Ɨ̀fàʼì 1:16 - Ikan feg

¹⁶ Wì ya ghà inɔb gha, “Ìmbum məfi fɔrɔ ìtum njàbi, Ìngam Ŋwiye we ne Azwighi Ŋwiye ya ghi ifɔn Dèvid ŋwàʼrì kwàʼ aneg aneg imbə̀ʼ Judàs we ne ya fḛ Yeso abə bəd mbe ne ya gwìye Yeso fə dù ane tesiʼ.

Meta’

¹⁶ “Mbɨ bɔŋgɔb, ɨŋgam Ŋwiə̀ we nɨ Əzwî ə Zeŋɨ ə nyaʼa fə be ghɨ̀ ɨfɔ̂n Dèvîd ghà, ə berɨ jwɨ̀ ənɨ rəsìʼ de ə Judàs we nɨ nyaʼa chwi ɨnə̂njɨ̀ əmbɨ ə bə̂d mbe nɨ nyaʼa gywɨ ə Yeso.

Ɨ̀fàʼì 1:16 교차 참조

Matìyò 26:14

Wə̀d mɔ̀ʼɔ abɔ̀ʼ mə̀mə̀nənùg ìmbi Yeso mbe ìghum chɔ̀b ibe ne ikum məd ya Judàs Ikarìyɔ̀d ya ghò abə itog bəd mbàn Ŋwiye.

Matìyò 26:47

Icheg ne Yeso yaya kiri ghamà, Judàs we ne ya yaʼi wə̀d mɔ̀ʼɔ abɔ̀ʼ mə̀mə̀nənùg məd mbe ìghum chɔ̀b ibe ya pè. Inɔ̰ bəd yaya yḛ̀ abɔ̀ʼ Judàs tì tibeg ibid fɔrɔ mboʼ. À ya itog bəd mbàn Ŋwiye fɔrɔ itog bəd inga aben ya cha awɔb.

Matìyò 26:54

À ya məyi gha mə mə̀ ghì ane, nji Ìngam Ŋwiye we ne gha inug mbo̰ mənyìʼ dù anìŋ kə ywìri si dù ane tesiʼ iye?”

Matìyò 26:56

Inug mbo̰ ijìm fə dù ni chwi gha inug ijìm ne bədkə̀n Ŋwiye ya gha mbe duwə ane tesiʼ.” Anyumə̀ ne Yeso ya ghà ane, mə̀mə̀nənùg məd məjìm ya nòrò awɔb sàŋì aməd.

Mk 12:36

Azwighi Ŋwiye ya ghì Dèvid ghà zìye gha, Anɔŋisəg ya ghà abə ìmə Anɔŋisəg gha, Chughi inum aba abo jəghi, pè ane nyùmə̀ ne mə̀ biri nɔ̀ŋì ìmbe bəd ìpàb ine aton ighog.”

Mk 14:43

Icheg ne Yeso yaya kiri ghamà, Judàs ne ya wə̀d abɔ̀ʼ mə̀mə̀nənùg mbe ìghum chɔ̀b ibe ya yèʼe. Wì yaya yḛ̀ tì inɔ̰ bəd ne ya nyimi tibeg ibid bə̀ nyimi tìmbàŋì. À yaya itog bəd mbàn Ŋwiye tì mə̀chwitì mə̀nɔ̀ʼɔ̀ fɔrɔ bəd kyen mbe inga aben ya tɔmi awɔb.

Lk 22:47

Anyumə̀ ne Yeso yaya kiri ghamà, inɔ̰ bəd ya yeʼe. Wə̀d ne yaya yḛ̀ inɔb imbìghè ya wə̀d mɔ̀ʼɔ abɔ̀ʼ mə̀mə̀nənùg mbe ìghum chɔ̀b ibe ne ikum məd ya Judàs Ikarìyɔ̀d. Wì ya kɔʼri yèʼe imbìghè ni nyɔŋ ndə̀ʼ abə Yeso.

Jn 10:35

Tè kyèri gha, anug ne Àŋwàʼrì Ŋwiye gha, à ya tesiʼ ne chəyi tì wə̀d chɔ̀ʼri. Ane, Ŋwiye ya kàrì bəd mbe ne ya zugri ìngam məd ane mə̀ŋwiye.

