Ɨ̀fàʼì 22:3 - Ikan feg

³ “Mo ya Ju. Mbi ya gwi amə a Tasɔ̀s inga Sìlisìyà. Mə ya kweg aŋa a Jèrusalèm bə̀ kwèmbi àŋwàʼrì aton Gàmalìyè. Mə ya kwembi mə̀nɔ̀ʼɔ̀ mbe ne mbi ya nàʼi abə ìmba mə̀mbaʼ aneg. Mə yaya bə̀ zìyè atog ane àfàʼì Ŋwiye icheg ne mbə̰ məjìm mbe bə̀ zìyè.

Meta’

³ “Mɔ̌ yɨə Jû. Mbɨ nyaʼa gywɨ əmɨ ə Tasùs ə Selisià. Mə nyaʼa kwi əgha ə Jèrusalèm bə̀ kwembɨ ə̀ŋwàʼnɨ̀ əton ə Gàmalièl. Mə nyaʼa kwembɨ rɨkə te nɨ mbɨ nyaʼa naʼ əmbɨ mba mɨ̀mbǎʼ rəŋwe. Mə wɨə nyaʼə bə̀ zɨ̀ ətu ənɨ ə̀fàʼì ə Ŋwiə̀ ɨchî nɨ mbə̀n mɨjìm ə zɨ̀ rə̀chɔ̀ŋ.

Ɨ̀fàʼì 22:3 교차 참조

Lk 10:39

Mèri ne ya ifi ìwi Màta ya chughi imbìghè abə Anɔŋisəg se zùghə anug ne wì yaya ghà.

Lk 2:46

Ineg ya chè itad, mbi bàd aməd inga mbàn Ŋwiye ichughi abɔ̀ʼ mə̀chwitì mə̀nɔ̀ʼɔ̀. Wì yaya zùghə inug ne mbi yaya ghà, bə̀ bìre inug inɔb.

Lk 8:35

Bəd ne ya zughi ya ghò ni bàd anug ne du. Anyumə̀ ne mbi ya pe iban Yeso, mbi ya bàd wə̀d we ichughi, aseg, imbìghè abə Yeso, ne wì zi ìti ndwi, bə̀ se tì ìwi iwe chɔm. Mbɔb məjìm ya bɔ.

Ɨ̀fàʼì 11:25

Bànabàs ya si nɔ̀ʼ ghò a Tasɔ̀s ni kə̀b Sɔl.

Ɨ̀fàʼì 15:23

Aŋa ya anug ne yaʼi inga àŋwàʼrì ze ne mbi ya cha gha mbe gho tì àzewən: “Ìmba məfi ne tì yaʼi ane anug amɔʼ inga Kristo, À ya mba bədtɔm Kristo tì itog bəd inga ifeti bəd Kristo ŋwaʼri àŋwàʼrì azo̰. Tì we chàʼrà awən, mbə̰ bəd Kristo mbe ne kayi mə̀Ju ne mbə̰ mbe chùghə a Antìyɔ̀g tì a Sirìyà fɔrɔ a Sìlisìyà.

Ɨ̀fàʼì 15:41

Pɔl ya ghò pè a Sirìyà fɔrɔ a Sìlisìyà. Wì yaya yḛ̀ inga tifeti ijìm nè ghìyə̀ gha ibḛfiŋ abə bəd Kristo təm kà.

Ɨ̀fàʼì 21:20

Anyumə̀ ne mbi ya zughi inug mbe ne Pɔl ya gha inɔb, mbi ya ghumni Ŋwiye, si ghà abə Pɔl gha, “Ìwa ifi, àghò bàd icheg ne mə̀Ju ka chuʼ sə̀ʼə fə bḛ Kristo bə̀ zì atog ni nɔ̀ŋì mə̀nɔ̀ʼɔ̀ Muse.

Ɨ̀fàʼì 21:39

Pɔl ya ywìtì ibo gha, “Mo ya Ju ne mbi gwi a Tasɔ̀s inga aben Sìlisìyà. Mo ya wə̀d inga aben kyen. Mə boʼ ibo, àghò naʼa apan mə̀ ghama abə bəd mbo̰.”

