Ɨ̀fàʼì 2:41 - Ikan feg

⁴¹ Bəd mbe ya zug ìngam we ne Pità ya ghàmi, bḛ. Ane, mbi ya niŋ mənib. Bəd ne ya yète abɔ̀ʼ bəd Kristo ya yaʼ ka bəd chuʼ titad.

Meta’

⁴¹ Bə̂d mbe nɨ nyaʼa zu ɨŋgam məd benɨ, nyaʼa nɨŋ mɨnib. Bə̂d mbe nɨ nyaʼa yì əbɔʼ bə̂d Kristo əni ze yɨə nyaʼa ɨghabɨ ə chuʼ rɨtad.

Ɨ̀fàʼì 2:41 교차 참조

Jn 14:12

Mə gha tesiʼ inən gha, “Wə̀d ne nɔŋi ibḛfiŋ igun inum, tengàŋ biri fàʼ inug mbe ne mə fàʼà. Tengàŋ biri fàʼ iyeti inug ne chè mbo̰ imbə̀ʼ icheg ne mə̀ ya anìŋ ghò abə ìmə Mbaʼ.

Jn 21:11

Sayimùn Pità ya kɔʼ nyi abɔ̀ʼ mbin tì mə̀mə̀nənùg, sìmì kyə̀ ze chà asaŋ. Su kyen kyen ya sweg inga kyə̀ ze. Su te ya yaʼ iki tì ìghum ita̰ chɔ̀b itad. Si ya gha, ka ti ya jiʼì nɔʼ ane, chəyi kyə̀ ya sète.

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

Ɨ̀fàʼì 13:48

Anyumə̀ ne bəd mbe ne kayi mə̀Ju ya zughi anug azo̰, mbi ya gyendi bə̀ ghùmni Ŋwiye imbə̀ʼ ìngam Anɔŋisəg we ne wì ghàmi imbə̀ʼ awɔb. Bəd məjìm mbe ne Ŋwiye ya fə chɔʼi gha mbi biri jəg ìtḛ̀ ighə̀m imɔʼ ya bḛ anug ze ne mbi yaya ghà imbə̀ʼ Kristo.

Ɨ̀fàʼì 2:37

Anyumə̀ ne bəd mbe ya zughi anug ze, ze ya nàʼ ngəʼ inɔb inga fìŋ, mbi si bìri abə Pità fɔrɔ abə mbin tì bədtɔm gha, “Ìmba məfi, ze kə anìŋ tì ghənə?”

Ɨ̀fàʼì 2:47

Mbi yaya fɔ̀tɔ ghùmnə Ŋwiye. Wə̀d ijìm yaya kɔ̀ŋɔ̀ awɔb. Ineg ijìm, Anɔŋisəg yaya yètè bəd inga ìwɔb inɔn. Bəd mbo̰ ya bəd mbe ne Ŋwiye yaya pùmnə anjìm icheg ne mbi bḛ Yeso Kristo.

Ɨ̀fàʼì 27:37

Mba məjìm ne ya yaʼi inga abaŋ igyi ze ya yaʼ icheg aki abe tì ìghum ìsàmbe chɔ̀b tìfughə.

Ɨ̀fàʼì 3:23

Wə̀d ne to̰ yi ni zugri aməd, Ŋwiye biri chì tengàŋ inga ìmbi bəd, nìmni.›

Ɨ̀fàʼì 4:4

Mbi ya jiʼì gwì awɔb ane, si ya gha, bəd nɔʼ nɔʼ abɔ̀ʼ bəd mbe ne ya zughi ìngam we ya nɔ̀ŋì ìwɔb ibḛfiŋ igun Yeso Kristo. Inun bəd mbe ne ya nɔŋi ìwɔb ibḛfiŋ igun Yeso Kristo ya yètè se ghò ka chuʼ ita̰.

Ɨ̀fàʼì 7:14

Jòseb ya si chà awɔb gha mbe gho niŋ Jàkɔb mbaʼ məd fɔrɔ inəbi ijìm yèʼe a Ijìb. Inəbi we ijìm ya yaʼ bəd ìghum ìsàmbe chɔ̀b ita̰.

Rm 13:1

Wə̀d ijìm mənyìʼ ya zùgrə itog bəd mbe ne tùmbə̀ aben imbə̀ʼ icheg ne à ya Ŋwiye chɔ̀ʼi awɔb bə̀ nàʼ ika we inɔb.

1 Tèsàlonikà 1:6

Ka mbə̰ ya jiʼì yaʼ awən inga ngəʼ, mbə̰ ya fə ko ni ghì inug icheg Anɔŋisəg bə̀ fɔrɔ icheg ina. Mbə̰ ya niŋ ikən chɔm we ane igyendi ne Azwighi Ŋwiye ze nàʼà.

1 Pità 3:20

À ya izwighi bəd mbe te aneg, ne yaya ghìyə̀ tìzughə̀ abə Ŋwiye anyumə̀ ne Ŋwiye yaya nyìme fìŋ ghɔ̀mɔ̀ ne Nwa̰ yaya kɔ̀rɔ abaŋ. Bəd mbe ne Ŋwiye ya pumni awɔb ya məyi bəd ìfàmi mbe ne ya nyi inga abaŋ, nəŋ igun mənib.

Ɨnû 16:3

Angirə̀ we ne pè ane ibe ya kwebi agaŋ Ŋwiye ze ne ya yaʼi inga akaŋ məd inga igyi tìbà. Anyumə̀ ne wì ya kwebi ane, igyi tìbà we ya bə̀ŋə̀ si kə̀mnə icheg anəm awu wə̀d. Ighi izɔm ijìm mbe ne ya yaʼi inga tìbà ya ku.