Ɨ̀fàʼì 16:1 - Ikan feg

¹ Pɔl ya ghò pè a Debè fɔrɔ a Listrà. Mbaŋà mɔ̀ʼɔ ne ya bḛ Kristo ya yaʼ angu ne ikum məd ya Timotì. Ngɔb Timotì ya àyi Ju ne ya bḛ Kristo. Àsi mbaʼ ìwi Timotì ya wə̀d a Gris.

Meta’

¹ Pɔ̂l mbɨ Sailàs nyaʼa wò pè ə Də̂be fɔrɨ ə Listrà. Mbaŋə̀ mɔʼɔ nɨ nyaʼa ben ə Kristo wɨə nyaʼa əŋgu nɨ ɨkum məd nyaʼə Timotì. Ɨŋgɔb məd yɨə nyaʼə əyi Jû nɨ nyaʼa ben ə Kristo, àyɨə mbǎʼ məd yɨə nyaʼə wə̀d rɨ ə Gris.

Ɨ̀fàʼì 16:1 교차 참조

Ɨ̀fàʼì 14:1

Pɔl tì Bànabàs ya ghò a Ìkonìyùm, chè ghò nyi inga ichamì Ŋwiye mə̀Ju we ne yaʼi angu icheg ne mbi yaya nḛ ghò. Mbi ya ghàm Ìngam Ŋwiye inga ichamì Ŋwiye we ane icheg ne ya ghì gha mə̀Ju nɔʼ nɔʼ tì bəd nɔʼ nɔʼ ne kayi mə̀Ju mbe bḛ Kristo.

Ɨ̀fàʼì 14:21

Anyumə̀ ne Pɔl tì Bànabàs yaya gha ikən chɔm we a Debè, mbi ya ghì bəd nɔʼ nɔʼ bə̀ŋə̀ si yaʼ bəd Kristo. Mbi ya ghì ane, bə̀ndì ghò a Listrà fɔrɔ a Ìkonìyùm bə̀ fɔrɔ a Antìyɔ̀g.

Ɨ̀fàʼì 14:6

Ane, anyumə̀ ne bədtɔm mbe ya zughi anug ne mbi yaya chùʼrə imbə̀ʼ awɔb, mbi ya nòrò ghò a Listrà fɔrɔ a Debè, ne ya isiŋi inga aba aben ze a Làyìkonìyà. Mbi ya bə̀ nòrò ghò fɔrɔ inga isiŋi mbe ne yaʼi iban iban.

Ɨ̀fàʼì 17:14

Kwàʼ ati ati, bəd mbe ne ya bḛ Kristo inga Bèriyà ya chà bəd gha mbe niŋ Pɔl ghò chà aməd iban igyi tìbà. Si ya gha, Sayilàs tì Timotì ya si tèn a Bèriyà.

Ɨ̀fàʼì 18:5

Anyumə̀ ne Sayilàs tì Timotì ya nɔ̀ʼi à Màsèdonìyà yèʼe a Kɔrèn, Pɔl ya si zì atog məyi ni ghàm Ìngam Ŋwiye bə̀ fɔrɔ ni tòʼrì abə mə̀Ju gha Yeso ya Wə̀d we ne Ŋwiye zɔ̀ʼi.

Ɨ̀fàʼì 19:22

Wì ya chà Timotì tì Èrastùs ne ya mbaŋà te tibe ne yaya wètè aməd gha mbe gho a Màsèdonìyà. Àsi məd, wì ya si chùghi yi a Esìyà ane ineg mɔ̀ʼɔ.

Rm 16:21

Timotì ne fàʼà tì inum we bə̀ chàʼrà awən. Lucìyùs tì Jasòn fɔrɔ Sòsipatà ne yaʼi mə̀Ju icheg inum mbe bə̀ chàʼrà awən.

1 Kɔrèn 16:10

Timotì mə yèʼe abɔ̀ʼ inən, mbə̀ niŋ aməd nyìmi kwàʼ icheg chɔm imbə̀ʼ icheg ne məd we bə̀ fàʼà abə Anɔŋisəg icheg inum.

