Ɨ̀fàʼì 2:1 - Ikan feg

¹ Anyumə̀ ne aneg Pentekɔ̀d ya kòʼi, bəd Kristo mbe məjìm ne yaya chùghə inga atog nəb ze igun ya yaʼ ane asiŋi afibì.

Meta’

¹ Ənɨ əni ə Pentekɔ̀s ə nyaʼa yeʼe kùʼ, bə̂d mɨjìm mbe nɨ nyaʼa ben ə Kristo nyaʼa fetɨ əsɨ ə mɔʼ.

Ɨ̀fàʼì 2:1 교차 참조

Ɨ̀fàʼì 1:5

Jɔn yaya nàʼà mənib inən, si ya gha, chəyi agha biri sà, Ŋwiye biri nàʼ àzi Azwighi inən.”

Ɨ̀fàʼì 1:8

Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

Ɨ̀fàʼì 2:46

Ineg ijìm, mbi yaya chè imbìghè ni ya fète inga ikam mbàn Ŋwiye. Mbi yaya jə̀ghə itari anəb anəb ane igyendi fɔrɔ ane fìŋ ifibì.

Ɨ̀fàʼì 20:16

Pɔl ya dèb ni chè yi a Efesùs imbə̀ʼ icheg ne chəyi məd ya kə̀bi ni chìkì nyumə̀ inga aba aben ze a Esìyà. Wì ya dèb ane imbə̀ʼ icheg ne məd ya kə̀b ni zàmbì pè a Jèrusalèm bɔŋ aneg Pentekɔ̀d se kòʼò.

Ɨ̀fàʼì 4:24

Anyumə̀ ne mbi ya zughi anug ze, mbɔb məjìm ya fɔti ichug ni chàʼra Ŋwiye. Mbi ya chàʼrì gha, “Atumbisəg, à ya àghò ne tàngi ikaŋ tì ìseg tì tìbà, bə̀ tàngi ighi mbe ne yaʼi inga inɔb ijìm.

Ɨ̀fàʼì 4:31

Anyumə̀ ne mbi ya chàʼra Ŋwiye mànì, asiŋi ze ne mbɔb ya fete angu ya ghùd. Azwighi Ŋwiye ya sweg inga inɔb mbɔb məjìm, mbɔb se chètè Ìngam Ŋwiye ne chəyi mbe ywìrè bɔ.

Ɨ̀fàʼì 4:32

Bəd məjìm mbe ne ya bḛ Yeso ya bèrì fìŋ imɔʼ bə̀ nɔ̀ŋì ìwɔb ikɔndi igun anug amɔʼ. Chəyi wə̀d mɔ̀ʼɔ ne yaya tàŋà ighi mɔ̀ʼɔ ane ìmbi. Mbɔb məjìm yaya ghàpà ighi ijìm mbe ne mbɔb ya bèri.

Ɨ̀fàʼì 5:12

Bədtɔm Kristo yaya ghìyə̀ iyeti inug nɔʼ nɔʼ igun bəd, bəd bàrà. Bəd ne ya bḛ Kristo yaya ghò bɔ̀mbɔ̀ inga asiŋi ze ne mbe kàrà ane məkə̀tə̀ Solomùn.

Rm 15:6

Àze biri ghì mbə fɔti ichug ghùmnə Ŋwiye ne yaʼi Mbaʼ abə ìwa Anɔŋisəg Yeso Kristo.

1 Kɔrèn 16:8

Si ya gha, mə biri chughi a Efesùs ghò pè ane nyùmə̀ Pentekɔ̀d.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Fìlipì 2:2

Ane, mbə̀ nɔŋɔ ìwən ikɔndi ane ìwi imɔʼ. Mbə̀ ya bə̀ kɔ̀ŋɔ̀ ìmbən məfi fɔrɔ ìtən njàbi. Mbə̀ ya bə̀ ghìyə̀ inug icheg bəd ne beri ikɔndi imɔʼ. Mbə̰ mə̀ ya ghìyə̀ ane, mə biri ya taŋ gyènde.