Ɨ̀fàʼì 22:1 - Ikan feg

¹ Pɔl ya ghà abə inɔ̰ bəd we gha, “Ìmbum məfi fɔrɔ ìmbum mə̀mbaʼ, mbə̀ zug anug ne mə̀ biri ghà inən imbìghè ni chì inug igun àmə atog.”

Meta’

¹ “Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ ənû ze nɨ mə̀ bɨrɨ gha ɨfě nən ɨmbə̀ʼ chɨ ɨnû rɨ ɨgwɨ num.”

Ɨ̀fàʼì 22:1 교차 참조

Lk 12:11

Anyumə̀ ne mbi niŋ awən ghò inga ichamì Ŋwiye, kə̀ imbìghè abə itog bəd ne tùmbə̀ aben, imbə̀ʼ mbə̰ nwìʼè awən nyɔd ni kɔndi anug ne mbə̀ biri ghò pè ghà. Imbə̀ʼ mbe bə kɔndɔ awən inɔnjì ni tàŋì ìwən nyɔd.

Lk 21:14

Imbə̀ʼ mbə̰ nwìʼè awən nyɔd ni kɔ̀ndi anug ne mbə̀ biri ghà ni tàŋì ìwən nyɔd.

Ɨ̀fàʼì 13:26

Sɔl ya chè imbìghè si gha, “Ìmbum məfi, bɔn ane aghaŋ inəbi Abràham tì mbə̰ mbe ne kayi mə̀Ju ne ghùmnə Ŋwiye, ikən we ne ghà imbə̀ʼ icheg ne Ŋwiye we pùmnə bəd fə yeʼe ina.

Ɨ̀fàʼì 19:33

Mə̀Ju ya chà mbaŋà mɔ̀ʼɔ ne ikum məd ya Àlèzandà gha wì toʼro aton ne bəd ya fete abə bəd. Wì ya mə̀ʼ abo gha bəd chim tizi wì toʼro anug ze inɔb.

Ɨ̀fàʼì 23:1

Anyumə̀ ne Pɔl təmi imbìghè abə itog bəd mbe ne yaya sàʼa aben, wì ya nèn awɔb kwàʼ igun ìfe, ghà inɔb gha, “Məmbon, mə yaya fàʼà àmə àfàʼì abə Ŋwiye kwàʼ ane fìŋ zḛ zḛ kə̀ bèyi amad anìŋ.”

Ɨ̀fàʼì 23:6

Anyumə̀ ne Pɔl ya bàri gha, inga ifeti itog bəd ne yaya sàʼa aben, bəd mɔ̀ʼɔ ya mə̀Sadùsi, mə̀mbin ya mə̀Farìsi, wì ya gha, “Ìmbum məfi, mo ya Farìsi. Ìmə mbaʼ ya Farìsi. Mə ya itəmi adiŋi isaʼi aŋa anìŋ mbi saʼà mə imbə̀ʼ icheg ne mə bḛ gha, iwu bəd biri ghum zweme ane iwu.”

Ɨ̀fàʼì 24:10

Anyumə̀ ne gɔbnà Feligs ya mə̀ʼri abo abə Pɔl gha wì ghama, Pɔl ya gha, “Mə kyèri gha àghò fə saʼ aben azo̰ ane tituʼ nɔʼ nɔʼ. Ane, mə gyen kwa ako ni təm ine imbìghè ni chì inug mbo̰ ne mbe zìyè inum igun atog.

Ɨ̀fàʼì 25:16

Mə ya ywìtì inɔb gha, kayi icheg aben məRom ni nyimi wə̀d ane isaʼi, nàʼ gha mbe zweti, ne chəyi tengàŋ beri apan ni təm adiŋi isaʼi tì bəd ne puti aməd ni tàŋì ìwi nyɔd. Mbi bèrì ni nàʼ apan ibo gha wì taŋa ìwi nyɔd.

Ɨ̀fàʼì 25:8

Pɔl ya ghàm ni chì inug igun àzi atog gha, “Chəyi mə̀ kweʼì ghà anug tibɔ̀ŋ mɔ̀ʼɔ imbə̀ʼ mə̀nɔ̀ʼɔ̀ mə̀Ju, kə̀ imbə̀ʼ mbàn Ŋwiye, kə̀ imbə̀ʼ Kayisà.”

Ɨ̀fàʼì 26:24

Icheg ne Pɔl yaya ghàmà ni tàŋì ìwi nyɔd, Gɔbnà Festùs ya ghà ane gì ka ka gha, “Pɔl, àghò we be! Àŋwàʼrì ze ne àghò kwèmbi ako fə ghì àghò se be!”

