Ɨ̀fàʼì 23:12 - Ikan feg

¹² Àsi isusu abɔ̀ʼ, mə̀Ju mɔ̀ʼɔ ya sìb gha chəyi mbɔb biri jəg kə̀ no aghi mɔ̀ʼɔ ne chəyi mbɔb kiri zweti Pɔl.

Meta’

¹² À nyaʼa ɨsɔsɔ əni ze nɨ beenɨ, mɨ̀Jû mɔʼɔ nyaʼa bòmnɨ̀ taŋ mɨnaŋ, kàʼ ni chəi mbə̀ bɨrɨ jɨg kɨ̀ bè nɔ pè ənɨ mbə̀ fə zwiirɨ ə Pɔ̂l.

Ɨ̀fàʼì 23:12 교차 참조

Matìyò 26:4

Mbɔb ya ghò fète ni chuʼri icheg ne mbɔb biri gwì Yeso anjìm anjìm, zwèti.

Matìyò 26:74

Ane, Pità ya ywìrì ko to̰ yi bə̀ ywìrè zɔ̀mɔ̀ ìwi nyɔd gha, “Kwàʼ ane ikum Ŋwiye, chəyi mə̀ kyeri wə̀d we ne mbə̰ mbe ghà.” À məyi kwàʼ anyumə̀ we, inɔm ngub ya tɔŋ.

Matìyò 27:25

Bəd mbe məjìm ya ywìtì gha, “Ndɔ̀n imbə̀ʼ icheg ne mbi zweti aməd nyi igun ina bə̀ nyi igun ìmba bɔn!”

Ɨ̀fàʼì 23:13

Bəd ne ya sìbi anug azo̰ ya chè che ane ìghum ikwè.

Ɨ̀fàʼì 23:14

Mbɔb ya nɔ̀ʼ ghò kɔ̀ti itog bəd mbàn Ŋwiye fɔrɔ itog bəd ne sàʼa aben, ghà inɔb gha, “Tè fə sìb gha chəyi tì biri jəg aghi mɔ̀ʼɔ ne chəyi tì kiri zweti Pɔl.

Ɨ̀fàʼì 23:21

Imbə̀ʼ àghò bḛ awe anug ne mbɔb biri ghà. Bəd chè che ane ìghum ikwè ne chuʼri nyɔd ni nə̀mbì awɔb inga agyen bè ghɔ̀mɔ̀ Pɔl. Mbɔb fə sìb gha, chəyi mbi biri jəg kə̀ no aghi mɔ̀ʼɔ ne chəyi mbi kiri zweti Pɔl. Mbɔb fə chuʼri ìwɔb nyɔd se ghɔ̀mɔ̀ gha àghò bḛ anug ne mbɔb mbe kə̀bə̀.”

Ɨ̀fàʼì 23:30

Icheg ne mə̀ ya zughi mənaŋ ne bəd mə̀Ju mbe ya taŋi ni zweti aməd, mə̀ ya bàd gha, ze bɔ̀ŋ gha, mə cha aməd ine kwàʼ ati ati. Mə fə bə̀ ghà abə bəd mbe ne beri isaʼi tì məd gha mbe yèʼe pùti ìmbɔb inug ijìm ine.”

Ɨ̀fàʼì 25:3

wì ghiyə ìchɔ̀mì inɔb, chà Pɔl a Jèrusalèm. Mbi ya ghà ane imbə̀ʼ icheg ne mbi ya fə chuʼri gha mbɔb biri nə̀mbì inɔnjì, ghɔ̀m Pɔl zwèti.

Ɨ̀fàʼì 9:23

Anyumə̀ ne inun ineg mɔ̀ʼɔ ya fə che, mə̀Ju nɔʼ nɔʼ ya taŋ mənaŋ gha mbe zweti Sɔl.

Ɨ̀fàʼì 9:24

Si ya gha, mbi ya jə ìsə imbə̀ʼ mənaŋ mbe abə Sɔl. Mə̀Ju mbe yaya ghɔ̀mɔ̀ aməd ane tinuʼ ikam aben ze tisi fɔrɔ tizimi ni zweti.

1 Kɔrèn 16:22

Ndɔ̀n ze igun wə̀d ne chəyi wì kɔ̀ŋi Anɔŋisəg. Ìwa Anɔŋisəg! Àghò yeʼe!

2 Kɔrèn 11:26

Mə yḛ tigha̰ nɔʼ nɔʼ. Mə ya ŋa kùwə inga tigyi kyen kyen. Məji ya bə̀ kùg mə. Ìmbum tìbəd ya ŋa zwète mə. Bəd ne kayi mə̀Ju ya bə̀ ŋa zwète mə. Mbi ya fə ŋa zwète amə inga ikye aben fɔrɔ inga tibad zɔbi. Mə ya chwed iwu inga ngəʼ inga tìbà. Mə ya bə̀ chè inga ngəʼ fɔrɔ ikye abo abə bəd ne bèmnè inug ne ya chwi ìwɔb ìfe icheg bəd Kristo.

Gàlesìyà 3:13

Kristo ya zeri awa abə ndɔ̀n ze ne mə̀nɔ̀ʼɔ̀ ya zi igun ina. Wì ya ghì ane icheg ne məd ya bèʼi ìza ndɔ̀n igun àzi atog kwàʼ zìye zìye. A ze inga Àŋwàʼrì Ŋwiye gha, “Ndɔ̀n Ŋwiye ze igun wə̀d ne mbi swḛ aməd, wì ku ikaŋ azed abaʼri.”

1 Tèsàlonikà 2:16

Mbɔb yaya kə̀bə̀ ni kən gha imbə̀ʼ tì ghama awa ikən we ne ghìyə̀ bəd pumə̀ abə bəd mbe ne kayi mə̀Ju. Ìwɔb ikuchèg gho̰ ya ghì ìmbɔb inug tibɔ̀ŋ sweg mànì. Ŋwiye ya nwḭ̀yḛ̀ gaŋ inɔb kwàʼ icheg chɔm.