Ɨ̀fàʼì 24:5 - Ikan feg

⁵ Tè fə bàd gha mbaŋà ìzo̰ ya wə̀d ne kə̀bə̀ isaʼi. Məd we ghìyə̀ gha mə̀Ju inga isiŋi ijìm se gwìye achɔb tàra aben. Mbaŋà ìzo̰ ya atog wə̀d igun ifeti məNazàren.

Meta’

⁵ Tɨ̀ fə zə ni mbaŋə̀ zɔ̂ yɨə wə̀d nɨə kə̀b ɨsaʼi. Ɨ wɨə bə̀ bù əchɔb əkaʼ mɨ̀Jû mɨ̀jìm ɨŋga ɨsɨg. Məd yɨ ətu ɨgwɨ ɨfɔtɨ we nɨ mbɨə tɔŋ ənɨ ɨfɔtɨ Nazarîn.

Ɨ̀fàʼì 24:5 교차 참조

Matìyò 10:25

Ze kòʼ gha àmə̀nənùg yaʼ icheg wə̀d ne chwìte inug ibo. Ze bə̀ kòʼ gha ŋwan àfàʼì bə yaʼ icheg mbaʼ àfàʼì məd. Mbi mə̀ kàrì mbaʼ inga inəbi ane Bezebɔ̀b, nji mbi biri bə kàrì bəd inga inəbi məd ane ikum ni bə chè.”

Matìyò 2:23

Wì ya pè chùghi asiŋi ze ne mbe kàrà ane Nazarèd. Àzo̰ ghì anug ne bədkə̀n Ŋwiye ya gha ze dù ane tesiʼ. Anug ze ya gha, “Mbi biri se kàrà aməd ane wə̀d a Nazarèd.”

Mk 1:24

Wì ya kyḛ ane gì ka ka gha, “Yeso a Nazarèd! Àghò kə̀ beri anug aghə ne ghì tì ina? Àghò wa yèʼe ni nimni awa? Mə kyèri wə̀d ne àghò yaʼi ìwiwən. Àghò ya Wə̀d ìzḛzḛ we ne Ŋwiye tɔ̀mi.”

Lk 23:19

(Bàrabas ya yaʼ inga ndəŋ imbə̀ʼ icheg ne wì ya ghùm to itog abə bəd gha mbe ghiyə ìkɔ̀b abə aben, bə̀ zwèti wə̀d mɔ̀ʼɔ.)

Lk 23:2

Mbɔb ya ko gu zì isaʼi igun məd gha, “Tè gwì wə̀d gho̰ ne we zìyè àbùrì inga aben. Wì gha imbə̀ʼ bəd naʼa awɔb mə̀tag abə Kayisà. Wì bə̀ ywìrì gha, zi ya Wə̀d we ne Ŋwiye zɔ̀ʼi, bə̀ yaʼ ifɔn.”

Lk 23:25

Wì ya chìye Bàrabas sàŋì. Bàrabas ya wə̀d we ne ya ghum to itog abə bəd gha mbe ghiyə ìkɔ̀b abə aben, bə̀ zwèti wə̀d mɔ̀ʼɔ. Payilèd ya si nàʼa Yeso inɔb gha mbe fàʼa aghi ne mbi kə̀bi ni fàʼ tì məd.

Lk 23:5

Mbɔb ya chè imbìghè ni gha, “Wə̀d gho̰ we to atog abə bəd inga isiŋi ijìm a Jùdeyà gha mbe ghiyə ìkɔ̀b abə aben, ane inug ne we chwìte. Wì ya ko a Galìli. Məd gho̰ fə se aŋa.”

Ɨ̀fàʼì 15:5

Icheg ne mbi ya mə̀ti inɔb ane, bəd mɔ̀ʼɔ abɔ̀ʼ mə̀Farìsi ne ya bḛ Kristo ya nɔ̀ʼ təm titighe ghà gha, “Mbi mənyìʼ ŋwed bəd mbe ne kayi mə̀Ju icheg ne mə̀nɔ̀ʼɔ̀ Muse chwi bə̀ ghì gha mbi mənyìʼ zùgri mə̀nɔ̀ʼɔ̀ Muse.”

Ɨ̀fàʼì 21:28

Mbi yaya se kyḛ tɔ̀ŋɔ bəd gha, “Mə̀Izre! Mbə̀ ziye abo wètì awa. Aŋa ya wə̀d we ne yḛ̀ nè chwìte inug abə bəd isiŋi ijìm gha, bəd se bà̰ mə̀Izre bə̀ bà̰ mə̀nɔ̀ʼɔ̀ Muse bə̀ bà̰ fɔrɔ mbàn Ŋwiye izo̰. Məd bə̀ ywìrì niŋ bəd ne kayi mə̀Ju nyi inga mbàn Ŋwiye, chìkì asiŋi ìzḛzḛ azo̰.”

