Ɨ̀fàʼì 23:6 - Ikan feg

⁶ Anyumə̀ ne Pɔl ya bàri gha, inga ifeti itog bəd ne yaya sàʼa aben, bəd mɔ̀ʼɔ ya mə̀Sadùsi, mə̀mbin ya mə̀Farìsi, wì ya gha, “Ìmbum məfi, mo ya Farìsi. Ìmə mbaʼ ya Farìsi. Mə ya itəmi adiŋi isaʼi aŋa anìŋ mbi saʼà mə imbə̀ʼ icheg ne mə bḛ gha, iwu bəd biri ghum zweme ane iwu.”

Meta’

⁶ Ənɨ Pɔ̂l nyaʼa zə ni əbà ə fibɨ̀ tɨ ənɨ mbaŋə̀ te yɨə nyaʼə mɨ̀Sadusiî bə̀ zə ni əbà ə cherə yɨ nyaʼə mɨ̀Farisiî, wɨ̀ nyaʼa kyeŋ rɨkǎ əkaʼ mə̀saʼ əbeŋ mbe ghà ni, “Mbɨ bɔŋgɔb, mɔ̌ yɨə Farisiî, bə̀ yeʼ wan Farisiî. Mbə mbɨə saʼ əmɨ əgha ɨmbə̀ʼ ɨghəm nɨ mə wɨə nuŋ ɨkɔndɨ wòmə̀ ni bə̂d bɨrɨ zwemə.”

Ɨ̀fàʼì 23:6 교차 참조

Matìyò 10:16

Yeso ya chè imbìghè gha, “Mbə̀ nḛ, mə̀ ya anìŋ chà awən isəg icheg njə̀g inga fìghàra abə ìfɔn. Mbə̀ ya we awən icheg jo, se bɔ̀tɔ icheg mə̀bupə.

Matìyò 22:23

Mə̀sadùsi ya bəd ne yaya ghà gha chəyi bəd biri zweme ane iwu. Kwàʼ ane aneg ze ne Yeso ya ghàmi anug imbə̀ʼ tag, mə̀Sadùsi mɔ̀ʼɔ ya ghò ibo pè biri gha,

Matìyò 3:7

Àsi anyumə̀ ne wì ya bàri mə̀Farìsi nɔʼ nɔʼ tì mə̀Sadùsi nɔʼ nɔʼ ne yaya yèʼe gha wì naʼa mənib inɔb, wì ya ghà inɔb gha, “Mbə̰ ya kwàʼ ifighi! Àkə we pati awən gha mbə̀ nòrò abə ngəʼ kyen ze ne yèʼe?

Ɨ̀fàʼì 22:3

“Mo ya Ju. Mbi ya gwi amə a Tasɔ̀s inga Sìlisìyà. Mə ya kweg aŋa a Jèrusalèm bə̀ kwèmbi àŋwàʼrì aton Gàmalìyè. Mə ya kwembi mə̀nɔ̀ʼɔ̀ mbe ne mbi ya nàʼi abə ìmba mə̀mbaʼ aneg. Mə yaya bə̀ zìyè atog ane àfàʼì Ŋwiye icheg ne mbə̰ məjìm mbe bə̀ zìyè.

Ɨ̀fàʼì 22:30

Atog wə̀d kyen igun mə̀sogyì ya kə̀b ni kyeri aton ne mə̀Ju mbe yaya zìyè isaʼi igun Pɔl. Ane, wì ya nɔ̀ʼ isu abɔ̀ʼ gha mbe za Pɔl. Wì ya bə̀ ghà abə itog bəd mbàn Ŋwiye fɔrɔ abə bəd ne sàʼa aben məjìm gha mbe yeʼe bɔ̀mbì. Ane, wì ya ghì Pɔl təm inɔb imbìghè.

Ɨ̀fàʼì 22:5

Atog wə̀d igun bəd mbàn Ŋwiye tì bəd mbe ne sàʼa aben məjìm, mbe kyèri gha anug azo̰ ne mə ghà inən ya anug tesiʼ. Mə ya niŋ ìŋwàʼrì inɔb ni ghò nàʼ abə mə̀Ju mbe ne yaʼi a Dàmaskòs. Ane, mə̀ ya ghò angu ni gwìtì bəd Kristo, si kɔd niŋ yèʼe a Jèrusalèm gha mbe chə awɔb.”

