Ɨ̀fàʼì 14:1 - Ikan feg

¹ Pɔl tì Bànabàs ya ghò a Ìkonìyùm, chè ghò nyi inga ichamì Ŋwiye mə̀Ju we ne yaʼi angu icheg ne mbi yaya nḛ ghò. Mbi ya ghàm Ìngam Ŋwiye inga ichamì Ŋwiye we ane icheg ne ya ghì gha mə̀Ju nɔʼ nɔʼ tì bəd nɔʼ nɔʼ ne kayi mə̀Ju mbe bḛ Kristo.

Meta’

¹ Pɔ̂l mbɨ Banabàs nyaʼa wò ə Ikoniùm chè wò nyɨ ɨŋga nəb ə̀kàtɨ̀ mɨ̀Jû ze nɨ nyaʼa əŋgu. Mbɨ nyaʼa ghà ɨŋgam Ŋwiə̀ ɨŋga nəb ə̀kàtɨ̀ ze ənɨ ɨnə̂njɨ̀ nɨ mɨ̀Jû nɔnɔʼ mbɨ ə bə̂d mɨ̀nɔnɔʼ mbe nɨ ka mbɨ yɨə nyaʼə mɨ̀Jû nyaʼa ben ɨŋgam we.

Ɨ̀fàʼì 14:1 교차 참조

Mk 7:26

Àyi we ya wə̀d a Gris, si ya gha, mbi ya gwi aməd inga Sàyìròfònisìyà. Wì ya ghò gɔ̀m itog inwḭ mbe ane, boʼ ibo abə Yeso gha wì kamni azwighi tibɔ̀ŋ ze chì inga ŋwan məd.

Jn 12:20

Bəd mɔ̀ʼɔ ne kayi mə̀Ju ya yaʼ abɔ̀ʼ bəd mbe ne ya gho a Jèrusalèm ni ghumni Ŋwiye ane nyùmə̀ we ne mbi yaya jə̀ghə Iteri Chègun.

Jn 7:35

Itog bəd mə̀Ju ya se ghàmà mbɔb mbɔb gha, “Asiŋi ze ne mbe gho̰ biri ghò angu ne tì biri kə̀b aməd tèkan àkə aya? Ighəm mɔ̀ʼɔ wì biri ghò yi abɔ̀ʼ ìmba bəd mbe ne saka ghò inga aben mə̀Grig ni chwiti inug inɔb.”

Ɨ̀fàʼì 11:21

Anɔŋisəg ya nàʼ ika inɔb mbi ghì iyeti inug bəd bàd. Ane, bəd nɔʼ nɔʼ a Antìyɔ̀g ya bḛ ikən chɔm we si nɔ̀ŋì fìŋ igun Anɔŋisəg Yeso.

Ɨ̀fàʼì 13:43

Anyumə̀ ne bəd məjìm inga ichamì Ŋwiye we ya fə sàka, mə̀Ju nɔʼ nɔʼ tì bəd ndəŋ abɔ̀ʼ bəd mbe ne ya bə̀ŋi fìŋ bèni abɔ̀ʼ anug Ŋwiye mə̀Ju ya beni abɔ̀ʼ Pɔl tì Bànabàs. Ane, Pɔl tì Bànabàs ya ghàm tì inɔb bə̀ nə̀ri awɔb gha mbe che imbìghè ni nɔ̀ŋì fìŋ igun Ŋwiye we ne ghìyə̀ ìchɔ̀mì inɔb.

Ɨ̀fàʼì 13:46

Anyumə̀ ne mbi ya gha ane, Pɔl tì Bànabàs ya ywìtì inɔb ane fìŋ ka ka gha, “Ze kə̀ kòʼ gha tì bi ghà Ìngam Ŋwiye gho̰ inən. Icheg ne mbə̀ to̰ awən ìngam gho̰ bə̀ niŋ ìwən nyɔd ane bəd ne chəyi mbi koʼi ni jəg ìtḛ̀ ighə̀m imɔʼ, tè fə sàŋì awən se ghò ni ghà abə bəd mbe ne kayi mə̀Ju.

Ɨ̀fàʼì 13:5

Anyumə̀ ne mbi ya pe a Sàlamìs, mbi ya ghàm Ìngam Ŋwiye inga məchamì Ŋwiye mə̀Ju. Mbi ya yaʼ angu tì Jɔn Mag ne yaya wètè awɔb.

Ɨ̀fàʼì 13:51

Bɔŋ Pɔl tì Bànabàs ya se dùwə̀ ghò mbɔb ya kùtì agwi ane ìmbɔb ighog ni pati awɔb gha mbe bəŋi fìŋ. Anyumə̀ ne mbi ya ghi ane, mbi ya nɔ̀ʼ ghò a Ìkonìyùm.

