Ɨ̀fàʼì 19:8 - Ikan feg

⁸ Pɔl ya ghò nyi inga ichamì Ŋwiye se ghàmà abə bəd kwàʼ ane fìŋ ka ka. Wì yaya ghàmà ane ane aməg atad. Wì yaya tòʼrò inug mbi taŋ zḛ ghìyə̀ gha mbe kyeri gha anug ìfɔ̀n Ŋwiye ya anug tesiʼ.

Meta’

⁸ Pɔ̂l nyaʼa wò nyɨ ɨŋga nəb ə̀kàtɨ̀. Ɨ wɨə nyaʼə ghàmə̀ əŋgu əmɨg ətad ənɨ ə fîŋ nɨ kǎ. Ɨ wɨə nyaʼə bə̀ tàŋə̀ mbɨ ə bə̂d mbe nɨ nyaʼa əŋgu. Ɨ wɨə nyaʼə bə̀ kə̀bə̀ ni mbɨ kyerɨ ni ənû ɨfɔ̀n ə Ŋwiə̀ yɨ ənû rəsìʼ.

Ɨ̀fàʼì 19:8 교차 참조

Ɨ̀fàʼì 1:3

Anyumə̀ ne wì ya zweme ane iwu, wì ya chwiti ìwi nyɔd inɔb kwàʼ tì ineni nɔʼ nɔʼ, ni chwi gha zìye we yi izɔm. Wì ya chughi tì inɔb ane ineg ìghum ikwè bə̀ ghàm inɔb imbə̀ʼ anug ìfɔ̀n Ŋwiye.

Ɨ̀fàʼì 13:14

Mbi ya nɔ̀ʼ a Pegà ghò a Antìyɔ̀g we ne yaʼi inga aba aben ze a Pìsidìyà. Ane aneg àzwètì mə̀Ju ya pe, mbi ya ghò nyi inga ichamì Ŋwiye mə̀Ju chùghi aseg.

Ɨ̀fàʼì 13:46

Anyumə̀ ne mbi ya gha ane, Pɔl tì Bànabàs ya ywìtì inɔb ane fìŋ ka ka gha, “Ze kə̀ kòʼ gha tì bi ghà Ìngam Ŋwiye gho̰ inən. Icheg ne mbə̀ to̰ awən ìngam gho̰ bə̀ niŋ ìwən nyɔd ane bəd ne chəyi mbi koʼi ni jəg ìtḛ̀ ighə̀m imɔʼ, tè fə sàŋì awən se ghò ni ghà abə bəd mbe ne kayi mə̀Ju.

Ɨ̀fàʼì 14:1

Pɔl tì Bànabàs ya ghò a Ìkonìyùm, chè ghò nyi inga ichamì Ŋwiye mə̀Ju we ne yaʼi angu icheg ne mbi yaya nḛ ghò. Mbi ya ghàm Ìngam Ŋwiye inga ichamì Ŋwiye we ane icheg ne ya ghì gha mə̀Ju nɔʼ nɔʼ tì bəd nɔʼ nɔʼ ne kayi mə̀Ju mbe bḛ Kristo.

Ɨ̀fàʼì 17:17

Ane, wì ya nɔ̀ʼ ghò inga ichamì Ŋwiye mə̀Ju. Wì ya pè se tòʼrò Ìngam Ŋwiye abə mə̀Ju fɔrɔ abə bəd mbe ne kayi mə̀Ju ne ghùmnə Ŋwiye, gha mbe taŋ kyèri anug ne we ghà. Ineg ijìm, məd yaya bə̀ ghò chùghə aseg inga isiŋi iywin tòʼrò Ìngam Ŋwiye abə bəd ne wì kɔ̀ti angu.

Ɨ̀fàʼì 18:19

Anyumə̀ ne mbi ya pè à Efesùs, wì ya sàŋì Prìsilà tì Àkwilà angu. Wì ya ghò yi tèzìʼì ghò nyi inga ichamì Ŋwiye, pè ko se tòʼrò inug tì mə̀Ju.

Ɨ̀fàʼì 18:26

Wì ya ko se ghàmà Ìngam Ŋwiye inga ichamì Ŋwiye kwàʼ ane fìŋ ka ka. Si ya gha, anyumə̀ ne Prìsilà tì Àkwilà ya zughi icheg ne wì yaya ghàmà, mbi ya niŋ aməd ghò, taŋ tòʼrì inɔnjì we ne Ŋwiye ya chwìye gha bəd kyeri aməd.

Ɨ̀fàʼì 18:4

Wì yaya tòʼrò inug abə mə̀Ju inga ichamì Ŋwiye igun ineg àzwètì mə̀Ju ijìm. Wì ya ghì ane fìʼì itog abə mə̀Ju fɔrɔ abə bəd mbe ne ya bḛ Kristo ne mbɔb kayi mə̀Ju.

Ɨ̀fàʼì 19:10

Wì ya chwiti inug inɔb ane tituʼ tibe. Ane, mə̀Ju məjìm fɔrɔ bəd məjìm ne kayi mə̀Ju ne yaya chùghə inga aba aben Esìyà ya zug ìngam Anɔŋisəg.

Ɨ̀fàʼì 19:7

Mbaŋà ne ya yaʼi angu ya yaʼ icheg ìghum chɔ̀b ibe.

Ɨ̀fàʼì 19:9

Si ya gha, bəd mɔ̀ʼɔ abɔ̀ʼ inɔb ya ghùbì ìtɔb fìŋ. Chəyi mbi ya bḛ anug ne Pɔl yaya ghà. Bəd ya ko se ghàmà inug tibɔ̀ŋ imbə̀ʼ Ikuchèg we ne Anɔŋisəg Yeso yaya chwìte. Ane, Pɔl ya sàŋì awɔb, nɔ̀ʼ yi. Wì ya niŋ mə̀mə̀nənùg Yeso se mùghə̀ tì inɔb tòʼrò inug inɔb ineg ijìm inga ichamì we abə Tayiranùs.

Ɨ̀fàʼì 20:31

Mbə̀ we awən imbə̀ʼ tiku bəd te, bə̀ kɔ̀ndi gha, ane tituʼ titad, mə yaya pàta awən imɔʼ imɔʼ tì məsi aghə.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Jûd 1:3

Ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mə̀ ya nɔŋi fìŋ ni ŋwàʼrì inug inən imbə̀ʼ icheg ne tì fɔrɔ pum, mə̀ ya ywìrì bàd gha, ze bɔ̀ŋ gha mə ŋwaʼra inug ndəŋ ni nəri ìtən fìŋ. Mbə̀ che imbìghè taŋ nyìmi inug imbə̀ʼ ibḛfiŋ we ne Ŋwiye nàʼi abə ìmbi bəd ane ighə̀m imɔʼ.