Ɨ̀fàʼì 21:3 - Ikan feg

³ Anyumə̀ ne tì ya təmi bàd Sayiprùs, tì si chè aton aton bàni ghò a Sirìyà pè təm a Tayì. Tayì ya asiŋi ne mbi ya beri ni chì ighi mbe ne abaŋ igyi ya bèʼi nɔ̀ŋì angu.

Meta’

³ Ənɨ tɨ̀ nyaʼa zə ə Saiprùs, tɨ̀ nyaʼa chè əton əton baanɨ wò ə Sirià, pè təm ə Taì. Mbɨ nyaʼa berɨ chɨ ɨghɨ mbe nɨ əbaŋ ze ə nyaʼa beʼe nùŋ əŋgu.

Ɨ̀fàʼì 21:3 교차 참조

Matìyò 11:21

Wì ya ghà inɔb gha, “Ngəʼ kyen biri nyi igun ine, àghò Kòrazìn! Ngəʼ kyen biri nyi igun ine, àghò Bèsayidà! Àkə aghi ne iyeti inug mbe ne mə̀ ya ghi inga àzən aben ya mə̀ ya ghi yaʼ a Tayì tì a Sidòn, nji bəd mbe angu ya fə bə̀ŋì ìtɔb fìŋ aneg aneg, zì ndwi ideg bə̀ fùʼì nyɔd ane aburi.

Matìyò 4:24

Icheg ne wì yaya ghìyə̀ ane, bəd ya ghà inug imbə̀ʼ aməd ghò mà isiŋi ijìm inga Sirìyà. Bəd ya niŋ bəd ighɔn ne ghɔ̰̀ tiku ighɔn nɔʼ nɔʼ ghò ibo. Aku bəd ne wì ya ghu ya; bəd ne isiŋi nyɔd mbe taŋ se, tì bəd ne izwighi tibɔ̀ŋ yaʼi inga inɔb, tì bəd ne izwighi tibɔ̀ŋ yaya chə awɔb, tì bəd aghɔn tìsùʼ fɔrɔ bəd ne ya buʼrə.

Lk 10:13

Yeso ya chè imbìghè gha, “Ngəʼ kyen biri yaʼ igun ine àghò Kòrazìn! Ngəʼ kyen biri bə yaʼ igun ine àghò Bèsayidà. Ngəʼ kyen ze igun inən imbə̀ʼ icheg ne iyeti inug mbe ne Ŋwiye fàʼi inga inən kə wì ya fàʼi anìŋ inga Tayì tì Sidòn, nji bəd mbe angu ya chughi aseg sèm ighog, zì ndwi-dèg, bə̀ fùʼì ìwɔb nyɔd ane aburi ni chwi gha mbe fə bə̀ŋì ìtɔb fìŋ dù ane inug tibɔ̀ŋ.

Lk 2:2

À ya ghùm ighəm mbègtog ni taŋ bəd. Anyumə̀ we Kwìrinù yaya ghùmə̀ gɔbnà a Sirìyà.

Ɨ̀fàʼì 11:19

Anyumə̀ ne mbi ya zweti Stifə̀n, bəd Kristo mbe ne ya sàka imbə̀ʼ icheg ne mbi yaya chɔ̀ʼɔ ìmbɔb ibɔʼì ighog ya nòrò anene mbi mɔ̀ʼɔ ghò pè a Fònisìyà. Mə̀mbin ya ghò pè a Sayiprùs. Mə̀mbin ghò pè a Antìyɔ̀g. Mbi yaya yḛ̀ nè chètè ikən chɔm we məyi abə mə̀Ju.

Ɨ̀fàʼì 12:20

Ifɔn Erɔ̀d ya bèrì achɔb tì bəd a Tayì fɔrɔ bəd a Sidòn. Bəd mbo̰ ya ghò ane inɔ̰ ni bàd aməd. Mbi ya boʼ ibo abə Blatùs ne ya yaʼi wə̀d àfàʼì ne ifɔn Erɔ̀d ya zi ìzi fiŋ igun məd ako. Mbi ya nyi aton Blatùs ghàm ibo anene wì bḛ, wètì awɔb, ghàm abə Ifɔn Erɔ̀d. Mbi ya ghò abə ifɔn Erɔ̀d pè boʼ ibo ibo gha wì ghiyə mbɔb chughi ane àbɔrɔ̀bɔd. Bəd mbo̰ ya ghi ane imbə̀ʼ icheg ne tijəg inga ìmbɔb iben yaya nɔ̀ʼɔ̀ inga aben Ifɔn Erɔ̀d.

