Ɨ̀fàʼì 15:9 - Ikan feg

⁹ Chəyi wì ghi gha icha yaʼ igun ina tì inɔb. À ya imbə̀ʼ icheg ne mbi bḛ Yeso ne wì sò ìtɔb fìŋ.

Meta’

⁹ Chəi wɨ̀ nyaʼa ghɨ ni ɨkwepɨ jwɨ əkaʼ na mbɨ mɨ̀mə̌d. Ɨchî nɨ mbɨ nyaʼa ben ə Kristo, wɨ̀ nyaʼa bə̀ waʼ ɨnû rɨbɔ̀ŋ mɨ̀mə̌d.

Ɨ̀fàʼì 15:9 교차 참조

Ɨ̀fàʼì 10:15

Gì ze ya ywìrì ghà ibo gha, “Imbə̀ʼ àghò kàra awe aghi ne Ŋwiye fə so ane aghi ne chəyi ze zḛ.”

Ɨ̀fàʼì 10:28

Wì ya ghà inɔb gha, “Mbə̰ taŋ kyèri àzən aghi gha chəyi ìmba mə̀nɔ̀ʼɔ̀ chwi gha Ju jəgri kə̀ bì mùg tì wə̀d ne kayi Ju. Si ya gha, Ŋwiye fə chwi inum gha imbə̀ʼ mə kara amə wə̀d mɔ̀ʼɔ gha chəyi wì zḛ, kə̀ gha à ya wə̀d ne chəyi bəd beri ni jəgri tì məd.

Ɨ̀fàʼì 10:34

Pità ya ko ghàm abə bəd mbe inga nəb Kònilìyùs gha, “Amad anìŋ, mə kyèri kwàʼ tesiʼ gha chəyi Ŋwiye we ghìyə̀ ighə.

Ɨ̀fàʼì 11:12

Azwighi Ŋwiye ya ghà inum gha imbə̀ʼ mə si nɔ̀ʼ ndàrà ni ghò abɔ̀ʼ inɔb. Məfi mbo̰ tìfughə ya bə̀ fɔrɔ ghò tì inum. Tì ya pè nyi inga nəb ìzi wə̀d we ne ya tɔmi bəd mbe.

Ɨ̀fàʼì 14:1

Pɔl tì Bànabàs ya ghò a Ìkonìyùm, chè ghò nyi inga ichamì Ŋwiye mə̀Ju we ne yaʼi angu icheg ne mbi yaya nḛ ghò. Mbi ya ghàm Ìngam Ŋwiye inga ichamì Ŋwiye we ane icheg ne ya ghì gha mə̀Ju nɔʼ nɔʼ tì bəd nɔʼ nɔʼ ne kayi mə̀Ju mbe bḛ Kristo.

Ɨ̀fàʼì 14:27

Anyumə̀ ne mbi ya pe a Antìyɔ̀g, mbi ya feti bəd Kristo məjìm, ghà inug ijìm mbe ne Ŋwiye ya ghi anjìm inɔb bə̀ ghà icheg ne wì ya fìʼì inɔnjì abə bəd mbe ne kayi mə̀Ju gha mbe nɔŋi ibḛfiŋ igun Kristo.

Rm 3:22

Ŋwiye fə ghì gha bəd məjìm mbe ne nɔŋi ibḛfiŋ igun Yeso Kristo mbe təm kòʼ ibo imbìghè. Wì ghì ane imbə̀ʼ icheg ne chəyi məd we ghìyə̀ ighə igun bəd.

Rm 3:9

Tì kə ywiri si ghà gha ane inug mbo̰ ijìm? Àkə ane ikuchèg weg ne mba mə̀Ju to bɔ̀ŋ chè bəd ne kayi mə̀Ju? Chəyi ka imbə̀ʼ icheg ne mə nèn gha bəd məjìm mbe aton ika inug tibɔ̀ŋ ne chəyi tì mbi bu, mə̀Ju fɔrɔ bəd ne kayi mə̀Ju.

Rm 9:24

Mba ya bəd mbe ne məd chɔʼi; kayi məyi inga mə̀Ju, à ya fɔrɔ inga bəd ne kayi mə̀Ju.

1 Kɔrèn 1:2

Tì ya ŋwàʼrà anìŋ abə ifeti bəd Ŋwiye we ne yaʼi a Kɔrèn. Ŋwiye ghì mbi zen icheg ne mbi yaʼi ane ifɔti tì Kristo. Ŋwiye ya bə̀ kàrì awɔb ni gha mbe yaʼ ìmbi bəd. Tì ya bə̀ ŋwàʼrà anìŋ abə bəd məjìm ne ghùmnə Anɔŋisəg Yeso Kristo inga isəg ijìm. Məd ya Anɔŋisəg inɔb fɔrɔ ina.

1 Kɔrèn 7:18

Wə̀d ne mbi fə ŋwed aməd bɔŋ Ŋwiye ya se kàrà aməd, imbə̀ʼ wì kə̀bə̀ yi ni chì ineni ne chwìye gha mbi fə ŋwed aməd. Wə̀d ne chəyi mbi ya ŋweri aməd bɔŋ Ŋwiye ya se kàrà aməd, imbə̀ʼ wì kə̀bə̀ yi anug ni gha mbe ŋwed aməd.

Gàlesìyà 3:28

Ane, chəyi ywìrè yi ikɔpi mɔ̀ʼɔ ane mə̀Ju tì bəd ne kayi mə̀Ju; Kə̀ ifeg tì wə̀d ne kayi ifeg. Chəyi ikɔpi mɔ̀ʼɔ ane mbaŋà kə̀ mə̀yi. Mbə̰ məjìm ya si bəd imɔʼ icheg ne mbə fə se ane anug amɔʼ tì Yeso Kristo.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Efesùs 3:6

Anug ze ne yaʼi inə̀mbi ya gha, anjìm ikən chɔm, bəd mbe ne kayi mə̀Ju fə si mbe àjəgnəb abɔ̀ʼ mə̀Ju. Mbɔb ya si isiŋi nyɔd ane nyàmnyɔd imɔʼ tì mə̀Ju. Mbɔb fə bə̀ bèrì àzɔb tì aba ane anug ze ne Ŋwiye ya che anjìm Yeso Kristo kàʼ.

Kòlosè 3:11

Ane, mbə̰ ya si bəd imɔʼ amad anìŋ. Chəyi ywìrè yi icha mɔ̀ʼɔ ane mə̀Ju tì bəd ne kayi mə̀Ju, kə̀ ane bəd ne mbi ŋweri tì bəd ne chəyi mbi ŋweri. Chəyi ywìrè yi wə̀d mɔ̀ʼɔ ne tì mbi kàrì ane wə̀dnàb kə̀ wə̀d ne yaʼi izimi. Chəyi ywìrè yi ifeg kə̀ wə̀d ne yaʼi yi ane ìwi ighəm. Tiku bəd ìto̰ tijìm ya se ane anug amɔʼ icheg ne mbi yaʼi ane ifɔti tì Kristo imbə̀ʼ icheg ne à ya məd beri aku bəd azo̰ ajìm.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.