Ɨ̀fàʼì 26:18 - Ikan feg

¹⁸ Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

Meta’

¹⁸ ni à fiʼ əghə mɨ̀mə̌d ɨmbə̀ʼ mbɨ jwɨ rɨŋga ɨsɨ firɨ wò ɨŋga ɨzeŋɨ zeŋɨ, bə̀ jwɨ̀ rɨ əsɨ ze nɨ Satàn ə tùmbɨ̀ə̀ wo əsɨ ə Ŋwiə̀. Mbɨ mɨ ghɨ̀ əne, Ŋwìə̀ bɨrɨ waʼ ɨnû rɨbɔ̀ŋ mɨ̀mə̌d bə̀ nùŋ mɨ̀mə̌d əkaʼ bə̂d mbe nɨ wɨ̀ fə zeŋnɨ ɨmbə̀ʼ ɨchî nɨ mbɨ nuŋ tə fîŋ ɨgwɨ num.'

Ɨ̀fàʼì 26:18 교차 참조

Matìyò 4:10

Yeso ya ywìtì ibo gha, “Sàtàn! Sùngə iban inum! A ze inga Àŋwàʼrì Ŋwiye gha, ‹Ghumni məyi Anɔŋisəg ìwe Ŋwiye bə̀ fàʼ məyi ibo.›”

Matìyò 4:16

Bəd mbe ne chughi inga isəg firi, fə bàd ìzḛzḛ kyen. Ituʼ fə chəg igun bəd ne bɔ gha mbɔb biri ku ne chəyi mbi kyeri Ŋwiye.”

Lk 1:77

Àghò biri chwiti abə bəd gha Ŋwiye biri pumni awɔb ane wì waʼi ìmbɔb inug tibɔ̀ŋ.

Lk 1:79

ni chwi ìzḛzḛ abə bəd mbe ne kiri biri izimi bə̀ bɔ gha mbi biri ku ne chəyi mbi kyeri Ŋwiye, bə̀ chwi inɔnjì gha tè chughi ane àbɔrɔ̀bɔd.”

Lk 2:32

Məd ya ìzḛzḛ ne biri chwi ìwe ikuchèg abə bəd ne kayi mə̀Ju, bə̀ nàʼ ighumni abə ìmbe bəd, mə̀Izre.”

Lk 24:45

Yeso ya si fìʼì ìmbɔb itog ni ghì gha mbe kyeri anug ne Àŋwàʼrì Ŋwiye gha.

Lk 24:47

Mbi ya bə̀ ŋwàʼrì gha, ikən chɔm gho̰ ya mbi biri chètì ane ikum məd, ni ko a Jèrusalèm ghò pè inga iben ijìm gha, Ŋwiye biri waʼ inug tibɔ̀ŋ abə bəd mbe ne bəŋi ìtɔb fìŋ sìkì inug tibɔ̀ŋ.

Lk 4:18

“Azwighi Ŋwiye ze igun inum. Anɔŋisəg fə zɔʼ amə gha mə gha ikən chɔm abə bəd ne chəyi àzɔb, bə̀ chà amə ni ghò chètì abə bəd ne yaʼi inga ndəŋ gha Ŋwiye biri chì awɔb a ndəŋ sàŋì, fɔrɔ ni gha məfeg bàd isiŋi, fɔrɔ ni gha bəd mbe ne mə̀mbin mbe nyə̀mə̀ awɔb mbe pum,

Jn 17:17

Àghò ghìyə mbɔb zen anjìm tesiʼ. Ìwe ìngam ya ghìyə̀ bəd kyere tesiʼ.

Jn 3:19

Isaʼi we ne yaʼi igun bəd igun isəg ya gha, Ìzḛzḛ fə yèʼe igun isəg, si ya gha, bəd kɔ̀ŋ yaʼ afub chè ìzḛzḛ imbə̀ʼ icheg ne mbɔb mbe kiri ghiyə inug tibɔ̀ŋ.

Jn 4:10

Yeso ya ywìtì ibo gha, “Àkə aghi ne àghò kyèri ineʼi we ne Ŋwiye we nàʼà bə̀ kyèri wə̀d we ne bìre mənib ine, nji à ya àghò bìri ibo, wì si nàʼ mənib ne nàʼà ìtḛ̀ ine.”

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Jn 8:12

Yeso ya ywìrì ghà abə bəd gha, “Mo ya ìzḛzḛ abə bəd mbe ne yaʼi igun isəg. Wə̀d we ne bḛ amə, chəyi wì biri ya yḛ̀ inga afub. Tengàŋ biri bèrì ìzḛzḛ we ne nàʼà ìtḛ̀.”

