Ɨ̀fàʼì 27:12 - Ikan feg

¹² Icheg ne chəyi asiŋi ze ne tì ya pè təm ya kòʼi gha tì chùghi angu ane nyùmə̀ we ne ifə we taŋ ko, bəd nɔʼ nɔʼ ya ghà gha tì gho imbìghè, ìghə̀m mɔ̀ʼɔ tì biri pè a Fonìks. Fonìks yaya asiŋi kyen inga Kred. Kred ya aba ze ne nyùmə̀ we dùwə̀. Tì ya chughi angu anene nyùmə̀ ifə we chè.

Meta’

¹² Ɨchî nɨ chəi əsɨ ze nɨ mbɨ nyaʼa pè təm nyaʼa kuʼ nɨ tɨ̀ mbɨ chub əŋgu ənɨ ə nyùmə̀ we nɨ ɨfə ə kɔ əku, bə̂d mɨ̀nɔnɔʼ nyaʼa ghà ni mbɨ wo ɨmbì, ɨghə̀m mbə pè ə Fonìz. Fonìz yɨə nyaʼa əsɨ ə kyeŋ ə Kret. Ə zɨə nyaʼə neŋ əbà ze nɨ nyùmə̀ ə jwɨ̀ə̀. Tɨ̀ nyaʼa chub əŋgu pè ənɨ nyùmə̀ ɨfə we nyaʼa chě.

Ɨ̀fàʼì 27:12 교차 참조

Ɨ̀fàʼì 2:11

Mba ya mə̀Ju fɔrɔ bəd ne bəŋi ìtɔb fìŋ bḛ anug Ŋwiye mə̀Ju. Mba mɔ̀ʼɔ ya bə̀ məKred tì məÀrabìyà. Mba məjìm mbe zùghə icheg ne bəd Kristo mbo̰ mbe ghàmà inga ìta tìngam aben, mə̀tə̀ iyeti inùg ne Ŋwiye fàʼi!”

Ɨ̀fàʼì 27:13

Anyumə̀ ne afim ze ne ya nɔ̀ʼi aba ze achɔŋɔ ya ko chè iki piʼì iki piʼì, mbaŋà te ne yaya tḭ̀yḛ̀ abaŋ igyi ya kɔndi gha mbɔb fə bèrì aghi ne mbɔb yaya kə̀bə̀. Ane, mbì ya sùŋì atə̰ ze ne ghìyə̀ abaŋ igyi təmə̀ inga igyi, chì. Mbi ya ghì ane, tì ko yèn iban Kred, kwàʼ iban adiŋi igyi.

Ɨ̀fàʼì 27:21

Icheg ne bəd məjìm mbe ne ya yaʼi inga abaŋ igyi ya chughi ane ineg nɔʼ nɔʼ ne chəyi mbi jəghi aghi mɔ̀ʼɔ, Pɔl ya nɔ̀ʼ təm inɔb inga ìsàn ghà inɔb gha, “Məmbe, nji mbə̰ ya zug anug ne mə̀ ya ghà inən, chùghi a Kred. Àkə aghi ne mbə̀ ya zughi, nji chəyi afim chiki abaŋ igyi azo̰. Nji chəyi tì bə nìmni ighi mbo̰ ne tì maʼri inga igyi.

Ɨ̀fàʼì 27:7

Tì ya nye yḛ̀ iki piʼì iki piʼì ineg nɔʼ nɔʼ. Tì ya yèn anene ghò pè iban Nidùs. Chəyi afim ya bḛ gha tì gho imbìghè. Ane, tì ya chè iban Sàlmonè ne ya aba ze Kred ne chəyi afim yaya chè angu. Kred ya bə̀ akəmi asiŋi ìseg ne igyi che kad.

Ɨ̀fàʼì 27:8

Tì ya yèn iban igyi aton ngəʼ ka ka ghò pè asiŋi mɔ̀ʼɔ ne mbi yaya kàrà ane Asiŋi Chɔm abə Ibaŋ igyi ni Təm. Asiŋi ze ya iban Lasèyà.

Tayitùs 1:12

Ìwɔb wə̀dkə̀n mɔ̀ʼɔ ya gha, “MəKred ya bəd inug ako. Mbɔb ya ghìyə̀ inug bə bə kwàʼ icheg nyam tɔ tɔ. Mbɔb ya məgwed ne jə̀ghə chè ati.”

Tayitùs 1:5

Aton ne mə̀ ya sàŋi awe a Kred ya gha àghò mana sèmbì inug mɔ̀ʼɔ mbe ne chəyi tì ya kiri sembi, bə̀ chɔʼ itog bəd inga tifeti bəd Kristo inga isiŋi ijìm a Kred icheg ne mə̀ ya gha ine.