Ɨ̀fàʼì 22:22

Bəd mbe ya zweri ìngam ìwi Pɔl ghò pè ane nyumə̀ ne wì ya gha gha Anɔŋisəg fə chà aməd gha wì ghò ghà ikən chɔm abə bəd ne kayi mə̀Ju. Ane, mbi ya ko se kyḛ ane gì ka ka gha, “Mbə̀ nimni mbaŋà ìzo̰ chì inga isəg! Chəyi wì koʼi ni ywìrì yaʼ izɔm!”

Ɨ̀fàʼì 24:14

Anug ne mə bḛ ine ya gha, mə we ghùmnə Ŋwiye we ne ìmba mə̀mbaʼ mbe aneg yaya ghùmnə. Mə bə̀ bḛ ikuchèg we ne Kristo yaya chwìte ne bəd mbo̰ mbe se kàrà gha à ya Inɔnjì ako. Mə bə̀ bḛ inug ijìm mbe ne Muse ya ŋwàʼri inga mə̀nɔ̀ʼɔ̀ fɔrɔ inug mbe ne bədkə̀n Ŋwiye ya ŋwàʼri.

Ɨ̀fàʼì 24:4

Chəyi mə̀ kəbi ni chìkì ìwe nyumə̀. Mə biri sɔpi ìngam sɔpi. Ane, mə we bòʼo ibo ine gha, niŋ ìze fìŋ chɔm ze ne àghò beri zug anug azo̰ ne mə̀ biri ghà ine.

Ɨ̀fàʼì 25:7

Anyumə̀ ne mbi ya niŋi Pɔl ghò abə Gɔbnà Festùs, mə̀Ju mbe ne ya nɔ̀ʼi a Jèrusalèm swìʼi ghò angu ya pè təm chè kad Pɔl. Mbi ya si ko se zìyè inug ka ka kwàʼ mbi nɔ̀ʼ nɔ̀ʼ igun məd. Chəyi tì mbi ya chwi gha inug mbe ya inug tesiʼ.

Ɨ̀fàʼì 26:5

Mbɔb mə̀ kə̀b ni ghà tesiʼ, nji mbɔb fə kyèri aghi gha mo ya Farìsi ne bə ghìyə̀ inug mə̀Farìsi. Mə̀Farìsi ya ifeti ne taŋ kà inga àza anug Ŋwiye.

Ɨ̀fàʼì 28:22

Tì biri kiri kɔ̀ŋ ni zug ìte tikɔndi imbə̀ʼ icheg ne mba kyèri gha bəd mbe to̰ ifɔti feg gho̰ isiŋi ijìm.”

Ɨ̀fàʼì 5:17

Àdeg ya sweg inga fìŋ abə atog wə̀d igun bəd mbàn Ŋwiye fɔrɔ bəd mbe ne ya yaʼi tì məd bə̀ sweg inga fìŋ abə bəd mbe ne yaʼi inga ifeti mə̀Sadùsi.

Ɨ̀fàʼì 6:13

Anyumə̀ ne mbi ya pe imbìghè abə bəd ne saʼa aben, mbi ya ghi bəd təm bḛ inug ako gha, “Mbe gho̰ we ghàmà inug tibɔ̀ŋ imbə̀ʼ mbàn Ŋwiye fɔrɔ imbə̀ʼ mə̀nɔ̀ʼɔ̀ Muse.

1 Kɔrèn 11:19

Chəyi mə̀ jə̀mə̀. Mə kyèri gha àghàpì kòʼ ni nyi inga inən imbə̀ʼ ghì gha mbe kyeri bəd Kristo tesiʼ.

1 Kɔrèn 4:13

Anyumə̀ ne bəd mbe chìkə̀ ìwa ikum, tì ya ywìtè ane ìngam chɔm. Ni pè amad anìŋ, mba ya icheg imbirì ighi inga isəg. Mba ya bə̀ icheg bəd ne fə bə mànì abə bəd inga isəg.

1 Pità 2:19

Ŋwiye biri zì àbɔrɔ̀bɔd igun wə̀d ne nyìʼè fìŋ, zùghə tibuʼ bə̀ zə̰ ngəʼ ne chəyi wì gùghi anug məyi imbə̀ʼ icheg ne tengàŋ kyeri anug ne Ŋwiye kə̀bi.