Ɨ̀fàʼì 15:8 - Ikan feg

⁸ Ane, Ŋwiye ne kyeri fìŋ abə bəd məjìm fə chwi gha zìye fə bə̀ chɔʼ awɔb icheg ne we bə̀ nàʼà àzi Azwighi inɔb kwàʼ icheg ne wì ya bə nàʼ ina.

Meta’

⁸ Əne Ŋwìə̀ we nɨ kyerɨ fîŋ rɨ bə̂d mɨjìm nyaʼa chwi ni tə fə chɔʼɔ mɨ̀mə̌d ɨchî nɨ wɨ̀ nyaʼa naʼ Əzwî ə Zeŋɨ əmbɨ mɨ̀mə̌d àmei ɨchî nɨ wɨ̀ nyaʼa bə̀ naʼ ɨ na.

Ɨ̀fàʼì 15:8 교차 참조

Jn 21:17

Wì ya ywìrì bìri ibo ane ighə̀m ne pè ane itad gha, “Sayimùn, ŋwan Jɔn, àghò kɔ̀ŋ amə?” Pità ya gaŋ gha Yeso ywìrì bìri ane ighə̀m ne pè ane itad gha, “Àghò kɔ̀ŋ amə?” Wì ya si ywìtì gha, “Anɔŋisəg, àghò kyèri inug ijìm. Àghò kyèri gha mə kɔ̀ŋ awe.” Yeso ya bə̀ si ghà ibo gha, “Àghò jə ìtum njə̀g

Jn 5:37

Ìmə Mbaʼ we ne ya cha amə, Wì fə ghàm tesiʼ imbə̀ʼ amə. Chəyi mbə kweʼì zug gì məd kə kweʼì bàd icheg ne məd yaʼi.

Ɨ̀fàʼì 1:24

Mbɔb ya si chàʼra Ŋwiye gha, “Anɔŋisəg, àghò kyèri fìŋ abə wə̀d ijìm. Chwi wə̀d ne àghò chɔ̀ʼi inga mbaŋà ìto̰ tibe

Ɨ̀fàʼì 10:47

“Wə̀d ne tì wì ton gha imbə̀ʼ tì naʼa awa mənib abə bəd mbo̰ ne Azwighi Ŋwiye fə yeʼe igun inɔb kwàʼ icheg ne ze ya bə yeʼe igun ina, àkə we?”

Ɨ̀fàʼì 14:3

Pɔl tì Bànabàs ya chughi angu ane nyumə̀ mɔ̀ʼɔ se ghàmà ìngam Anɔŋisəg ane fìŋ ka ka. Ane, Anɔŋisəg ya chwi gha ìngam we ne mbɔb yaya ghàmà imbə̀ʼ ìchɔ̀mì məd ya anug tesiʼ icheg ne wì ya ghi gha mbe faʼa inug yeti yeti.

Ɨ̀fàʼì 15:28

Azwighi Ŋwiye fə ghì tì taŋ kyèri gha, ze bɔ̀ŋ gha imbə̀ʼ tì ziye awa inug ndəŋ igun inən chèyi ane mbo̰ ne mbə̀ beri ni fàʼ.

Ɨ̀fàʼì 2:4

Azwighi Ŋwiye ya sweg inga inɔb mbɔb məjìm. Ane, mbi ya si ko se ghàmà tìngam iben ndəŋ icheg ne Azwighi Ŋwiye yaya nàʼà ika inɔb.

Ɨ̀fàʼì 4:31

Anyumə̀ ne mbi ya chàʼra Ŋwiye mànì, asiŋi ze ne mbɔb ya fete angu ya ghùd. Azwighi Ŋwiye ya sweg inga inɔb mbɔb məjìm, mbɔb se chètè Ìngam Ŋwiye ne chəyi mbe ywìrè bɔ.

Mə̀Hibrù 2:4

Ŋwiye zìye ini ya chwi ineni nɔʼ nɔʼ bə̀ fàʼ iyeti inug kyen kyen ni chwi gha inug ijìm mbe ne mbɔb yaya ghà ya tesiʼ. Ane, Azwighi Ŋwiye yaya bə̀ ghàpà tineʼi abə bəd icheg ne Ŋwiye kɔ̀ŋi.

Mə̀Hibrù 4:13

Chəyi aghi mɔ̀ʼɔ igun isəg ne chəyi tì Ŋwiye bad. Ighi ijìm ya asaŋ imbìghè abə Ŋwiye we ne tì biri təm ibo imbìghè ni mə̀tì inug ijìm mbe ne tì yaya fàʼà.

Ɨnû 2:23

Mə biri zweti bəd məd. Tifeti bəd Kristo tijìm biri kyeri gha mo ya wə̀d ne kyèʼrè tikɔndi bəd bə̀ kyèʼrè ìtɔb fìŋ. Mə biri nàʼ chùd abə wə̀d imɔʼ imɔʼ abɔ̀ʼ inən ane inug mbe ne wə̀d we ghìyə̀.