1 Kɔrèn 4:17

À ya aton ne mə cha Timotì abɔ̀ʼ inən. Məd ya ìmə ŋwan ne mə̀ taŋ kɔ̀ŋ. Məd we fàʼà abə Anɔŋisəg ane ìzi fìŋ ijìm. Məd biri ghì mbə wendi icheg ne mə̀ yaya ghìyə̀ inug anyumə̀ ne mə̀ ya bḛ Yeso Kristo. À ya bə̀ anug ne mə chwìte isiŋi ijìm inga tifeti bəd Kristo tijìm.

1 Kɔrèn 7:14

Ze yaʼ ane imbə̀ʼ icheg ne mbi biri niŋ mbaŋà ze gha wè təm zen anjìm iweg məd we ne kyeri Ŋwiye. Mbi biri bə̀ niŋ iweg məd gha wè təm zen anjìm inɔm məd we ne kyeri Ŋwiye. Àmə chəyi ane, nji chəyi ìmbɔb bɔn biri zen. Tesiʼ ya gha, mbi biri niŋ mbɔb bɔn gha mbe zen.

2 Kɔrèn 1:1

À ya mo Pɔl, wə̀dtɔm Kristo icheg ne Ŋwiye kə̀bi, tì Timotì, ìwa ifi ne tì yaʼi ane ifɔti tì Yeso Kristo, tì ŋwàʼri àŋwàʼrì azo̰. Tì ŋwàʼrì anìŋ abə ifeti bəd Ŋwiye we ne yaʼi a Kɔrèn fɔrɔ abə bəd Ŋwiye məjìm mbe ne yaʼi aba aben ze a Akìyà.

2 Kɔrèn 1:19

À ya ane ne Yeso Kristo bə yaʼ. Məd ya Ŋwan Ŋwiye we ne mo tì Sìvanòs fɔrɔ Timotì ya ghàmi inən imbə̀ʼ aməd. Chəyi məd we gha “E” ywìrì nɔ̀ʼ gha “Indèʼ.” Məd ya fàʼà inug ijìm ne Ŋwiye kàʼi.

Fìlipì 1:1

À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

Fìlipì 2:19

Anɔŋisəg Yeso mə̀ bḛ nji mə biri zàmbi chà Timotì abɔ̀ʼ inən. Ane, anyumə̀ ne wì biri bə̀ndì yeʼe abɔ̀ʼ inum, mə biri gyen ni zug icheg ne mbə̀ yaʼi ibo.

Kòlosè 1:1

À ya mo Pɔl, wə̀dtɔm Kristo ne Ŋwiye chɔ̀ʼi tì Timotì ìwa ifi, mba bəd Yeso Kristo tì ŋwàʼri àŋwàʼrì azo̰.

1 Tèsàlonikà 1:1

À ya mo Pɔl tì Sayilàs fɔrɔ Timotì ŋwàʼri àŋwàʼrì azo̰. Tì ya ŋwàʼrà anìŋ inən, mbə̰ ifeti bəd Kristo we a Tèsàlonikà. Mbə̰ ya ifeti bəd Ŋwiye ne yaʼi ìwa Mbaʼ. Mbə̰ ya bə̀ bəd Anɔŋisəg Yeso Kristo. Ŋwiye ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

1 Tèsàlonikà 3:2

Ane, Tì ya chà Timotì ne yaʼi ìwa ifi bə̀ yaʼ wə̀d àfàʼì Ŋwiye ne bə̀ fàʼà icheg ina ni chètì ikən chɔm imbə̀ʼ Kristo, gha wì yeʼe nə̀ri awən, ghì ìwən ibḛfiŋ we təm kà.

1 Tèsàlonikà 3:6

Timotì chere pè abɔ̀ʼ ina icheg ne wì nɔ̀ʼi abɔ̀ʼ inən. Wè ghà inug chɔm ina imbə̀ʼ ìwən ibḛfiŋ fɔrɔ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi. Wì bə̀ mə̀tì icheg ne mbə̰ mbe kɔ̀ndɔ awa bə̀ wènde ìmba inug chɔm. Wè mə̀ti icheg ne mbə̰ mbe kə̀bə̀ ni bàd awa icheg ne mba mbe bə̀ kə̀bə̀ ni bàd awən.