Jn 13:18

Yeso ya tòʼrì inɔb gha, “Chəyi mə̀ gha inug mbo̰ anìŋ, imbə̀ʼ awən mbə̰ məjìm. Mə kyèri bəd mbe ne mə fə chɔʼi. Si ya gha, anug ze ne yaʼi inga Àŋwàʼrì Ŋwiye biri dù ane tesiʼ. Anug ze ya gha, ‹Wə̀d we ne jə̀ghə tì inum fə bə̀ŋə̀ ane ìmə wə̀d pab.›

Jn 17:12

Anyumə̀ ne mə̀ ya yaʼi tì inɔb, mə yaya kyèʼrè awɔb bə̀ kə̀ndə awɔb ane ika we ne yaʼi ane ikum, ikum we ne àghò nàʼi inum. Chəyi wə̀d mɔ̀ʼɔ imɔʼ abɔ̀ʼ inɔb ne nimi. À ya məyi wə̀d we ne ze ya fə chwi gha wì biri nim, ni ghì ghà anug ne yaʼi inga Àŋwàʼrì Ŋwiye ze duwə ane tesiʼ.”

Jn 19:36

Inug mbo̰ ya du ni ghì gha, anug ze ne mbi ya ŋwàʼri inga Àŋwàʼrì Ŋwiye duwə ane tesiʼ gha, “Chəyi mbi biri buʼ awu məd mɔ̀ʼɔ ka amɔʼ.”

Ɨ̀fàʼì 1:20

Pità ya ghàm ane si gha, “A ze inga Àŋwàʼrì Mə̀Sam gha, ‹Kwàʼ nəb məd chughi ìzi zɔbi! Imbə̀ʼ wə̀d mɔ̀ʼɔ nɔ̀ʼ chùghə yi inga nəb məd.› Wì ya bə̀ ywìrì gha: ‹Kwàʼ ineg məd aŋa igun isəg mbe kə! Wə̀d ndəŋ niŋ àfàʼì məd.›

Ɨ̀fàʼì 13:15

Anyumə̀ ne bəd mbe angu ya fə fɔŋi Ìngam Ŋwiye inga àŋwàʼrì mə̀nɔ̀ʼɔ̀ Muse, bə̀ fɔŋ inga àŋwàʼrì bədkə̀n Ŋwiye, itog bəd mbe inga ichamì Ŋwiye we ya chà ikən abə Pɔl tì Bànabàs gha, “Ìmba məfi, mbə̰ mə̀ bèrì ìngam mɔ̀ʼɔ ni nəri awa, mbə ghà ina.”

Ɨ̀fàʼì 13:38

Ìmbum məfi fɔrɔ ìtum njàbi, icheg ne ze yaʼi anìŋ, anug ne mə̀ kəbi gha mbə̀ kyeri ya gha, Ŋwiye we chè anjìm Yeso wàʼa inug tibɔ̀ŋ bəd.

Ɨ̀fàʼì 15:13

Anyumə̀ ne mbi ya ghàmi mànì, Jem ya gha, “Ìmbum məfi, mbə̀ təm mə̀ ghama.

Ɨ̀fàʼì 15:7

Anyumə̀ ne mbi ya fə ghàmi ghò agha sà, Pità ya nɔ̀ʼ təm titighe, ghà inɔb gha, “Ìmbum məfi, mbə̰ kyèri àzən aghi gha, inga ineg mbe ne anug Kristo ya ko, Ŋwiye ya chɔʼ amə inga inən, chà amə gha mə gho ghà ikən chɔm gho̰ abə bəd ne kayi mə̀Ju, mbe zug bḛ.

Ɨ̀fàʼì 2:23

Ŋwiye ya fə kyeri àzi aghi, ane, wi ya fə nɔ̀ŋì gha mbi biri gwì Yeso gho̰ nàʼ inən. Mbə̰ biri ghì gha bəd mbe ne ghìyə̀ inug tibɔ̀ŋ mbe kɔmbɔ məd igun azed abaʼri, zwèti.

Ɨ̀fàʼì 2:37

Anyumə̀ ne bəd mbe ya zughi anug ze, ze ya nàʼ ngəʼ inɔb inga fìŋ, mbi si bìri abə Pità fɔrɔ abə mbin tì bədtɔm gha, “Ìmba məfi, ze kə anìŋ tì ghənə?”

