Ɨ̀fàʼì 3:20 - Ikan feg

²⁰ Mbə̰ mə̀ ghì ane, Anɔŋisəg biri ghì ìtən fìŋ zùtì. Wì biri chà wə̀d we ne məd zɔʼi ne ya Yeso, inən.

Meta’

²⁰ Mbə mɨ ghɨ̀ əne, Ə̀nùŋɨ̀sɨg bɨrɨ zùtɨ̀ tə fîŋ. Wɨ̀ bɨrɨ bɨ chà ə Yeso nɨ yeʼ Wə̀d we nɨ wɨ̀ chɔʼɔ bə̀ zɔʼ, əsɨ nən.

Ɨ̀fàʼì 3:20 교차 참조

Matìyò 16:27

Ŋwan Wə̀d tì ìmbi mbè angirə̀ biri yeʼe tì ighumni we ne Mbaʼ məd nàʼi ibo, pè nàʼ chùd abə wə̀d imɔʼ imɔʼ icheg ne ìfàʼì wə̀d chwi.

Matìyò 24:3

Anyumə̀ ne Yeso ya chughi ikaŋ iwum mə̀olìf, mə̀mə̀nənùg məd ya ghò ibo məyi mbɔb mbɔb pè ghà ibo gha, “Masà, gha nyumə̀ ne inug mbo̰ biri dù ina. Mə̀tə aneni ane nyumə̀ ne àghò biri bə̀ndì fɔrɔ aneni ane nyumə̀ ne isəg biri nwḭ̀yḛ̀.”

Mk 13:26

Ane nyùmə̀ we, bəd biri bàd Ŋwan Wə̀d ne yèʼe inga pàʼ, bàd ika kyen we ne wì beri bə̀ bàd ighumni we ne wì bə bèri.

Lk 19:11

Bəd mbe yaya zwère anug ne Yeso we ghà, wì si chè imbìghè ni ghàm ìngam məgri inɔb. Wì ya ghàm ìngam məgri gho̰ imbə̀ʼ icheg ne wì yaya si iban Jèrusalèm, fɔrɔ imbə̀ʼ icheg ne bəd yaya kɔ̀ndɔ gha anug ìfɔ̀n Ŋwiye ze se yeʼe kwàʼ ati.

Lk 21:27

Anyumə̀ we, mbi biri bàd Ŋwan Wə̀d inga pàʼ ne we yèʼe tì ika fɔrɔ ighumni kyen.

Ɨ̀fàʼì 17:31

Wì ya nɔ̀ŋì aneg ne wì biri chè anjìm Wə̀d we ne wì ya chɔʼi, saʼ wə̀d ijìm inga isəg gho̰ ane icheg ne koʼi. Wì fə chwi aneni abə bəd məjìm gha zìye biri ghì ane icheg ne wì zwemni wə̀d we ne wì ya chɔʼi ane iwu.”

Ɨ̀fàʼì 3:19

Ane, mbə̀ bəŋə ìtən fìŋ, waʼ inug tibɔ̀ŋ, ghò abɔ̀ʼ Ŋwiye, ni ghì gha wì waʼ ìmbən inug tibɔ̀ŋ.

Ɨ̀fàʼì 3:21

Məd biri kiri chughi yi ikaŋ àbɔ̀ŋɔ ghò pè ane nyumə̀ we ne Ŋwiyekɔʼ biri tangi ìmbi inug ijìm icheg ne wì ya ghum chè anjìm bədkə̀n ìzḛzḛ məd kàʼ.

2 Tès 2:2

Imbə̀ʼ mbə̰ saŋa awən gha bəd burə ìmbən atog kə̀ chìkì ìtən fìŋ ane icheg ne mbɔb mbe ghà gha aneg ze ne Anɔŋisəg biri ywiri yeʼe fə pè. Imbə̀ʼ mbə̰ bḛ awən tikən mɔ̀ʼɔ, kə̀ inug chete mɔ̀ʼɔ, kə̀ ìŋwàʼrì mɔ̀ʼɔ imbə̀ʼ anug azo̰ gha à ya mba cha, ne kayi mba.

2 Tès 2:8

À ya anyumə̀ we ne, wə̀d inug tibɔ̀ŋ biri chwi ìwi nyɔd asaŋ. Anɔŋisəg Yeso biri chì aməd igun ati kyen məd anyumə̀ ne wì yèʼe inga ìwi ìzḛzḛ njandi njandi. Wì biri fə àzi Azwighi, ze zweti wə̀d inug izəg we nìmni.

Mə̀Hibrù 9:28

À ya bə̀ icheg ne Kristo ya nàʼi ìwi nyɔd ighə̀m imɔʼ ane aghi àfàtì ni sò inug tibɔ̀ŋ abə bəd nɔʼ nɔʼ. Ane, Wì biri ywìri yèʼe ni pumni bəd mbe ne ghɔ̀mɔ̀ aməd, kayi ni ghì gha Ŋwiye sò inug tibɔ̀ŋ bəd.

Ɨnû 1:7

Mbə̀ nḛ, məd we yèʼe inga pàʼ. Bəd məjìm biri bàd aməd, fɔrɔ bèyi bəd mbe ne ya zùmi məd ane ighɔŋ, zweti. Tinəbi tijìm igun isəg biri dèg imbə̀ʼ aməd. À ya icheg ne ze biri yaʼ! À ya ane.