Ɨ̀fàʼì 10:23 - Ikan feg

²³ Pità ya zug ane, niŋ mbaŋà te mbɔb fɔrɔ neg. Àsi isu abɔ̀ʼ, Pità ya nɔ̀ʼ ghò abɔ̀ʼ inɔb. Bəd mɔ̀ʼɔ abɔ̀ʼ bəd mbe ne ya bḛ Kristo a Jopà ya ghò tì Pità.

Meta’

²³ Pità nyaʼa zu əne, tɔŋ mbaŋə̀ te ni mbɨ yeʼe ni mbɨ ni. À nyaʼa əni ze nɨ beenɨ, Pità nyaʼa nɔ̀ʼ wò mbɨ mɨ̀mə̌d. Bə̂d mɔʼɔ mbe nɨ nyaʼa ben ə Kristo ə Jopà nyaʼa bə̀ wò mbɨ məd.

Ɨ̀fàʼì 10:23 교차 참조

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

Ɨ̀fàʼì 10:29

Ane, anyumə̀ ne mbə̀ kə tɔmi bəd inum, chəyi mə̀ kə to̰ ni yeʼe. Si mə biri inən, aton ne mbə̀ kàri amə aŋa àkə gha?”

Ɨ̀fàʼì 10:33

Mə ya zug ane, tɔm bəd kwàʼ ati ati gha mbe yeʼe kàrì awe. Àghò fə ghì anug ne bɔŋi icheg ne àghò yèʼe. Tì ya anìŋ imbìghè abə Ŋwiye mba məjìm ni zug anug ze ne Anɔŋisəg gha ine gha àghò gha ina.”

Ɨ̀fàʼì 10:45

Anug ze ya chè mə̀Ju mbe ne ya bḛ Kristo, ne ya bə nɔ̀ʼ a Jopà bèni abɔ̀ʼ Pità. Mbi ya yeti imbə̀ʼ icheg ne mbi ya bàd gha Ŋwiye fə bə̀ nàʼ ineʼi we ne yaʼi Azwighi Ŋwiye abə bəd mbe ne kayi mə̀Ju.

Ɨ̀fàʼì 11:12

Azwighi Ŋwiye ya ghà inum gha imbə̀ʼ mə si nɔ̀ʼ ndàrà ni ghò abɔ̀ʼ inɔb. Məfi mbo̰ tìfughə ya bə̀ fɔrɔ ghò tì inum. Tì ya pè nyi inga nəb ìzi wə̀d we ne ya tɔmi bəd mbe.

Ɨ̀fàʼì 28:15

Anyumə̀ ne bəd mbe ne ya bḛ Kristo a Rom ya zughi gha tì we yèʼe, mbi ya nɔ̀ʼ inga iben Forùm a Apìyùs bə̀ nɔ̀ʼ inga Nəb Àwètì te Titad yèʼe kɔ̀ti awa. Anyumə̀ ne Pɔl ya bàri awɔb, wì ya nàʼ məyakà abə Ŋwiye. Ane, fìŋ məd ya ywìrì zùtì.

Ɨ̀fàʼì 9:36

Anyumə̀ we ne Pità ya yaʼi a Lidà, àyi mɔ̀ʼɔ ne ya bḛ Kristo yaya chùghə a Jopà. Ikum məd ya Tàbità. Ikum məd ane ìngam Grig ya Dòkas. Wì yaya ghìyə̀ inug chɔm bə̀ wètè bəd ne chəyi àzɔb.

Ɨ̀fàʼì 9:38

Lidà ya asiŋi ne yaʼi iban Jopà. Anyumə̀ ne bəd mbe ne ya bḛ Kristo ya zughi gha Pità we a Lidà, mbi ya tɔm mbaŋà mɔ̀ʼɔ tibe gha mbe gho abə Pità, pè boʼ ibo gha, “Ìwa ifi, zàmba yèʼe ina a Jopà.”

Ɨ̀fàʼì 9:42

Bəd ya chètì anug ze inga isiŋi ijìm inga Jopà. Ane, bəd nɔʼ nɔʼ ya bḛ Anɔŋisəg.

2 Kɔrèn 8:21

Aton ya gha tì we chè inga ngəʼ ni fàʼ anug ne koʼi imbìghè abə Anɔŋisəg fɔrɔ abə bəd ijìm.

Mə̀Hibrù 13:2

Imbə̀ʼ mbə̰ waʼ awən anug ni ya nìŋə bəd tìsɔ̀ʼ inga ìmbən ichan. À ya ane ne bəd mɔ̀ʼɔ ya ghi, niŋ mbè angirə̀ inga ìtɔb nəb ne chəyi mbi ya kyeri gha à ya mbè angirə̀.

1 Pità 4:9

Mbə̀ niŋ bəd inga ìmbən ichan ane fìŋ ifibì.