Ɨ̀fàʼì 28:17

Anyumə̀ ne ineg ya che itad, Pɔl ya kàrì itog bəd mə̀Ju. Anyumə̀ ne mbi ya fete, wì ya ghà inɔb gha, “Ìmbum məfi, ka chəyi mə̀ ya bi ghì anug tibɔ̀ŋ mɔ̀ʼɔ abə ìmba bəd, kə̀ bì ghà anug tibɔ̀ŋ mɔ̀ʼɔ imbə̀ʼ məcheg aben ìmba mə̀mbaʼ aneg, mbi ya gwì amə a Jèrusalèm zì inga tikye ibo abə məRom.

Ɨ̀fàʼì 7:2

Stifə̀n ya ywìtì gha, “Ìmbum məfi fɔrɔ ìmbum mə̀mbaʼ, mbə̀ zug! Ŋwiye we ne mba mbe ghùmnə ya dù imbìghè abə Abràham anyumə̀ ne wì ya kiri biri a Mèsòpòtemìyà, bɔŋ wì ya gho se chùghə a Haràn.

Rm 2:15

Ze chwi gha, Ŋwiye ya fə ŋwàʼrì mə̀nɔ̀ʼɔ̀ Muse inga ìtɔb fìŋ. Ìtɔb fìŋ fɔrɔ ìtɔb tikɔndi te se sàʼa awɔb, zìyè isaʼi igun inɔb kə̀ bə̀ tàŋà awɔb.

1 Kɔrèn 9:3

Bəd mbe bìre gha mə kə yaʼi wə̀dtɔm Kristo iye? Anug ne mə̀ biri biri inɔb ya azo̰:

2 Kɔrèn 12:19

Mbə kə anìŋ kɔ̀ndɔ gha tì ya tàŋà ìwa nyɔd inən imbìghè? Indèʼ! Tì ya ghàmà anug ne koʼi abə Ŋwiye icheg ne tì yaʼi ane ifɔti tì Kristo. Ìmba mə̀sə̀ʼ ne tì taŋ kɔ̀ŋ, inug ijìm ne te ghìyə̀ ya ni wètì awən gha mbə̀ təm kà.

2 Kɔrèn 7:11

Mbə̀ nḛ aghi ne Ŋwiye fàʼi anjìm àsɔ̀mnì ze ne wì ghi mbə beri. Amad anìŋ mbə nɔ̀ŋì atog ane àfàʼì, nɔ̀ŋì atog ni ghì inug ne koʼi, kyèri icheg ni sɔ̀mnɔ̀ imbə̀ʼ inug tibɔ̀ŋ, bə̀ kyèri icheg ni kwìtì inug tibɔ̀ŋ. Mbə̰ mbe se ghɔ̀mɔ̀ ni bàd amə, bə̀ nɔ̀ŋì fìŋ ni zugri amə, bə̀ kyèri icheg ni saʼ inug ane icheg ne koʼi. Mbə̰ mbe chwìye ane inug ijìm gha chəyi mbə̀ gughi anug.

Fìlipì 1:17

Chəyi bəd mbe ne ghìyə̀ àdeg mbe ghàmà ikən chɔm imbə̀ʼ Kristo ane fìŋ ne zḛ. Mbɔb ya kə̀bə̀ məyi icheg ni ghì gha bəd bene abɔ̀ʼ inɔb. Mbɔb ya ghìyə̀ ane nè kɔ̀ndɔ gha, inug mbe ne mbɔb mbe ghìyə̀ biri yètì ngəʼ igun inum inga nəb ndəŋ.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

2 Timotì 4:16

Ane, ighəm mbègtog ne mə̀ ya gho təm gha mbe saʼ amə, chəyi wə̀d mɔ̀ʼɔ ne ya yeʼe ni kə̀ŋì amə. Wə̀d ijìm ya waʼ amə. Imbə̀ʼ Ŋwiye niŋ yi inug mbo̰ zì isaʼi igun inɔb.

1 Pità 3:15

Si ya gha, mbə̀ ghumni Kristo ane fìŋ ifibì. Məd ya Anɔŋisəg. Mbə̀ chuʼri ìwən nyɔd kyèri gha, mà nyumə̀ ijìm ne mbi biri aton ane ikɔndi we ne mbə̀ beri imbə̀ʼ isu, mbə̰ biri bèrì iywitichùg ni nàʼ.