Ɨ̀fàʼì 14:21 - Ikan feg

²¹ Anyumə̀ ne Pɔl tì Bànabàs yaya gha ikən chɔm we a Debè, mbi ya ghì bəd nɔʼ nɔʼ bə̀ŋə̀ si yaʼ bəd Kristo. Mbi ya ghì ane, bə̀ndì ghò a Listrà fɔrɔ a Ìkonìyùm bə̀ fɔrɔ a Antìyɔ̀g.

Meta’

²¹ Ənɨ Pɔ̂l mbɨ Banabàs nyaʼa ghà ɨkə̂n chɔ̀m we ə Də̂be, mbɨ nyaʼa beŋ bə̂d mɨ̀nɔnɔʼ ənɨ ə bə̂d nɨə beenɨ əbɔʼ ə Kristo. Mbɨ nyaʼa ghɨ əne, bə̀ndɨ̀ wò ə Listrà fɔrɨ ə Ɨkoniùm bə̀ fɔrɨ ə Antiɔ̀k.

Ɨ̀fàʼì 14:21 교차 참조

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

Ɨ̀fàʼì 13:14

Mbi ya nɔ̀ʼ a Pegà ghò a Antìyɔ̀g we ne yaʼi inga aba aben ze a Pìsidìyà. Ane aneg àzwètì mə̀Ju ya pe, mbi ya ghò nyi inga ichamì Ŋwiye mə̀Ju chùghi aseg.

Ɨ̀fàʼì 13:51

Bɔŋ Pɔl tì Bànabàs ya se dùwə̀ ghò mbɔb ya kùtì agwi ane ìmbɔb ighog ni pati awɔb gha mbe bəŋi fìŋ. Anyumə̀ ne mbi ya ghi ane, mbi ya nɔ̀ʼ ghò a Ìkonìyùm.

Ɨ̀fàʼì 14:1

Pɔl tì Bànabàs ya ghò a Ìkonìyùm, chè ghò nyi inga ichamì Ŋwiye mə̀Ju we ne yaʼi angu icheg ne mbi yaya nḛ ghò. Mbi ya ghàm Ìngam Ŋwiye inga ichamì Ŋwiye we ane icheg ne ya ghì gha mə̀Ju nɔʼ nɔʼ tì bəd nɔʼ nɔʼ ne kayi mə̀Ju mbe bḛ Kristo.

Ɨ̀fàʼì 14:15

“Bəd mbo̰! Aton ne mbə̰ mbe ghìyə̀ inug mbo̰ ina anìŋ àkə gha? Mba ya bəd-aku icheg inən. Tì fə yèʼe tì ikən chɔm inən gha mbə̀ saŋa ighi ako mbo̰ bèni abɔ̀ʼ Ŋwiye we ne yaʼi izɔm. À ya məd ya tangi ikaŋ fɔrɔ ìseg bə̀ tàngi tìbà bə̀ tàngi fɔrɔ ighi ijìm mbe ne yaʼi inga inɔb.

Ɨ̀fàʼì 14:19

Mə̀ju mɔ̀ʼɔ ya nɔ̀ʼ a Antìyɔ̀g, mə̀mbin nɔ̀ʼ a Ìkonìyùm, mbi yeʼe a Listrà. Mbi ya pè to atog abə tinɔ̰ bəd te gha mbe beni abɔ̀ʼ inɔb. Ane, mbi ya tumbi Pɔl ane ateg. Mbi ya kɔndi gha wì fə ku, mbi sùŋì aməd inga ikye aben Listrà chà isəg.

Ɨ̀fàʼì 14:26

Mbi ya nɔ̀ʼ a Àtalìyà ghò nyi abaŋ igyi bàni bə̀ndì ghò a Antìyɔ̀g. Antìyɔ̀g ya asiŋi ze ne mbi ya bì chàʼra Ŋwiye igun inɔb gha wì ghiyə ìchɔ̀mì inɔb mbɔb gho chètì ikən chɔm. À ya àfàʼì ze ne mbi nɔ̀ʼi angu anìŋ ni mànì.

Ɨ̀fàʼì 14:6

Ane, anyumə̀ ne bədtɔm mbe ya zughi anug ne mbi yaya chùʼrə imbə̀ʼ awɔb, mbi ya nòrò ghò a Listrà fɔrɔ a Debè, ne ya isiŋi inga aba aben ze a Làyìkonìyà. Mbi ya bə̀ nòrò ghò fɔrɔ inga isiŋi mbe ne yaʼi iban iban.

Ɨ̀fàʼì 14:7

Mbi ya pè angu chètì ikən chɔm imbə̀ʼ Anɔŋisəg Yeso.

Ɨ̀fàʼì 14:8

Mbaŋà mɔ̀ʼɔ ya yaʼ Listrà ne ya buʼrə. Nɔ̀ʼ ane nyumə̀ ne mbi ya gwi aməd, chəyi wì ya kə kweʼì yèn.

Ɨ̀fàʼì 15:36

Nyumə̀ mɔ̀ʼɔ ya chè, Pɔl ghà abə Bànabàs gha, “Tì bəndə ghò mùg tì ìmba məfi mbe ne yaʼi inga isiŋi mbe ne tì ya ghàmi ìngam Anɔŋisəg angu, bə̀ pè nḛ gha mbɔb mbe iye.”

Ɨ̀fàʼì 16:2

Bəd mbe ne ya bḛ Kristo a Listrà fɔrɔ a Ìkonìyùm yaya ghà inug chɔm imbə̀ʼ Timotì.

Ɨ̀fàʼì 2:47

Mbi yaya fɔ̀tɔ ghùmnə Ŋwiye. Wə̀d ijìm yaya kɔ̀ŋɔ̀ awɔb. Ineg ijìm, Anɔŋisəg yaya yètè bəd inga ìwɔb inɔn. Bəd mbo̰ ya bəd mbe ne Ŋwiye yaya pùmnə anjìm icheg ne mbi bḛ Yeso Kristo.

2 Timotì 3:11

Àghò kyèri icheg ne bəd yaya chɔ̀ʼɔ ìmbum ibɔʼì ighog, bə̀ kyèri icheg ne bəd yaya chə amə. Àghò kyèri tiku inug ijìm ne mbi ghi inum inga Antìyɔ̀g, tì a Ìkonìyùm fɔrɔ a Listrà. Àghò kyèri icheg ne bəd ya chɔʼri ìmbum ibɔʼì ighog mə bə̀ kiri nyiʼ fìŋ. Bəd ya jiʼì ghì inug mbo̰ ijìm inum, si ya gha, Anɔŋisəg ya chì amə inga nyùmə̀ ngəʼ ìto̰ tijìm.