Ɨ̀fàʼì 22:5 - Ikan feg

⁵ Atog wə̀d igun bəd mbàn Ŋwiye tì bəd mbe ne sàʼa aben məjìm, mbe kyèri gha anug azo̰ ne mə ghà inən ya anug tesiʼ. Mə ya niŋ ìŋwàʼrì inɔb ni ghò nàʼ abə mə̀Ju mbe ne yaʼi a Dàmaskòs. Ane, mə̀ ya ghò angu ni gwìtì bəd Kristo, si kɔd niŋ yèʼe a Jèrusalèm gha mbe chə awɔb.”

Meta’

⁵ Ətu ɨgwɨ ə bə̂d mbàn Ŋwìə̀ mbɨ mə̀saʼ əbeŋ mɨjìm mbe tɨ mbɨ ben ni ənû zɔ̂ nɨ mɨə ghà ɨ nən yɨ ənû rəsìʼ. Mə nyaʼa nɨŋ ɨ̀ŋwàʼnɨ̀ rɨ əmbɨ mɨ̀mə̌d ɨ wò nàʼ əmbɨ mɨ̀Jû mbe nɨ nyaʼa ə Dàmaskɔ̀s. Əne mə nyaʼa wò əŋgu ɨmbə̀ʼ gywɨ bə̂d Kristo, kod nɨŋ yeʼe ə Jèrusalèm ɨmbə̀ʼ mbɨ chə mɨ̀mə̌d.

Ɨ̀fàʼì 22:5 교차 참조

Lk 22:66

Anyumə̀ ne ituʼ ya chəghi, itog bəd məjìm ya fete: bəd mbe ne saʼa aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀ ya fete, ghì mbi niŋ Yeso yèʼe inɔb imbìghè.

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

Ɨ̀fàʼì 13:26

Sɔl ya chè imbìghè si gha, “Ìmbum məfi, bɔn ane aghaŋ inəbi Abràham tì mbə̰ mbe ne kayi mə̀Ju ne ghùmnə Ŋwiye, ikən we ne ghà imbə̀ʼ icheg ne Ŋwiye we pùmnə bəd fə yeʼe ina.

Ɨ̀fàʼì 2:29

Pità ya chè imbìghè tòʼrì inɔb gha, “Ìmbum məfi fɔrɔ ìtum njàbi, mə we tì mə gha tesiʼ ne mə̀ kyeri inən gha: Ifɔn Dèvid ne yaʼi ìwa mbaʼ kyen ya ku mbi twəŋi. Iseg məd gho̰ kiri biri pè tèchɔ̀ŋ.

Ɨ̀fàʼì 22:1

Pɔl ya ghà abə inɔ̰ bəd we gha, “Ìmbum məfi fɔrɔ ìmbum mə̀mbaʼ, mbə̀ zug anug ne mə̀ biri ghà inən imbìghè ni chì inug igun àmə atog.”

Ɨ̀fàʼì 23:1

Anyumə̀ ne Pɔl təmi imbìghè abə itog bəd mbe ne yaya sàʼa aben, wì ya nèn awɔb kwàʼ igun ìfe, ghà inɔb gha, “Məmbon, mə yaya fàʼà àmə àfàʼì abə Ŋwiye kwàʼ ane fìŋ zḛ zḛ kə̀ bèyi amad anìŋ.”

Ɨ̀fàʼì 23:6

Anyumə̀ ne Pɔl ya bàri gha, inga ifeti itog bəd ne yaya sàʼa aben, bəd mɔ̀ʼɔ ya mə̀Sadùsi, mə̀mbin ya mə̀Farìsi, wì ya gha, “Ìmbum məfi, mo ya Farìsi. Ìmə mbaʼ ya Farìsi. Mə ya itəmi adiŋi isaʼi aŋa anìŋ mbi saʼà mə imbə̀ʼ icheg ne mə bḛ gha, iwu bəd biri ghum zweme ane iwu.”

Ɨ̀fàʼì 26:10

Mə yaya ghìyə̀ ane inga Jèrusalèm. Itog bəd mbàn Ŋwiye ya nàʼ ika inum gha mə wupə bəd Kristo nɔʼ nɔʼ inga nəb ndəŋ . Anyumə̀ ne mbi ya niŋi isɔbi anug gha mbe zweti awɔb, mə̀ ya bə̀ bḛ.