Ɨ̀fàʼì 14:19

Mə̀ju mɔ̀ʼɔ ya nɔ̀ʼ a Antìyɔ̀g, mə̀mbin nɔ̀ʼ a Ìkonìyùm, mbi yeʼe a Listrà. Mbi ya pè to atog abə tinɔ̰ bəd te gha mbe beni abɔ̀ʼ inɔb. Ane, mbi ya tumbi Pɔl ane ateg. Mbi ya kɔndi gha wì fə ku, mbi sùŋì aməd inga ikye aben Listrà chà isəg.

Ɨ̀fàʼì 14:2

Si ya gha, mə̀Ju mbe ne chəyi mbi ya bḛ Kristo ya to atog abə bəd mbe ne kayi mə̀Ju, chìkì ìtɔb fìŋ, mbi ko se pàbà bəd mbe ne ya bḛ Kristo.

Ɨ̀fàʼì 14:21

Anyumə̀ ne Pɔl tì Bànabàs yaya gha ikən chɔm we a Debè, mbi ya ghì bəd nɔʼ nɔʼ bə̀ŋə̀ si yaʼ bəd Kristo. Mbi ya ghì ane, bə̀ndì ghò a Listrà fɔrɔ a Ìkonìyùm bə̀ fɔrɔ a Antìyɔ̀g.

Ɨ̀fàʼì 16:1

Pɔl ya ghò pè a Debè fɔrɔ a Listrà. Mbaŋà mɔ̀ʼɔ ne ya bḛ Kristo ya yaʼ angu ne ikum məd ya Timotì. Ngɔb Timotì ya àyi Ju ne ya bḛ Kristo. Àsi mbaʼ ìwi Timotì ya wə̀d a Gris.

Ɨ̀fàʼì 16:2

Bəd mbe ne ya bḛ Kristo a Listrà fɔrɔ a Ìkonìyùm yaya ghà inug chɔm imbə̀ʼ Timotì.

Ɨ̀fàʼì 17:12

Ane, mbɔb nɔʼ nɔʼ ya bḛ Kristo. Mə̀yi kyen kyen ne kayi mə̀Ju fɔrɔ mbaŋà mɔ̀ʼɔ ne kayi mə̀Ju ya bə̀ bḛ Kristo.

Ɨ̀fàʼì 17:17

Ane, wì ya nɔ̀ʼ ghò inga ichamì Ŋwiye mə̀Ju. Wì ya pè se tòʼrò Ìngam Ŋwiye abə mə̀Ju fɔrɔ abə bəd mbe ne kayi mə̀Ju ne ghùmnə Ŋwiye, gha mbe taŋ kyèri anug ne we ghà. Ineg ijìm, məd yaya bə̀ ghò chùghə aseg inga isiŋi iywin tòʼrò Ìngam Ŋwiye abə bəd ne wì kɔ̀ti angu.

Ɨ̀fàʼì 17:4

Bəd mɔ̀ʼɔ abɔ̀ʼ mə̀Ju mbe ne ya zughi ìngam we bḛ, ya beni abɔ̀ʼ Pɔl tì Sayilàs. Bəd nɔʼ nɔʼ mɔ̀ʼɔ a Gris ne ghùmnə Ŋwiye fɔrɔ mə̀yi kyen kyen mɔ̀ʼɔ ya bə̀ bèni abɔ̀ʼ inɔb.

Ɨ̀fàʼì 18:4

Wì yaya tòʼrò inug abə mə̀Ju inga ichamì Ŋwiye igun ineg àzwètì mə̀Ju ijìm. Wì ya ghì ane fìʼì itog abə mə̀Ju fɔrɔ abə bəd mbe ne ya bḛ Kristo ne mbɔb kayi mə̀Ju.

Ɨ̀fàʼì 18:8

Krispòs ne ya yaʼi atog wə̀d inga ichamì Ŋwiye we fɔrɔ bəd məjìm mbe ne ya yaʼi ibo inga nəb ya bḛ Anɔŋisəg Yeso. Bəd nɔʼ nɔʼ a Kɔrèn ya zug anug ze ne Pɔl yaya ghà. Ane, mbi ya bḛ Anɔŋisəg Yeso bə̀ niŋ mənib.

Ɨ̀fàʼì 19:10

Wì ya chwiti inug inɔb ane tituʼ tibe. Ane, mə̀Ju məjìm fɔrɔ bəd məjìm ne kayi mə̀Ju ne yaya chùghə inga aba aben Esìyà ya zug ìngam Anɔŋisəg.

Ɨ̀fàʼì 19:17

Mə̀Ju məjìm fɔrɔ bəd ne kayi mə̀Ju ne yaya chùghə a Efesùs ya zug anug azo̰, ibɔ gwì awɔb. Mbɔb yaya se taŋà ghùmnə Anɔŋisəg Yeso.

