Ɨ̀fàʼì 22:4 - Ikan feg

⁴ Mə yaya chɔ̀ʼɔ ibɔʼì ighog abə bəd mbe ne ya beni abɔ̀ʼ Inɔnjì gho̰ ne Kristo yaya chwìte. Mə yaya zwète ìmbi mɔ̀ʼɔ. Mə yaya gwìtè mbaŋà fɔrɔ mə̀yi kɔ̀rɔ ghò nàʼà gha mbe ziye inga nəb ndəŋ .

Meta’

⁴ Mə wɨə nyaʼə nwèndɨ̀ rɨkyerɨ-ɨwu bə̂d mbe nɨ nyaʼə beenɨ əbɔʼ Ɨnə̂njɨ̀ wɔ̂ nɨ Kristo nyaʼə chwiə. Mə wɨə nyaʼə zwiirɨə mbɨ mɔʼɔ. Mə wɨə nyaʼə gywɨ̀ə̀ mbaŋə̀ mbɨ məyi korə wò nàʼə̀ ni mbɨ zɨ ə ndəŋ.

Ɨ̀fàʼì 22:4 교차 참조

Ɨ̀fàʼì 16:17

Wì yaya bène abɔ̀ʼ Pɔl tì ina nè kyḛ ghà gha, “Bəd mbo̰ ya bəd ne fàʼà abə Ŋwiyekɔʼ. Mbɔb ya ghà inug imbə̀ʼ inɔnjì we ne tì bəd chè angu pum.”

Ɨ̀fàʼì 18:26

Wì ya ko se ghàmà Ìngam Ŋwiye inga ichamì Ŋwiye kwàʼ ane fìŋ ka ka. Si ya gha, anyumə̀ ne Prìsilà tì Àkwilà ya zughi icheg ne wì yaya ghàmà, mbi ya niŋ aməd ghò, taŋ tòʼrì inɔnjì we ne Ŋwiye ya chwìye gha bəd kyeri aməd.

Ɨ̀fàʼì 19:23

Anyumə̀ we, achɔb ka ka ya gwid a Efesùs imbə̀ʼ Ikuchèg we ne Anɔŋisəg yaya chwìte.

Ɨ̀fàʼì 19:9

Si ya gha, bəd mɔ̀ʼɔ abɔ̀ʼ inɔb ya ghùbì ìtɔb fìŋ. Chəyi mbi ya bḛ anug ne Pɔl yaya ghà. Bəd ya ko se ghàmà inug tibɔ̀ŋ imbə̀ʼ Ikuchèg we ne Anɔŋisəg Yeso yaya chwìte. Ane, Pɔl ya sàŋì awɔb, nɔ̀ʼ yi. Wì ya niŋ mə̀mə̀nənùg Yeso se mùghə̀ tì inɔb tòʼrò inug inɔb ineg ijìm inga ichamì we abə Tayiranùs.

Ɨ̀fàʼì 24:14

Anug ne mə bḛ ine ya gha, mə we ghùmnə Ŋwiye we ne ìmba mə̀mbaʼ mbe aneg yaya ghùmnə. Mə bə̀ bḛ ikuchèg we ne Kristo yaya chwìte ne bəd mbo̰ mbe se kàrà gha à ya Inɔnjì ako. Mə bə̀ bḛ inug ijìm mbe ne Muse ya ŋwàʼri inga mə̀nɔ̀ʼɔ̀ fɔrɔ inug mbe ne bədkə̀n Ŋwiye ya ŋwàʼri.

Ɨ̀fàʼì 7:58

Mbi ya niŋ aməd sùŋì aseg, dù inga ikye aben, ghò màʼ anjìm isəg, tùmbi ane ateg, wì ku. Bəd mbe ne yaya tùmbə aməd ane ateg ya chì ìtɔb ndwigun nɔ̀ŋì iban ighog abə ajɔŋ mɔ̀ʼɔ ne ikum məd ya Sɔl.

Ɨ̀fàʼì 9:21

Bəd məjìm mbe ne ya zughi anug ne wì yaya ghà, ya yeti se bìre gha, “Àkə kayi wə̀d we ne yaya nàʼà ngəʼ abə bəd mbe a Jèrusalèm ne kàrà ikum gho̰? Imbə̀ʼ wì yèʼe aŋa anìŋ ni gwìtì bəd mbe ne ghùmnə wə̀d we ne mbe kàrà ane Yeso? Wì biri gwìti kɔd, si niŋ ghò nàʼ abə itog bəd mbàn Ŋwiye.”

1 Kɔrèn 15:9

Mo ya wə̀dtɔm Kristo ne kə chè bədtɔm Kristo məjìm. Chəyi mə̀ bi kòʼ ni gha mbe kàrà amə ane wə̀dtɔm Kristo imbə̀ʼ icheg ne mə yaya chɔ̀ʼɔ ibɔʼì ighog abə ifeti bəd Ŋwiye.

Gàlesìyà 1:13

Mbə̰ ya fə zug icheg ne mə̀ yaya zìyè atog ane àza anug Ŋwiye mə̀Ju. Mə ya taŋ chɔʼ ibɔʼì ighog abə bəd inga ifeti bəd Ŋwiye bə̀ kə̀b ni fə nimni awɔb nimni.

Fìlipì 3:6

Kə̀ àkə ane anug ni zì atog ane anug, mo yaya zìyè atog ni chɔʼ ibɔʼì ighog abə bəd Kristo. Kə̀ àkə ane anug ni təm kòʼ anjìm mə̀nɔ̀ʼɔ̀ Muse, mo ya wə̀d ne nɔ̀ŋɔ̀ mə̀nɔ̀ʼɔ̀ məjìm ne chəyi tì wə̀d zì isaʼi igun inum.

2 Pità 2:2

Bəd nɔʼ nɔʼ biri ko se fàʼà tiku inug bə bə te ne mbɔb mbe fàʼà, bə̀ se ghà inug bə bə imbə̀ʼ ikuchèg tesiʼ we bəd koʼi ni bèrì.