Ɨ̀fàʼì 13:23 - Ikan feg

²³ Abɔ̀ʼ bɔn ane aghaŋ inəbi Dèvid gho̰, Ŋwiye fə chɔʼ Yeso ane Wə̀d ne pùmnə mə̀Izre, icheg ne wì ya fə kàʼi.

Meta’

²³ Tɨ əbɔʼ ə bɔn tɨ ənɨ əghaŋ ə Dèvîd, Ŋwìə̀ fə chɔʼ ə Yeso ənɨ wə̀d nɨ bɨrɨ chɨ mɨ̀Izre rəŋgəʼ, ɨchî nɨ wɨ̀ nyaʼa fə kaʼi.

Ɨ̀fàʼì 13:23 교차 참조

Matìyò 1:1

Aŋa ya iwaŋ inəbi ìwi Yeso Kristo ŋwan ifɔn Dèvid ni ko ane Abràham:

Matìyò 1:21

Məd biri gwi ŋwan mbaŋà. Ikum ne àghò biri chùb ibo ya Yeso imbə̀ʼ icheg ne wì biri chì ìmbi bəd inga ìmbɔb inug tibɔ̀ŋ.”

Matìyò 21:9

Inɔ̰ bəd we ne yaya ghò imbìghè abə Yeso tì inɔ̰ bəd we ne yaya bène ibo anjìm, yaya yḛ̀ nè kyḛ ghà gha, “Tì ghumni Ŋwan ifɔn Dèvid! Ŋwiye ziye àbɔrɔ̀bɔd igun wə̀d we ne yèʼe ane ikum Anɔŋisəg! Tì ghumni Ŋwiye we ne yaʼi ikaŋ àbɔ̀ŋɔ!”

Matìyò 22:42

“Mbə̀ kə kɔ̀ndɔ gha imbə̀ʼ Wə̀d we ne Ŋwiye zɔ̀ʼi? Məd kə ŋwan we?” Mbi ya ywìtì gha, “À ya ŋwan inga inəbi ifɔn Dèvid.”

Lk 1:69

Məd fə nàʼ wə̀d ne beri ika ne pùmnə awa, Tengàŋ ya ŋwan ane aghaŋ inəbi ifɔn Dèvid, ne ya wə̀d àfàʼì Ŋwiye.

Jn 4:42

Mbi ya si ghà abə àyi we gha, “Chəyi tì nɔ̀ŋì ibḛfiŋ igun məd məyi imbə̀ʼ anug ne àghò gha ina. Tì fə zug kwàʼ ane ìmba ìtɔ̀ŋi. Tì bə̀ kyèri gha wə̀d gho̰ ya kwàʼ Wə̀d we ne pùmnə bəd igun isəg.”

Jn 7:42

Imbə̀ʼ Àŋwàʼrì Ŋwiye gha Wə̀d we ne Ŋwiye zɔ̀ʼi biri yaʼ wə̀d inga inəbi ifɔn Dèvid, ne nɔ̀ʼi a Betèlèhem, asiŋi ze ne mbi ya gwi ifɔn Dèvid angu?”

Ɨ̀fàʼì 13:32

Ane, tì fə yeʼe tì ikən chɔm inən gha, anug ze ne Ŋwiye ya kàʼi abə ìmba mə̀mbaʼ aneg,

Ɨ̀fàʼì 2:30

Icheg ne ifɔn Dèvid ya yaʼi wə̀dkə̀n Ŋwiye, wì ya kyeri gha, Ŋwiye ya fə kàʼ bə̀ zɔ̀m ane ìwi ikum gha zìye biri nɔ̀ŋì ŋwan ane aghaŋ inəbi Dèvid gha wì jəg atən ifɔn Dèvid.

Ɨ̀fàʼì 3:26

Ŋwiye ya chɔʼ ìwi wə̀d àfàʼì bì chà aməd inən gha wì ziye àbɔrɔ̀bɔd igun inən icheg ne we ghìyə̀ mbə̰ bə̀ŋə̀ ìtən fìŋ chìyè ane inug tibɔ̀ŋ.”