Ɨ̀fàʼì 22:1

Pɔl ya ghà abə inɔ̰ bəd we gha, “Ìmbum məfi fɔrɔ ìmbum mə̀mbaʼ, mbə̀ zug anug ne mə̀ biri ghà inən imbìghè ni chì inug igun àmə atog.”

Ɨ̀fàʼì 23:1

Anyumə̀ ne Pɔl təmi imbìghè abə itog bəd mbe ne yaya sàʼa aben, wì ya nèn awɔb kwàʼ igun ìfe, ghà inɔb gha, “Məmbon, mə yaya fàʼà àmə àfàʼì abə Ŋwiye kwàʼ ane fìŋ zḛ zḛ kə̀ bèyi amad anìŋ.”

Ɨ̀fàʼì 23:6

Anyumə̀ ne Pɔl ya bàri gha, inga ifeti itog bəd ne yaya sàʼa aben, bəd mɔ̀ʼɔ ya mə̀Sadùsi, mə̀mbin ya mə̀Farìsi, wì ya gha, “Ìmbum məfi, mo ya Farìsi. Ìmə mbaʼ ya Farìsi. Mə ya itəmi adiŋi isaʼi aŋa anìŋ mbi saʼà mə imbə̀ʼ icheg ne mə bḛ gha, iwu bəd biri ghum zweme ane iwu.”

Ɨ̀fàʼì 28:17

Anyumə̀ ne ineg ya che itad, Pɔl ya kàrì itog bəd mə̀Ju. Anyumə̀ ne mbi ya fete, wì ya ghà inɔb gha, “Ìmbum məfi, ka chəyi mə̀ ya bi ghì anug tibɔ̀ŋ mɔ̀ʼɔ abə ìmba bəd, kə̀ bì ghà anug tibɔ̀ŋ mɔ̀ʼɔ imbə̀ʼ məcheg aben ìmba mə̀mbaʼ aneg, mbi ya gwì amə a Jèrusalèm zì inga tikye ibo abə məRom.

Ɨ̀fàʼì 28:25

Icheg ne chəyi mbɔb məjìm ya yaʼi ane ichug imɔʼ, mbi ya dù inga nəb Pɔl. Mbi ya dù anyumə̀ ne wì ya gha anug azo̰ amɔʼ inɔb gha, “Azwighi Ŋwiye ya kòʼ icheg ne ze ya che anjìm wə̀dkə̀n Ŋwiye Àzayà ghà abə ìmbən mə̀mbaʼ mbe aneg gha,

Ɨ̀fàʼì 7:2

Stifə̀n ya ywìtì gha, “Ìmbum məfi fɔrɔ ìmbum mə̀mbaʼ, mbə̀ zug! Ŋwiye we ne mba mbe ghùmnə ya dù imbìghè abə Abràham anyumə̀ ne wì ya kiri biri a Mèsòpòtemìyà, bɔŋ wì ya gho se chùghə a Haràn.

1 Pità 1:11

Mbi ya bə̀ taŋ nwèndi inug mbe ne Azwighi Kristo ne ya yaʼi inga inɔb ya gha imbə̀ʼ Yeso Kristo. Azwighi Kristo ya ghà inug imbə̀ʼ icheg ne Kristo beri ni zən ngəʼ si bèrì ighumni kyen anjìm. Mbi ya bə̀ taŋ nwèndi wə̀d we ne Azwighi Ŋwiye yaya ghà inug mbo̰ imbə̀ʼ aməd fɔrɔ nyùmə̀ we ne inug mbo̰ biri dù.

2 Pità 1:21

Chəyi wə̀d mɔ̀ʼɔ ne tì wì toʼrì imbə̀ʼ icheg ne chəyi ikən Ŋwiye mɔ̀ʼɔ ya yeʼe imbə̀ʼ icheg ne wə̀d-aku ya kə̀bi. À ya Azwighi Ŋwiye ya ghì gha bəd gha ikən Ŋwiye.

2 Pità 2:21

Ze ya bì bɔ̀ŋ gha nji chəyi mbɔb ya bì kyèri icheg ne wə̀d beri ni təm kòʼ, sɔ̀m ni kyeri ywìrì ton ni nɔ̀ŋì mə̀nɔ̀ʼɔ̀ ìzḛzḛ mbe ne mbi ya nàʼi inɔb.