Ɨ̀fàʼì 23:34

Gɔbnà ya kàrì àŋwàʼrì ze si bìri abə Pɔl gha, “Àghò kə wə̀d aben azeg?” Anyumə̀ ne wì ya kyeri gha Pɔl ya wə̀d a Sìlisìyà, wì ya ghà ibo gha,

Ɨ̀fàʼì 23:6

Anyumə̀ ne Pɔl ya bàri gha, inga ifeti itog bəd ne yaya sàʼa aben, bəd mɔ̀ʼɔ ya mə̀Sadùsi, mə̀mbin ya mə̀Farìsi, wì ya gha, “Ìmbum məfi, mo ya Farìsi. Ìmə mbaʼ ya Farìsi. Mə ya itəmi adiŋi isaʼi aŋa anìŋ mbi saʼà mə imbə̀ʼ icheg ne mə bḛ gha, iwu bəd biri ghum zweme ane iwu.”

Ɨ̀fàʼì 26:5

Mbɔb mə̀ kə̀b ni ghà tesiʼ, nji mbɔb fə kyèri aghi gha mo ya Farìsi ne bə ghìyə̀ inug mə̀Farìsi. Mə̀Farìsi ya ifeti ne taŋ kà inga àza anug Ŋwiye.

Ɨ̀fàʼì 26:9

Mo inum ya kɔndi gha mə we tì mə ghì inug nɔʼ nɔʼ ni chìkì anug Yeso we a Nazarèd.

Ɨ̀fàʼì 5:34

Si ya gha, Farìsi mɔ̀ʼɔ ne ikum məd ya Gàmalìyè ya yaʼ abɔ̀ʼ bəd mbe ne sàʼa aben. Məd ya yaʼ wə̀d ne chwìte mə̀nɔ̀ʼɔ̀. Bəd məjìm yaya ghùmnə aməd. Wì ya nɔ̀ʼ təm titighe ghà gha mbe cha bədtɔm mbe isəg iki piʼì.

Ɨ̀fàʼì 6:9

Bəd mɔ̀ʼɔ inga ichamì Ŋwiye mə̀Ju we ne mbi yaya kàrà ane “Bəd ne yaʼi awɔb atog inɔb”, tì mə̀Ju mbe a Sayirèn tì Àlèzandrìyà fɔrɔ mə̀Ju mbe aba isəg Sìlisìyà tì Esìyà ya ko se tàŋà inug tì Stifə̀n.

Ɨ̀fàʼì 9:1

Anyumə̀ ne mbi yaya chɔ̀ʼɔ ibɔʼì ighog abə bəd Kristo, Sɔl ya chè imbìghè ni ya sìbè gha zìye biri zweti mə̀mə̀nənùg Anɔŋisəg. Ane, wì ya ghò abə atog wə̀d igun bəd mbàn Ŋwiye ni niŋ àŋwàʼrì.

Ɨ̀fàʼì 9:11

Anɔŋisəg ya ghà ibo gha, “Àghò chuʼri ìwe nyɔd ghò inga achan Judàs we ne chùghə Inɔnjì ne Təmi. Àghò mə pè angu, àghò bìri wə̀d mɔ̀ʼɔ we ne nɔ̀ʼi a Tasɔ̀s ne ikum məd ya Sɔl. Məd we chàʼrà Ŋwiye amad anìŋ.

Ɨ̀fàʼì 9:30

Anyumə̀ ne məfi mbe ne ya bḛ Kristo ya kyeri anug ze, mbi ya niŋ Sɔl swìʼi ghò a Kàserìyà, si chà aməd a Tasɔ̀s.

Rm 11:1

Mə ya bìre gha Ŋwiye wa fə to̰ yi ìmbi bəd? Indèʼ ka! Chəyi wì to̰ imbə̀ʼ icheg ne mo inum ya bə wə̀d Izre, kwàʼ ane aghaŋ inəbi Abràham. Mo ya wə̀d inga inəbi Benjàmen.

2 Kɔrèn 11:22

Mbɔb kə mə̀Ju? Mo inum ya bə̀ Ju. Mbɔb kə mə̀Izre? Mo inum ya bə̀ wə̀d Izre. Mbɔb kə bɔn ane aghaŋ inəbi Abràham? Mo inum ya bə̀ ŋwan ane aghaŋ inəbi Abràham.

Gàlesìyà 1:14

Mə ya taŋ zì atog ane àza anug Ŋwiye mə̀Ju chè mə̀Ju nɔʼ nɔʼ ne yaʼi ìmbum bəd kàŋ. Mə ya bə̀ taŋ zì atog ni nɔ̀ŋì ikuchèg aben we ne ìmba mə̀mbaʼ ya chwiti ina.

Gàlesìyà 1:21

Mə ya si nɔ̀ʼ a Jèrusalèm ghò a Sirìyà fɔrɔ a Sìlisìyà.