Ɨ̀fàʼì 19:8

Pɔl ya ghò nyi inga ichamì Ŋwiye se ghàmà abə bəd kwàʼ ane fìŋ ka ka. Wì yaya ghàmà ane ane aməg atad. Wì yaya tòʼrò inug mbi taŋ zḛ ghìyə̀ gha mbe kyeri gha anug ìfɔ̀n Ŋwiye ya anug tesiʼ.

Ɨ̀fàʼì 2:47

Mbi yaya fɔ̀tɔ ghùmnə Ŋwiye. Wə̀d ijìm yaya kɔ̀ŋɔ̀ awɔb. Ineg ijìm, Anɔŋisəg yaya yètè bəd inga ìwɔb inɔn. Bəd mbo̰ ya bəd mbe ne Ŋwiye yaya pùmnə anjìm icheg ne mbi bḛ Yeso Kristo.

Ɨ̀fàʼì 20:21

Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

Ɨ̀fàʼì 21:28

Mbi yaya se kyḛ tɔ̀ŋɔ bəd gha, “Mə̀Izre! Mbə̀ ziye abo wètì awa. Aŋa ya wə̀d we ne yḛ̀ nè chwìte inug abə bəd isiŋi ijìm gha, bəd se bà̰ mə̀Izre bə̀ bà̰ mə̀nɔ̀ʼɔ̀ Muse bə̀ bà̰ fɔrɔ mbàn Ŋwiye izo̰. Məd bə̀ ywìrì niŋ bəd ne kayi mə̀Ju nyi inga mbàn Ŋwiye, chìkì asiŋi ìzḛzḛ azo̰.”

Ɨ̀fàʼì 9:20

Wì ya nɔ̀ʼ witì chìkì nyumə̀, ghò inga məchamì Ŋwiye mbe ne yaʼi inga asiŋi ze, pè ko se ghàmà Ìngam Ŋwiye imbə̀ʼ Kristo. Wì yaya ghà gha, “Yeso ya Ŋwan Ŋwiye.”

Rm 1:16

Chəyi mə bèrè tìnìrètog imbə̀ʼ ikən chɔm gho̰ ka; à ya ika Ŋwiye we ne pùmnə bəd məjìm ne nɔŋi ibḛfiŋ igun məd. Ikən chɔm gho̰ ya bì yaʼ abə mə̀Ju bɔŋ bəd ne kayi mə̀Ju.

Rm 10:12

Aton ya gha, chəyi icha mɔ̀ʼɔ inga mə̀Ju tì bəd ne kayi mə̀Ju. Anɔŋisəg ya məyi imɔʼ igun bəd məjìm. Məd we tùwə̀ àbɔrɔ̀bɔd igun wə̀d ijìm ne kàrà aməd.

Gàlesìyà 2:3

Ka bèyi Tayitùs ne ya wə̀d a Gris ne ya yaʼi abɔ̀ʼ inum, chəyi mbi ya bi gha mbi mənyìʼ ŋwed aməd.

Gàlesìyà 3:28

Ane, chəyi ywìrè yi ikɔpi mɔ̀ʼɔ ane mə̀Ju tì bəd ne kayi mə̀Ju; Kə̀ ifeg tì wə̀d ne kayi ifeg. Chəyi ikɔpi mɔ̀ʼɔ ane mbaŋà kə̀ mə̀yi. Mbə̰ məjìm ya si bəd imɔʼ icheg ne mbə fə se ane anug amɔʼ tì Yeso Kristo.

Kòlosè 3:11

Ane, mbə̰ ya si bəd imɔʼ amad anìŋ. Chəyi ywìrè yi icha mɔ̀ʼɔ ane mə̀Ju tì bəd ne kayi mə̀Ju, kə̀ ane bəd ne mbi ŋweri tì bəd ne chəyi mbi ŋweri. Chəyi ywìrè yi wə̀d mɔ̀ʼɔ ne tì mbi kàrì ane wə̀dnàb kə̀ wə̀d ne yaʼi izimi. Chəyi ywìrè yi ifeg kə̀ wə̀d ne yaʼi yi ane ìwi ighəm. Tiku bəd ìto̰ tijìm ya se ane anug amɔʼ icheg ne mbi yaʼi ane ifɔti tì Kristo imbə̀ʼ icheg ne à ya məd beri aku bəd azo̰ ajìm.

2 Timotì 3:11

Àghò kyèri icheg ne bəd yaya chɔ̀ʼɔ ìmbum ibɔʼì ighog, bə̀ kyèri icheg ne bəd yaya chə amə. Àghò kyèri tiku inug ijìm ne mbi ghi inum inga Antìyɔ̀g, tì a Ìkonìyùm fɔrɔ a Listrà. Àghò kyèri icheg ne bəd ya chɔʼri ìmbum ibɔʼì ighog mə bə̀ kiri nyiʼ fìŋ. Bəd ya jiʼì ghì inug mbo̰ ijìm inum, si ya gha, Anɔŋisəg ya chì amə inga nyùmə̀ ngəʼ ìto̰ tijìm.