Ɨ̀fàʼì 4:12

Chəyi wə̀d mɔ̀ʼɔ ndəŋ ne tì wì pùmni bəd imbə̀ʼ icheg ne chəyi ikum ndəŋ ywìrè igun isəg ne Ŋwiye nàʼi abə bəd ne tì tì karì wì pùmni awa.”

Rm 1:3

Ikən chɔm gho̰ ya imbə̀ʼ Ŋwan məd. Icheg wə̀d-aku, mbi ya gwi aməd inga inəbi fɔn Dèvid.

Rm 11:26

Aŋa ya inɔnjì ne mə̀Izre məjìm biri ghum chè angu pum. Àŋwàʼrì Ŋwiye gha, “Wə̀d we ne biri pumni bəd biri ghum dù inga aben Zayɔ̀n. Wì biri chì tiku inug tibɔ̀ŋ tijìm igun aghaŋ inəbi Jàkɔb.

Tayitùs 1:4

Mə ŋwàʼrì anìŋ ine àghò Tayitùs. Àghò ya ìmə ŋwan tesiʼ ane ibḛfiŋ we ne tì beri inga Kristo. Ŋwiye ne yaʼi Mbaʼ tì Yeso Kristo ne ya chi awa inga ngəʼ, wì ghiyə ìchɔ̀mì ine bə̀ ghì àghò chughi ane àbɔrɔ̀bɔd.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

2 Pità 1:11

Ane, Ŋwiye biri nàʼ ika ijìm inən ni nyi inga anug ìfɔ̀n ighə̀m imɔʼ àzi ìwa Anɔŋisəg Yeso Kristo ne pùmnə awa.

2 Pità 2:20

Àmə yaʼ aghi ne mbɔb ya du inga tika inug tibɔ̀ŋ te inga isəg icheg ne mbɔb ya bḛ ìwa Anɔŋisəg Yeso Kristo ne pùmnə awa, ywìrì kiri gho nyi inga inug mbe, nji inug tibɔ̀ŋ biri fə chìkì awɔb mbi bə chè icheg ne mbi ya bi yaʼ a mbègtog.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.

2 Pità 3:2

Mə kə̀b gha mbə̀ wendi ìngam we ne bədkə̀n Ŋwiye ìzḛzḛ mbe te aneg ya ghàmi. Mə bə̀ kə̀b gha mbə̀ bə wèndi mə̀nɔ̀ʼɔ̀ mbe ne Anɔŋisəg ne pùmnə bəd ya ghi ìmbən bədtɔm nàʼ inən.

1 Jɔn 4:14

Tè fə bàd, tì ya anìŋ bə̀ nè chètè gha, Ŋwiye ne yaʼi ìwa Mbaʼ ya chà ìwi Ŋwan gha wì yeʼe pùmni bəd igun isəg.

Jûd 1:25

Tè ghumni aməd we imɔʼ ne yaʼi Ŋwiye, ne bə̀ yaʼi wə̀d ne pùmnə awa anjìm ìwa Anɔŋisəg Yeso Kristo. Ighumni tì anug ìfɔ̀n kyen tì ika fɔrɔ anug ni tùmbi ighi ijìm ya ibo ikye abo. Ighi mbo̰ ijìm ya yi ìmbi məd nɔ̀ʼ ane nyùmə̀ isəg we ne fə che, fɔrɔ amad anìŋ, fɔrɔ ane ighə̀m imɔʼ. À ya ane.

Ɨnû 22:16

Mo Yeso, mə chà ìmə angirə̀ gha wì chete inug mbo̰ inən inga tifeti bəd Ŋwiye. Mo ya aghaŋ inga inəbi ifɔn Dèvid. Mo ya icheg Fitəm-məg fe ne zùʼə ane achəg ituʼ.