Ɨ̀fàʼì 13:4

Azwighi Ŋwiye ya tɔmɔ Bànabàs tì Sɔl. Ane, mbi ya swiʼi ghò a Sèlusìyà. Mbi ya nɔ̀ʼ angu nyi abaŋ igyi ghò a Sayiprùs.

Ɨ̀fàʼì 15:23

Aŋa ya anug ne yaʼi inga àŋwàʼrì ze ne mbi ya cha gha mbe gho tì àzewən: “Ìmba məfi ne tì yaʼi ane anug amɔʼ inga Kristo, À ya mba bədtɔm Kristo tì itog bəd inga ifeti bəd Kristo ŋwaʼri àŋwàʼrì azo̰. Tì we chàʼrà awən, mbə̰ bəd Kristo mbe ne kayi mə̀Ju ne mbə̰ mbe chùghə a Antìyɔ̀g tì a Sirìyà fɔrɔ a Sìlisìyà.

Ɨ̀fàʼì 15:39

Pɔl ya tàŋ anug azo̰ tì Bànabàs anene ze ghì mbi ghàpà. Bànabàs ya niŋ Jɔn Mag mbi nyi abaŋ igyi bàni igyi ghò a Sayiprùs.

Ɨ̀fàʼì 15:41

Pɔl ya ghò pè a Sirìyà fɔrɔ a Sìlisìyà. Wì yaya yḛ̀ inga tifeti ijìm nè ghìyə̀ gha ibḛfiŋ abə bəd Kristo təm kà.

Ɨ̀fàʼì 18:18

Pɔl ya ywìrì chùghi à Kɔrèn ane ineg mɔ̀ʼɔ. Anyumə̀ ne wì ya màni a angu, wì ya sàŋì bəd mbe ne ya bḛ Kristo, niŋ Prìsilà tì Àkwilà mbi nyi inga abaŋ igyi bàni ghò à Sirìyà. Bɔŋ mbi ya se nɔ̀ʼɔ̀ à Sènkreyà, wì ya fə seri atog icheg ne wì ya fə bḛ abə Ŋwiye.

Ɨ̀fàʼì 21:16

Mə̀mə̀nənùg Yeso mɔ̀ʼɔ abɔ̀ʼ mbe ne ya nɔ̀ʼi a Kàserìyà yèʼe abɔ̀ʼ ina, ya niŋ awa ghò inga achan Nasòn. Nasòn gho̰ ya wə̀d a Sayiprùs ne ya yaʼi wə̀d mɔ̀ʼɔ abɔ̀ʼ mə̀mə̀nənùg mbègtog ìmbi Yeso. À ya ibo inga achan ne tì ya beri ni chughi.

Ɨ̀fàʼì 21:2

Tì ya bàd abaŋ igyi ne bàna ghò a Fònisìyà, tì si nyi inga se ghò.

Ɨ̀fàʼì 21:7

Tì ya nɔ̀ʼ a Tayì chè imbìghè ghò a Tòlemè. Anyumə̀ ne tì ya pè angu, tì ya chàʼrì ìmba məfi mbe ne tì yaʼi ane ifɔti tì Kristo. Tì ya bə̀ chùghi abɔ̀ʼ inɔb ane aneg afibì.

Ɨ̀fàʼì 27:4

Tì ya nɔ̀ʼ angu ko ghò, si ya gha, icheg ne ifə yaya tḭ̀yḛ awa aba ze imbìghè, tì ya bə̀ŋə̀ ghò chè aba ze a Sayiprùs ne chəyi ifə yaya nàʼà ngəʼ. Sayiprùs ya akəmi asiŋi ìseg ne igyi che kad.

Ɨ̀fàʼì 4:36

Jòseb ne ya ŋwan inga inəbi Levì ya wə̀d mɔ̀ʼɔ abɔ̀ʼ bəd mbe ne ya bḛ Kristo. Məd ya nɔ̀ʼ a Sayiprùs. Bədtɔm Kristo ya chùb ikum məd ane Bànabàs. (Ikum gho̰ ya ni gha, ŋwan ne nə̀rə fìŋ abə bəd.)