Ɨ̀fàʼì 20:6 - Ikan feg

⁶ Anyumə̀ ne nyùmə̀ Iteri Chègun ya fə che, tì ya nɔ̀ʼ a Filipì yèn inga abaŋ igyi, niŋ ineg ita̰, kɔ̀ti awɔb a Truwàs. Tì ya chughi angu ane ineg ìsàmbe.

Meta’

⁶ Ənɨ əchwɨ̂ ze nɨ mbɨ nyaʼə jɨgə ŋgə̀ŋ nɨ chəi ɨfuʼ we nɨə ghɨ̀ ni ŋgə̀ŋ kɔʼ nyaʼa fə che i, tɨ̀ nyaʼa nyɨ əbaŋ ɨgyɨ̀ rɨ ə Filipì nɨŋ ɨni tân wò kumnɨ mɨ̀mə̌d ə Troàs. Tɨ̀ nyaʼa chub əŋgu ɨni sambe.

Ɨ̀fàʼì 20:6 교차 참조

Ɨ̀fàʼì 12:3

Icheg ne wì ya bàri gha itog bəd mə̀Ju kɔ̀ŋ aghi ne wì ya ghi, wì ya chè imbìghè bə̀ gwìye Pità. Ifɔn Erɔ̀d ya ghì anug azo̰ anyumə̀ ne mbi yaya jə̀ghə Iteri ngə̀ŋ ze ne chəyi àfòrì inga.

Ɨ̀fàʼì 16:10

Ane, tì ya chuʼri nyɔd kwàʼ ati ati ghò a Màsèdonìyà imbə̀ʼ icheg ne tì ya kyeri gha à ya Ŋwiye we chà awa gha tì gho ghà ikən chɔm abə bəd mbe angu.

Ɨ̀fàʼì 16:12

Tì ya nɔ̀ʼ angu ghò a Filipì, ne yaʼi aben kyen inga aba isəg ze a Màsèdonìyà. À ya Rom yaya tùmbə aben ze. Tì ya chughi angu ane ineg nɔʼ nɔʼ.

Ɨ̀fàʼì 16:8

Ane, mbi ya ghò che a Misìyà, swìʼi ghò a Truwàs.

Ɨ̀fàʼì 20:16

Pɔl ya dèb ni chè yi a Efesùs imbə̀ʼ icheg ne chəyi məd ya kə̀bi ni chìkì nyumə̀ inga aba aben ze a Esìyà. Wì ya dèb ane imbə̀ʼ icheg ne məd ya kə̀b ni zàmbì pè a Jèrusalèm bɔŋ aneg Pentekɔ̀d se kòʼò.

Ɨ̀fàʼì 20:5

Mbaŋà ìto̰ ya ghò imbìghè pè ghɔ̀m awa a Truwàs.

Ɨ̀fàʼì 21:4

Tì ya pè angu bàd bəd mɔ̀ʼɔ ne yaʼi mə̀mə̀nənùg Kristo. Tì ya chughi angu abɔ̀ʼ inɔb ane ineg ìsàmbe. Azwighi Ŋwiye ya ghì mə̀mə̀nənùg mbe ghà abə Pɔl gha imbə̀ʼ wì gho yi a Jèrusalèm ka.

Ɨ̀fàʼì 21:8

Tì ya nɔ̀ʼ isu abɔ̀ʼ ghò a Kàserìyà. Tì ya pè angu chùghi abɔ̀ʼ Filip we ne yaya chètè ikən chɔm. Məd ya yaʼ wə̀d mɔ̀ʼɔ abɔ̀ʼ mbaŋà ìsàmbe te ne Azwighi Ŋwiye ya chɔʼi gha mbe wete ni ghàpì ighijəg.

Ɨ̀fàʼì 28:14

Tì ya pè angu, bàd bəd ne ya bḛ Kristo. Mbi ya kàrì awa gha tì chughi tì inɔb ineg ìsàmbe. Aŋa ya icheg ne tì ya gho pè a Rom.

Fìlipì 1:1

À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

1 Tèsàlonikà 2:2

Bəd mbe a Filipì ya ghì tì zə̰ ngəʼ. Mbə̰ bə̀ kyèri àzən aghi gha mbi ya zì tìnìrètog igun ina. Si ya gha, Ŋwiye ya nàʼ ika ina gha tì gha ikən chɔm inən, ka chəyi bəd nɔʼ nɔʼ ya kə̀bi gha tì gha ikən chɔm we.

2 Timotì 4:13

Anyumə̀ ne àghò we yèʼe, niŋ ndwigun ze ne mə̀ ya sàŋi abə Kapùs a Truwàs yèʼe tì ìziwən. Àghò bə niŋ ìmbum ìŋwàʼrì mbe ne mbe kàri kari yèʼe tì mbiwən. Ako ako ya ìŋwàʼrì mbe ne mbi tangi ane gɔb.