Jn 9:39

Yeso ya gha, “Mə yeʼe ni saʼ bəd igun isəg gho̰ ni ghì gha məfəg se bàrà isiŋi, bəd mbe ne bàrà isiŋi mbe bəŋə ane məfəg.”

Jn 9:5

Mbə̀ kyeri gha, icheg ne mə̀ yaʼi inga isəg, mo ya ìzḛzḛ abə bəd igun isəg.”

Ɨ̀fàʼì 10:43

Bədkə̀n Ŋwiye məjìm yaya ghà inug imbə̀ʼ aməd gha Ŋwiye biri chè anjìm məd waʼ inug tibɔ̀ŋ abə wə̀d ijìm ne nɔŋi fìŋ igun məd.”

Ɨ̀fàʼì 13:47

À ya ane imbə̀ʼ icheg ne Anɔŋisəg ya ghà ina gha: ‹Mə fə nɔ̀ŋì awe gha àghò yaʼ ìzḛzḛ abə bəd mbe ne kayi mə̀Ju, ni gha bəd inga tibug isəg ijìm biri pum.›”

Ɨ̀fàʼì 15:9

Chəyi wì ghi gha icha yaʼ igun ina tì inɔb. À ya imbə̀ʼ icheg ne mbi bḛ Yeso ne wì sò ìtɔb fìŋ.

Ɨ̀fàʼì 2:38

Pità ya ywìtì gha, “Wə̀d imɔʼ imɔʼ abɔ̀ʼ inən bəŋə ìzi fìŋ chì ane inug tibɔ̀ŋ bə̀ niŋ mənib ane ikum Yeso Kristo ni chwi gha Ŋwiye fə waʼ inug tibɔ̀ŋ məd. Mbə̰ mə̀ ghì ane, Ŋwiye biri nèʼ awən nàʼ àzi Azwighi inən.

Ɨ̀fàʼì 20:21

Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

Ɨ̀fàʼì 20:32

Amad anìŋ, mə zì awən ikye abo abə Ŋwiye bə̀ nàʼ awən abə ikən we ne ghàmà imbə̀ʼ ìchɔ̀mì Ŋwiye. À ya ikən we ne tì wì ghì mbə kweg bə̀ bèrì ighi mbe ne Ŋwiye nɔŋi abə bəd məjìm mbe ne Ŋwiye ghi mbi zen.

Ɨ̀fàʼì 26:19

Ane, ifɔn Agripà, chəyi mə̀ ya to̰ ni fàʼ anug ne Anɔŋisəg ya ghà inum inga anatì njə̀m.

Ɨ̀fàʼì 26:23

Mbɔb ya ghà gha Wə̀d we ne Ŋwiye zɔ̀ʼi bèrì ni zən ngəʼ. Mbi ya bə̀ ghà gha, icheg ne məd ya wə̀d mbègtog ni zweme ane iwu, wì biri ghà inug imbə̀ʼ ìzḛzḛ abə mə̀Ju bə̀ ghà abə bəd ne kayi mə̀Ju.”

Ɨ̀fàʼì 3:19

Ane, mbə̀ bəŋə ìtən fìŋ, waʼ inug tibɔ̀ŋ, ghò abɔ̀ʼ Ŋwiye, ni ghì gha wì waʼ ìmbən inug tibɔ̀ŋ.

Ɨ̀fàʼì 5:31

Ŋwiye ya nɔ̀ aməd ane, nɔ̀ŋì ibo aba abo jəghi ane Atog wə̀d igun bəd məjìm fɔrɔ ane Wə̀d ne pùmnə bəd, ni gha məd we tì wì ghì mə̀Izre bə̀ŋì fìŋ sìkì inug tibɔ̀ŋ, Ŋwiye waʼ ìmbɔb inug tibɔ̀ŋ.

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

1 Kɔrèn 1:2

Tì ya ŋwàʼrà anìŋ abə ifeti bəd Ŋwiye we ne yaʼi a Kɔrèn. Ŋwiye ghì mbi zen icheg ne mbi yaʼi ane ifɔti tì Kristo. Ŋwiye ya bə̀ kàrì awɔb ni gha mbe yaʼ ìmbi bəd. Tì ya bə̀ ŋwàʼrà anìŋ abə bəd məjìm ne ghùmnə Anɔŋisəg Yeso Kristo inga isəg ijìm. Məd ya Anɔŋisəg inɔb fɔrɔ ina.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

2 Kɔrèn 6:14

Imbə̀ʼ mbə̰ ya jə̀grə awən tì bəd mbe ne chəyi mbi kyeri Ŋwiye. Àkə iku ifɔti weg ne anug ni təm kòʼ beri tì anug ni ghì inug tibɔ̀ŋ? Àkə bə̀ iku ifɔti weg ne ìzḛzḛ beri tì afub?

