi mbi ya gwi awɔb ane ika imbə̀ʼ icheg ne mbi yaya bɔ gha bəd mbe biri tumbi awɔb ane ateg zwèti.

Ɨ̀fàʼì 5:40

Bəd mbe ne sàʼa aben ya zug ikə ìwi Gàmalìyè. Ane, mbi ya ywìrì kàrì bədtɔm mbe, mbi nyi inga nəb. Mbi ya ywiri awɔb ane ngwàn bə̀ pàti awɔb gha imbə̀ʼ mbi nɔ̀ʼ ywìrì ghà anug mɔ̀ʼɔ abə bəd ane ikum Yeso. Mbi ya ghì ane si sàŋì awɔb, mbi ghò.