Yeso ya ghà inɔb gha, “Mbə̰ biri zən iku ngəʼ ze ne mə̀ biri zən, si ya gha, kayi àmə ati ni chɔʼ wə̀d ne biri chughi ane àmə aba abo jəghi kə̀ wə̀d ne biri chughi ane àmə aba abo təŋ. Iti mbo̰ ya ìmbi bəd mbe ne ìmə Mbaʼ ya fə chuʼri nɔ̀ŋì inɔb.”
Yeso ya chè imbìghè ghà abə mə̀mə̀nənùg məd gha, “Chəyi wə̀d mɔ̀ʼɔ ne kyeri aneg ze kə̀ nyùmə̀ we ne inug mbo̰ biri dù, ka bèyi mbè angirə̀ ikaŋ àbɔ̀ŋɔ kə̀ Ŋwan. À ya məyi Mbaʼ məd kyeri aneg ze.
Si ya gha, kayi àmə ati ni chɔʼ wə̀d ne biri chughi ane àmə abo jəghi kə̀ wə̀d ne biri chughi ane àmə abo təŋ. Iti mbe ya abə bəd mbe ne Ŋwiye ya fə tangi nɔ̀ŋì inɔb.”
Yeso ya chè imbìghè ghà inɔn gha, “Chəyi wə̀d mɔ̀ʼɔ kyeri aneg ze kə̀ nyùmə̀ we ne inug mbo̰ biri dù, ka bèyi mbè angirə̀ mbe ne yaʼi ikaŋ kə̀ bə̀ Ŋwan. À ya məyi Mbaʼ tèzìʼì wì kyèri.
Mbi biri zweti mə̀Ju mɔ̀ʼɔ ane məbeg ibid, bə̀ gwìtì ìmbi mɔ̀ʼɔ ane məfeg ghò inga iben ndəŋ. Bəd ne kayi mə̀Ju biri se tùmbə̀ Jèrusalèm anene nyùmə̀ we ne Ŋwiye ya nɔŋi gha bəd ne kayi mə̀Ju saʼ isəg ghum mèg.”
Wì ya ko ane wə̀d imɔʼ tàngi bəd məjìm inga iben ijìm mbe ne yaʼi inga isəg gho̰. À ya məd ghì bəd yaʼ inga iben ijìm igun isəg. Məd ya fə bì nɔ̀ŋì nyumə̀ abə bəd məjìm fɔrɔ isiŋi ne bəd biri chughi.
Wì ya chuʼri inug mbe nɔ̀ŋì ni ghì gha ane nyumə̀ kòʼi, Kristo biri yaʼ atog igun ighi ijìm ne Ŋwiye tàngi, kə̀ àkə ighi ne yaʼi ikaŋ àbɔ̀ŋɔ kə̀ ighi ne yaʼi igun isəg.
Nyùmə̀ mə kòʼ, Ŋwiye we ne bəd mbe ghùmnə biri ghì Kristo yèʼe. À ya məyi məd yaʼi Atumbisəg ne yaʼi Ifɔn abə məfɔn bə̀ yaʼ Anɔŋisəg abə itog bəd ijìm.