Ɨ̀fàʼì 26:11

Mə yaya chə awɔb ane mənɔnjì nɔʼ nɔʼ inga məchamì Ŋwiye məjìm. Mə yaya kə̀bə̀ ni gha mbe zɔ̀mbɔ Yeso. Mə ya taŋ gaŋ abɔ̀ʼ inɔb. Ane, mə̀ ya ghò inga isiŋi tìsɔ̀ʼ ni chɔʼ ìmbɔb ibɔʼì ighog.”

Ɨ̀fàʼì 26:12

Pɔl ya chè imbìghè gha, “À ya imbə̀ʼ anug azo̰ ne itog bəd mbàn Ŋwiye ya nàʼi ika inum bə̀ tɔm amə a Dàmaskòs.

Ɨ̀fàʼì 28:17

Anyumə̀ ne ineg ya che itad, Pɔl ya kàrì itog bəd mə̀Ju. Anyumə̀ ne mbi ya fete, wì ya ghà inɔb gha, “Ìmbum məfi, ka chəyi mə̀ ya bi ghì anug tibɔ̀ŋ mɔ̀ʼɔ abə ìmba bəd, kə̀ bì ghà anug tibɔ̀ŋ mɔ̀ʼɔ imbə̀ʼ məcheg aben ìmba mə̀mbaʼ aneg, mbi ya gwì amə a Jèrusalèm zì inga tikye ibo abə məRom.

Ɨ̀fàʼì 28:21

Mbi ya ywìtì ibo gha, “Chəyi tì bari àŋwàʼrì mɔ̀ʼɔ ne nɔʼi a Jùdeyà imbə̀ʼ awe. Chəyi ìmba məfi mbe ne nɔʼi angu bə pùti anug mɔ̀ʼɔ ina imbə̀ʼ awe, kə̀ bì ghà anug tibɔ̀ŋ mɔ̀ʼɔ imbə̀ʼ awe.

Ɨ̀fàʼì 3:17

Ane, ìmbum məfi fɔrɔ ìtum njàbi, mə kyèri gha, anug ze ne mbə̰ tì ìmbən itog bəd ya ghi igun Yeso ya mbə̀ ya ghi kwàʼ abəŋ.

Ɨ̀fàʼì 4:5

Àsi isu abɔ̀ʼ, itog bəd ne sàʼa aben tì bəd kyen inga aben mə̀Ju fɔrɔ mə̀chwitì mə̀nɔ̀ʼɔ̀ ya fete a Jèrusalèm.

Ɨ̀fàʼì 5:21

Anyumə̀ ne ituʼ ya chəghi, mbi ya ghò nyi inga mbàn Ŋwiye, ko ni chwiti inug icheg ne angirə̀ we ya gha inɔb. Atog wə̀d igun bəd mbàn Ŋwiye tì bəd mbe ne ya yaʼi tì məd ya ghò kàrì itog bəd ne sàʼa aben məjìm tì itog bəd aben mə̀Ju məjìm gha mbe gho fète inga ìwɔb ichamì. Anyumə̀ ne mbi ya gho fète, mbi ya chà bəd gha mbe gho niŋ bədtɔm mbe inga nəb ndəŋ yèʼe.

Ɨ̀fàʼì 9:14

Itog bəd mbàn Ŋwiye fə nàʼ ika ibo gha wì gwite bəd mbe ne ghùmnə awe. À ya aton ne wì yèʼe aŋa aze.”

Gàlesìyà 1:13

Mbə̰ ya fə zug icheg ne mə̀ yaya zìyè atog ane àza anug Ŋwiye mə̀Ju. Mə ya taŋ chɔʼ ibɔʼì ighog abə bəd inga ifeti bəd Ŋwiye bə̀ kə̀b ni fə nimni awɔb nimni.

Fìlipì 3:6

Kə̀ àkə ane anug ni zì atog ane anug, mo yaya zìyè atog ni chɔʼ ibɔʼì ighog abə bəd Kristo. Kə̀ àkə ane anug ni təm kòʼ anjìm mə̀nɔ̀ʼɔ̀ Muse, mo ya wə̀d ne nɔ̀ŋɔ̀ mə̀nɔ̀ʼɔ̀ məjìm ne chəyi tì wə̀d zì isaʼi igun inum.

1 Timotì 4:14

Imbə̀ʼ àghò waʼra awe ineʼi we ne Ŋwiye nàʼi ine. Ŋwiye ya nàʼ ineʼi ine anjìm Azwighi məd anyumə̀ ne bədkə̀n Ŋwiye ya gha inug imbə̀ʼ awe, itog bəd Kristo bə̀ nɔŋi ìmbɔb ibo igun ine, chàʼra Ŋwiye ine.