Ɨ̀fàʼì 23:1

Anyumə̀ ne Pɔl təmi imbìghè abə itog bəd mbe ne yaya sàʼa aben, wì ya nèn awɔb kwàʼ igun ìfe, ghà inɔb gha, “Məmbon, mə yaya fàʼà àmə àfàʼì abə Ŋwiye kwàʼ ane fìŋ zḛ zḛ kə̀ bèyi amad anìŋ.”

Ɨ̀fàʼì 23:15

Ane, mbə̰ tì ifeti bəd mbe ne sàʼa aben, mbə̀ tɔm ikən abə wə̀d kyen mə̀sogyì gha mbe niŋ Pɔl yèʼe. Mbə̀ ghiyə icheg bəd ne kə̀bə̀ ni taŋ nwendi inug mɔ̀ʼɔ ibo. Ane, tì biri ghɔ̀m aməd inɔ̀njì, zwèti aməd bɔŋ wì se pè aŋa.”

Ɨ̀fàʼì 23:20

Ŋwan ajɔŋ we ya ghà ibo gha, “Mə̀Ju fə taŋ mənaŋ gha isu, mbɔb biri yeʼe ghà ine gha àghò niŋ Pɔl yèʼe asiŋi isaʼi. Mbɔb biri ghì icheg ni gha mbɔb ya kə̀bə̀ ni ywìri taŋ nwendi inug mɔ̀ʼɔ ibo.

Ɨ̀fàʼì 23:7

Icheg ne Pɔl ya gha ane, mə̀Farìsi tì mə̀Sadùsi ya zug, nɔ̀ʼ ko se tàŋà inug mbɔb mbɔb. Bəd mbe ne kə̀ sàʼa Pɔl si yaʼ ichug ichug.

Ɨ̀fàʼì 24:15

Mə nɔ̀ŋì ìmə ikɔndi se ghɔ̀mɔ̀ Wə̀d we ne Ŋwiye ya kàʼi icheg ne mbɔb mbe bə̀ ghɔ̀mɔ̀. Ikɔndi we ya gha, bəd ne təmi kòʼ imbìghè abə Ŋwiye fɔrɔ bəd mbe ne chəyi mbi təm kòʼ, mbi biri ghum zweme ane iwu.

Ɨ̀fàʼì 24:21

À ya məyi anug azo̰ amɔʼ ne mə̀ ya gha abə bəd ne sàʼa aben ane gì ka ka. Mə ya gha, ‹Mbə̰ ya anìŋ sàʼa mə imbə̀ʼ icheg ne mə bḛ gha bəd biri ghum zweme ane iwu!›”

Ɨ̀fàʼì 28:20

À ya aton ne mə ghà gha mbə̀ yeʼe mə̀ bàd awən, bə̀ ghàmbì tì inən imbə̀ʼ icheg ne à ya imbə̀ʼ Wə̀d we ne mə̀Izre nɔŋi ikɔndi ni ghɔ̀m, ne mbi kɔri amə ane mə̀chen mbo̰.”

Fìlipì 3:5

Mə bèrì aton chè aməd imbə̀ʼ icheg ne mbi ya ŋwed amə igun aneg ne pè ane ìfàmi. Mo ya wə̀d a Izre inga inəbi Benjàmen. Ane, mo ya kwàʼ wə̀d Hibrù. Kə̀ àkə ane anug ni nɔ̀ŋì mə̀nɔ̀ʼɔ̀, mo ya Farìsi.

Kòlosè 1:5

Ìwən ibḛfiŋ fɔrɔ àzən àkɔ̀ŋì ya imbə̀ʼ icheg ne mbə̀ nɔŋi ikɔndi ni ghɔ̀m inug mbe ne Ŋwiye kàʼi ni nàʼ inən ikaŋ àbɔ̀ŋɔ. À ya inug mbe ne mbə̀ fə zughi inga ìngam tesiʼ we ne yaʼi ikən chɔm imbə̀ʼ Kristo.

Mə̀Hibrù 6:19

Ikɔndi we ne tì nɔŋi ni ghɔ̀m anug ze ne Ŋwiye kàʼi ya aghi ne ìwa ìtḛ̀ wi təmə̀ kà igun ne chəyi tì aghi mɔ̀ʼɔ ghì. Ze biri ghì gha tè che ndwi ze ne ghàpi asiŋi ighumni inga mbàn Ŋwiye, nyi inga asiŋi ne zḛ mànì.