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Gàlesìyà 3:14

Kristo ya ghì ane ni gha àbɔrɔ̀bɔd ze ne Ŋwiye ya kàʼi abə Abràham, ze biri bə yeʼe abə bəd mbe ne kayi mə̀Ju anjìm ibḛfiŋ igun Yeso Kristo. Àzo̰ ghì gha mba ina bə bèrì Azwighi Ŋwiye ze ne Ŋwiye ya kàʼi gha tì biri bèrì anjìm ibḛfiŋ igun Yeso Kristo.

Gàlesìyà 3:2

Mə biri kɔ̀ŋ ni kyeri anug amɔʼ inən; Ŋwiye kə̀ ya nàʼ àzi Azwighi inən imbə̀ʼ icheg ne mbə̀ ya nɔŋi mə̀nɔ̀ʼɔ̀ kə̀ imbə̀ʼ icheg ne mbə̀ ya zughi ikən chɔm imbə̀ʼ Kristo, bḛ?

Efesùs 1:11

Ŋwiye chɔʼ awa nɔ̀ŋì gha tì yaʼ bəd məd icheg ne tì yaʼi ane ifɔti tì Kristo. Wì ya fàʼà inug ijìm icheg ne wì ya fə chuʼri nɔ̀ŋì gha mbi biri yaʼ.

Efesùs 1:14

Azwighi Ŋwiye ze ya aneni ze ne chwìye gha tì biri jəg ighi mbe ne Ŋwiye kàʼi abə ìmbi bəd. Ane, tè kyèri gha Ŋwiye fə ghì bəd mbe ne yaʼi ìmbi məd mbi pum. Tè ghumni Ŋwiye.

Efesùs 1:18

Mə we bə̀ chàʼrà Ŋwiye gha wì ghiyə ìmbən itog zen imbə̀ʼ mbə̀ kyere aghi ze ne wì kàri awa gha tì nɔŋɔ ikɔndi ghɔ̀m. À ya ìchɔ̀mì kyen we ne wì ya kàʼi abə bəd məd

Efesùs 1:7

À ya anjìm anəm Yeso ne Ŋwiye ya zeri awa anyumə̀ ne wì ya waʼi ìmba inug tibɔ̀ŋ. Wì ya ghì ane anjìm ìchɔ̀mì kyen məd

Efesùs 2:8

Icheg ne mbə̀ nɔŋi ibḛfiŋ igun Kristo, Ŋwiye fə ghì ìchɔ̀mì inən, pumni awən. Kayi mbə̰ ghi anug azo̰. À ya ineʼi ne nɔʼi abə Ŋwiye.

Efesùs 4:18

Mbɔb mbe kiri inga afub. Mbɔb mbe ghìyə̀ tìzughə̀ imbə̀ʼ icheg ne chəyi mbi kyere tesiʼ. Chəyi mbɔb bə kə̀b ni kyeri. Ane, Chəyi mbɔb biri jəg ìtḛ̀ we ne Ŋwiye we nàʼà.

Efesùs 5:11

Imbə̀ʼ mbə̰ ziye awən abo ane inug ako mɔ̀ʼɔ mbe ne bəd inga isəg mbe ghìyə̀ inə̀mbi. Mbə̀ toʼo inug mbe asaŋ, bəd bara.

Efesùs 5:14

À ya ane imbə̀ʼ icheg ne ighi ijìm ne bəd mbe bàrà ya ighi ne ìzḛzḛ we zùʼə igun. À ya aton ne mbi Ŋwàʼri gha, “Àghò ne gwḛ, nɔ̀ʼɔ angwḛ, zwème, ane, ìzḛzḛ Kristo biri zuʼ igun ine.”

Efesùs 5:8

À ya yaʼ inga nyùmə̀ mɔ̀ʼɔ, mbə̰ yaya ghìyə̀ inug icheg bəd ne yaʼi inga afub. Àsi amad anìŋ ne mbə̰ ya fə si bəd Anɔŋisəg, mbə̀ se ghìyə̀ inug ne chwìye gha mbə̰ fə se inga ìzḛzḛ.

