Wə̀dkə̀n Ŋwiye mɔ̀ʼɔ ne ya àyi ya bə̀ yaʼ angu. Ikum məd ya Àna. Məd ya ŋwan ìwi Fanwè inga inəbi Asà. Wì ya fə nùn. Wì ya nam məyi ane tituʼ ìsàmbe, inɔm məd ku.
Bədkə̀n Ŋwiye tì mə̀chwitinùg ya yaʼ inga ifeti bəd Kristo we a Antìyɔ̀g. Mbɔb yaya: Bànabàs tì Sɔl tì Simìyòn we ne mbi yaya bə̀ kàrà ane Nayijà tì Lusìyùs ne ya nɔ̀ʼi a Sayirèn fɔrɔ Manìyàn ne ya kweghi tì Erɔ̀d we ne yaʼi gɔbnà.
Wì ya gha, ‹Ŋwiye gha, inga ineg mbe ne se nwḭ̀yḛ̀, mə biri chà àmə Azwighi igun bəd məjìm. Ìmbən bɔn mbaŋà fɔrɔ bɔn àyi biri se ghà ikən Ŋwiye. Ìmbən bɔn ijɔŋ biri se bàrà inati njə̀m. Ìmbən inṵ bəd biri bə se bèrè njə̀m.
Si ya gha, mə beri anug mɔ̀ʼɔ imbə̀ʼ awe. Anug ze ya gha, chəyi àghò chɔ̀ʼri inug ìmbi àyi we ne mbe kàrà ane Jesebè. Məd we gha zìye ya wə̀dkə̀n àyi. Məd we chwìte inug ni fèbrì ìmbum bəd àfàʼì gha mbe ghi ifanì inug bə̀ ghì gha mbe jəg tijəg te ne mbe nàʼà ane ighi àfàtì abə mə̀ŋwiye.
