Ɨ̀fàʼì 21:20 - Ikan feg

²⁰ Anyumə̀ ne mbi ya zughi inug mbe ne Pɔl ya gha inɔb, mbi ya ghumni Ŋwiye, si ghà abə Pɔl gha, “Ìwa ifi, àghò bàd icheg ne mə̀Ju ka chuʼ sə̀ʼə fə bḛ Kristo bə̀ zì atog ni nɔ̀ŋì mə̀nɔ̀ʼɔ̀ Muse.

Meta’

²⁰ Ənɨ mbɨ nyaʼa zu ənû zɔ̂, mbɨ nyaʼa yiirɨ ə Ŋwiə̀, ghà əmbɨ Pɔ̂l ni, “Aŋgɔb, zə ɨchî nɨ mɨ̀Jû, chuʼ mbɨ ə chuʼ fə ben ə Kristo. Mɨ̀mə̌d mɨjìm fə zɨ̀ ətu nɨ nuŋ tɨkə rɨ Mose.

Ɨ̀fàʼì 21:20 교차 참조

Matìyò 9:8

Anyumə̀ ne inɔ̰ bəd we ya bàri anug ne du, mbi ya bɔ, se ghùmnə Ŋwiye we ne nàʼi iku ika gho̰ abə bəd.

Lk 12:1

Icheg ne inɔ̰ bəd ya fete nyə̀mə̀ nyə̀mə̀ mbi mɔ̀ʼɔ se tə̀ʼrə̀ mə̀mbin, Yeso ya bì ko ni ghàm abə mə̀mə̀nənùg məd. Wì ya ghà inɔb gha, “Mbə̀ pati awən imbə̀ʼ àfòrì ze abə mə̀Farìsi. Àfòrì ze ya ìmbɔb inug fubri.

Lk 15:32

Aton ne tì beri ni jəg gyèndi ya gha, ìwe ifi gho̰ ya ku, we ywìrì zwème. Wì ya nim, tè ywìrì bàd aməd.›”

Jn 12:24

Mə gha tesiʼ inən gha, “Fitam kyì mə chəyi fi nyi aseg ku, fi biri tḛ yi kwàʼ tèzìʼì. Fi mə̀ ku, fi ya gwère, kweg, ko titam nɔʼ nɔʼ.

Ɨ̀fàʼì 11:18

Anyumə̀ ne mə̀Ju mbe ya zughi ane, chəyi mbi ya ywirì bìri anug mɔ̀ʼɔ abə Pità. Mbi ya se ghùmnə Ŋwiye gha, “Ane, à ya kwàʼ tesiʼ gha Ŋwiye fə nàʼ apan abə bəd ne kayi mə̀Ju gha mbe bəŋə fìŋ sìkì inug tibɔ̀ŋ, jəg ìtḛ̀.”

Ɨ̀fàʼì 15:1

Bəd mɔ̀ʼɔ ya nɔ̀ʼ a Jùdeyà swìʼi ghò a Antìyɔ̀g. Mbi ya pè se chwìte inug abə bəd Kristo gha, “Àmə chəyi mbi ŋwed awən icheg ne mə̀nɔ̀ʼɔ̀ Muse gha, chəyi mbə̀ biri pum.”

Ɨ̀fàʼì 15:24

Tè fə zug gha bəd mɔ̀ʼɔ nɔ̀ʼ abɔ̀ʼ ina yèʼe kɔ̀ti awən se nàʼà ngəʼ inən, chə ìmbən itog ane inug ne mbe ghà, ne chəyi tì cha awɔb.

Ɨ̀fàʼì 15:5

Icheg ne mbi ya mə̀ti inɔb ane, bəd mɔ̀ʼɔ abɔ̀ʼ mə̀Farìsi ne ya bḛ Kristo ya nɔ̀ʼ təm titighe ghà gha, “Mbi mənyìʼ ŋwed bəd mbe ne kayi mə̀Ju icheg ne mə̀nɔ̀ʼɔ̀ Muse chwi bə̀ ghì gha mbi mənyìʼ zùgri mə̀nɔ̀ʼɔ̀ Muse.”

Ɨ̀fàʼì 2:41

Bəd mbe ya zug ìngam we ne Pità ya ghàmi, bḛ. Ane, mbi ya niŋ mənib. Bəd ne ya yète abɔ̀ʼ bəd Kristo ya yaʼ ka bəd chuʼ titad.

Ɨ̀fàʼì 22:3

“Mo ya Ju. Mbi ya gwi amə a Tasɔ̀s inga Sìlisìyà. Mə ya kweg aŋa a Jèrusalèm bə̀ kwèmbi àŋwàʼrì aton Gàmalìyè. Mə ya kwembi mə̀nɔ̀ʼɔ̀ mbe ne mbi ya nàʼi abə ìmba mə̀mbaʼ aneg. Mə yaya bə̀ zìyè atog ane àfàʼì Ŋwiye icheg ne mbə̰ məjìm mbe bə̀ zìyè.

Ɨ̀fàʼì 4:21

Itog bəd mbe ya ywìrì taŋ pàti awɔb bɔŋ sàŋì awɔb gha mbe gho. Chəyi mbi ya kyeri icheg ne tì mbi chə awɔb imbə̀ʼ icheg ne bəd məjìm yaya nàʼà ighumni abə Ŋwiye ane anug ne ya du.

Ɨ̀fàʼì 4:4

Mbi ya jiʼì gwì awɔb ane, si ya gha, bəd nɔʼ nɔʼ abɔ̀ʼ bəd mbe ne ya zughi ìngam we ya nɔ̀ŋì ìwɔb ibḛfiŋ igun Yeso Kristo. Inun bəd mbe ne ya nɔŋi ìwɔb ibḛfiŋ igun Yeso Kristo ya yètè se ghò ka chuʼ ita̰.

Ɨ̀fàʼì 6:7

Ane, Ìngam Ŋwiye ya chè imbìghè ni kweg. Inɔ̰ bəd ne yaya yètè abɔ̀ʼ mə̀mə̀nənùg inga Jèrusalèm yaya tḭ tḭ ghò gho imbìghè. Bəd mbàn Ŋwiye nɔʼ nɔʼ ya bə̀ bḛ Kristo.

Rm 10:2

Mə kyèri gha mbɔb kɔ̀ŋ ni fàʼ abə Ŋwiye ane fìŋ ifibì, si ya gha, chəyi mbi taŋ kyèri inɔnjì nì fàʼ ibo.

Gàlesìyà 1:14

Mə ya taŋ zì atog ane àza anug Ŋwiye mə̀Ju chè mə̀Ju nɔʼ nɔʼ ne yaʼi ìmbum bəd kàŋ. Mə ya bə̀ taŋ zì atog ni nɔ̀ŋì ikuchèg aben we ne ìmba mə̀mbaʼ ya chwiti ina.

Gàlesìyà 1:24

Mbɔb ya zug ane, se ghùmnə Ŋwiye imbə̀ʼ ìchɔ̀mì məd ne wì ghi inum.

2 Tès 1:10

Ane aneg ze ne Anɔŋisəg biri yeʼe, bəd məd biri se yète məd. Bəd məjìm ne bḛ aməd biri se ghùmnə aməd. Mbə̰ inən biri bə̀ yaʼ abɔ̀ʼ inɔb imbə̀ʼ icheg ne mbə̰ inən ya bə̀ bḛ ikən chɔm we ne tì ya ghà inən.