2 Tès 1:1

À ya mo Pɔl ŋwàʼri àŋwàʼrì azo̰. Mə we aŋa tì Sayilàs fɔrɔ Timotì. Mə ŋwàʼrì anìŋ inən, mbə̰ bəd Kristo mbe ne yaʼi inga ifeti we a Tèsàlonikà. Mbə̰ ya bəd Ŋwiye ne yaʼi ìwa Mbaʼ fɔrɔ bəd Anɔŋisəg Yeso Kristo.

1 Timotì 1:18

Mə nàʼ tikə ìto̰ ine àghò Timotì, ìmə ŋwan icheg ne Azwighi Ŋwiye ya nàʼi ika abə bəd Kristo mbi ghàm inug mbo̰ imbə̀ʼ awe. Àghò mə ghì inug mbo̰, àghò we tì àghò zɔŋ chè, təm kà ane ìwe ibḛfiŋ igun Kristo.

1 Timotì 1:2

Mə ŋwàʼrì anìŋ ine àghò Timotì ìmə ŋwan chɔm icheg ne tì nɔŋi ibḛfiŋ igun Kristo. Ŋwiye ne yaʼi Mbaʼ fɔrɔ Yeso Kristo ìwa Anɔŋisəg ghiyə ìchɔ̀mì ine, bə̀ chwi àsɔ̀mnəfiŋ ine, bə̀ ghì àghò chughi ane àbɔrɔ̀bɔd.

2 Timotì 1:2

Mə ŋwàʼri anìŋ ine àghò Timotì ìmə ŋwan ne mə̀ taŋ kɔ̀ŋ. Ŋwiye ne yaʼi Mbaʼ fɔrɔ Yeso Kristo, ìwa Anɔŋisəg ghiyə ìchɔ̀mì ine bə̀ chwi àsɔ̀mnəfiŋ igun ine bə̀ ghì àghò chughi ane àbɔrɔ̀bɔd.

2 Timotì 1:5

Mə wèndi icheg ne ìwe ibḛfiŋ yaʼi kwàʼ ìwi tesiʼ. À ya iku ibḛfiŋ ne ìwe ngɔb kyen Loyìs fɔrɔ ìwe ngɔb Unìs ya bèri. Mə kyèri kwàʼ tesiʼ gha à ya bə̀ kwàʼ iku ibḛfiŋ we ne àghò bèri.

2 Timotì 3:11

Àghò kyèri icheg ne bəd yaya chɔ̀ʼɔ ìmbum ibɔʼì ighog, bə̀ kyèri icheg ne bəd yaya chə amə. Àghò kyèri tiku inug ijìm ne mbi ghi inum inga Antìyɔ̀g, tì a Ìkonìyùm fɔrɔ a Listrà. Àghò kyèri icheg ne bəd ya chɔʼri ìmbum ibɔʼì ighog mə bə̀ kiri nyiʼ fìŋ. Bəd ya jiʼì ghì inug mbo̰ ijìm inum, si ya gha, Anɔŋisəg ya chì amə inga nyùmə̀ ngəʼ ìto̰ tijìm.

Filemɔ̀n 1:1

À ya mo Pɔl, ne mə̀ yaʼi wə̀d ndəŋ anjìm Yeso Kristo fɔrɔ ìwa ifi Timotì tì ŋwàʼri àŋwàʼrì azo̰. Tì ŋwàʼrì anìŋ ine àghò Filemɔ̀n, ne yaʼi ìwa ìsə̀ʼ ne tì kɔŋi bə̀ ywìrì yaʼ wə̀d àfàʼì Kristo abɔ̀ʼ ina.

Mə̀Hibrù 13:23

Mbə̀ kyeri gha mbi fə chì Timotì ìwa ifi inga nəb ndəŋ . Wì mə zàmbì yèʼe, nji mə biri yeʼe tì məd ni bàd awən.