Efesùs 6:12

Chəyi tì ya zɔ̀ŋɔ̀ yaʼ bəd. Tì ya zɔ̀ŋɔ̀ yaʼ izwighi tibɔ̀ŋ fɔrɔ tika afub te ne tùmbə̀ ikaŋ. Tì ya bə̀ zɔ̀ŋɔ̀ yaʼ tika te ne yaʼi inga isəg inug tibɔ̀ŋ gho̰ fɔrɔ tika te ne yaʼi ikaŋ àbɔ̀ŋɔ ne chəyi tì ya bàrà.

2 Timotì 2:26

Wì ya bə̀ ghìyə̀ ane nè nɔ̀ŋɔ̀ ikɔndi gha ìmbɔb itog biri zen, mbi si chwed abə atam ze ne Debrə̀ bə̰ nɔ̀ŋì inɔb, ni gwì awɔb ghì mbi se fàʼà inug mbe ne məd kə̀bi.

Mə̀Hibrù 10:10

Icheg ne Yeso Kristo ya fàʼi anug ne Ŋwiye ya kɔŋi, Ŋwiye fə ghì tì zen ane ighə̀m imɔʼ anjìm icheg ne Yeso ya nàʼi ìwi nyɔd ane aghi àfàtì.

Mə̀Hibrù 10:14

Anjìm aghi àfàtì azo̰ amɔʼ, wì fə ghì bəd mbe ne we sò ìmbɔb inug tibɔ̀ŋ mbi zen mànì ane ighə̀m imɔʼ.

Mə̀Hibrù 11:6

Wə̀d ne chəyi wì beri ibḛfiŋ, chəyi tì tengàŋ ghì inug ne Ŋwiye kɔ̀ŋi. À ya ane imbə̀ʼ icheg ne wə̀d ne kə̀bə̀ ni ya ghùmnə Ŋwiye, wì mənyìʼ bèrì ibḛfiŋ gha Ŋwiye we angu bə̀ nàʼà chùd abə bəd mbe ne kə̀bə̀ ni kyeri aməd ane ìzɔb fìŋ ijìm.

Mə̀Hibrù 9:15

Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

1 Pità 1:4

Anug azo̰ fə bə̀ ghì gha tì jəg ighi mbe ne wì nɔŋi ikaŋ àbɔ̀ŋɔ abə ìmbi bəd. Ŋwiye fə nɔ̀ŋì ighi mbe ikaŋ àbɔ̀ŋɔ asiŋi ne chəyi mbi biri nɔʼ bɔb kə̀ bə kə̀ kɔ̀pɔ.

1 Pità 2:25

Mbə̰ ya yaʼ icheg njə̀g te ne ya fèbe. Àsi amad anìŋ, mbə̰ fə ywìrì bə̀ndì ghò abɔ̀ʼ Àjənjə̀g, ne yaʼi Wə̀d we ne kyèʼrè awən.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.

1 Jɔn 1:9

Tì mə bḛ ìmba inug tibɔ̀ŋ, Ŋwiye biri waʼ ìmba inug tibɔ̀ŋ bə̀ sò awa chì ane ìmba inug tibɔ̀ŋ ijìm. Məd ya Ŋwiye ne fàʼà anug ne wì kàʼi bə̀ ghìyə̀ inug ne koʼi.

1 Jɔn 2:12

Ìmbum bɔn ne mə̀ taŋ kɔ̀ŋ, mə̀ ya ŋwàʼrà anìŋ inən imbə̀ʼ icheg ne Ŋwiye fə waʼ ìmbən inug tibɔ̀ŋ anjìm Kristo.

1 Jɔn 3:8

Wə̀d ne ghìyə̀ inug tibɔ̀ŋ ya wə̀d Debrə̀ imbə̀ʼ icheg ne Debrə̀ ya ko se ghìyə̀ inug tibɔ̀ŋ kwàʼ ane nyumə̀ ne Ŋwiye ya tangi isəg. Aton ne Ŋwan Ŋwiye ya yeʼe inga isəg ya ni chìkì àfàʼì Debrə̀.

1 Jɔn 5:19

Tè kyèri gha mba ya bəd Ŋwiye. Tè bə̀ kyèri gha isəg ijìm ya aton Wə̀d Tibɔ̀ŋ.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.

Ɨnû 21:27

Chəyi aghi mɔ̀ʼɔ ne chəyi ze zḛ biri nɔʼ nyi inga aben ze, kə̀ àkə wə̀d ne ghìyə̀ inug ne nàʼà tìnìrètog, kə̀ wə̀d ne ghà inug ako. À ya məyi bəd mbe ne mbi ŋwaʼri ìtɔb tikum inga àŋwàʼrì Ŋwan njə̀g ze ne mbi ŋwaʼri tikum bəd mbe ne biri jəg ìtḛ̀ biri nyi inga aben ze.