Ɨ̀fàʼì 1:15 - Ikan feg

¹⁵ Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

Meta’

¹⁵ À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Ɨ̀fàʼì 1:15 교차 참조

Matìyò 13:31

Yeso ya ywìrì ghàm ìngam məgri ndəŋ abə mə̀mə̀nənùg məd gha, “Anug ìfɔ̀n ikaŋ ya icheg fitam azed mostàd ne wə̀d mɔ̀ʼɔ ya niŋi ghò nyɔ̀ʼ ibo a mben.

Lk 22:32

Si ya gha, mə fə chàʼra Ŋwiye imbə̀ʼ awe, àghò Sayimùn, gha imbə̀ʼ ìwe ibḛfiŋ nɔ̀ʼ bɔrɔ yi. Anyumə̀ ne àghò bəŋi fìŋ yeʼe abɔ̀ʼ inum, àghò ghìyə̀ ibḛfiŋ abə ìmbe məfi we təm kà.”

Jn 14:12

Mə gha tesiʼ inən gha, “Wə̀d ne nɔŋi ibḛfiŋ igun inum, tengàŋ biri fàʼ inug mbe ne mə fàʼà. Tengàŋ biri fàʼ iyeti inug ne chè mbo̰ imbə̀ʼ icheg ne mə̀ ya anìŋ ghò abə ìmə Mbaʼ.

Jn 21:23

Bəd ya chètè anug azo̰ anene bəd məjìm ne ya bḛ Yeso ya zug gha, chəyi àmə̀nənùg gho̰ biri ku. Si ya gha, kayi anug ne Yeso ya gha aze. Chəyi wì ya gha, chəyi wì biri ku. Wì ya gha, “Mə kə mə kə̀b gha wì chughi izɔm pè ane nyumə̀ ne mə̀ biri ywiri yeʼe, àze inga àkə aghə?”

Ɨ̀fàʼì 10:23

Pità ya zug ane, niŋ mbaŋà te mbɔb fɔrɔ neg. Àsi isu abɔ̀ʼ, Pità ya nɔ̀ʼ ghò abɔ̀ʼ inɔb. Bəd mɔ̀ʼɔ abɔ̀ʼ bəd mbe ne ya bḛ Kristo a Jopà ya ghò tì Pità.

Ɨ̀fàʼì 11:1

Bədtɔm ìmbi Yeso tì bəd mbe a Jùdeyà ne ya nɔŋi ìwɔb ibḛfiŋ igun Yeso ya zug gha bəd ne kayi mə̀Ju fə bə̀ bḛ Ìngam Ŋwiye.

Ɨ̀fàʼì 11:12

Azwighi Ŋwiye ya ghà inum gha imbə̀ʼ mə si nɔ̀ʼ ndàrà ni ghò abɔ̀ʼ inɔb. Məfi mbo̰ tìfughə ya bə̀ fɔrɔ ghò tì inum. Tì ya pè nyi inga nəb ìzi wə̀d we ne ya tɔmi bəd mbe.

Ɨ̀fàʼì 11:26

Anyumə̀ ne wì ya bàri aməd, wì ya niŋ aməd yèʼe a Antìyɔ̀g. Ane, Bànabàs tì Sɔl yaya nyìme ifeti tì inɔ̰ bəd Kristo we, chwìte inug inɔb anene fituʼ ifibì chuʼ. À ya a Antìyɔ̀g ne mbi ya ko ni kàrì mə̀mə̀nənùg ane bəd Kristo.

Ɨ̀fàʼì 11:29

Mə̀mə̀nənùg ya niŋ isɔbi anug ni nàʼ àwètì abə bəd mbe ne yaya chùghə a Jùdeyà ne ya nɔŋi ìwɔb ibḛfiŋ igun Yeso Kristo. Wə̀d imɔʼ imɔʼ ya nàʼ ighi icheg ne wì ya bèri.

Ɨ̀fàʼì 12:17

Anyumə̀ ne mbi ya bàri aməd ane, Pità məʼ abo inɔb gha mbe chim tizi. Wì ya si mə̀tì icheg ne Anɔŋisəg ya cha angirə̀ wì chi aməd a ndəŋ. Wì ya ghà inɔb gha, “Mbə̀ mətə anug azo̰ abə Jem fɔrɔ abə mbin tì bəd Kristo.” Wì ya ghàm ane, si nɔ̀ʼ ghò yi a asiŋi ndəŋ.

Ɨ̀fàʼì 14:2

Si ya gha, mə̀Ju mbe ne chəyi mbi ya bḛ Kristo ya to atog abə bəd mbe ne kayi mə̀Ju, chìkì ìtɔb fìŋ, mbi ko se pàbà bəd mbe ne ya bḛ Kristo.

Ɨ̀fàʼì 15:1

Bəd mɔ̀ʼɔ ya nɔ̀ʼ a Jùdeyà swìʼi ghò a Antìyɔ̀g. Mbi ya pè se chwìte inug abə bəd Kristo gha, “Àmə chəyi mbi ŋwed awən icheg ne mə̀nɔ̀ʼɔ̀ Muse gha, chəyi mbə̀ biri pum.”

Ɨ̀fàʼì 15:3

Ifeti bəd Kristo ya chà awɔb ane, mbi nɔ̀ʼ ko ghò. Mbi ya chè inga Fònisìyà fɔrɔ inga Sàmarìyà. Mbi ya chè angu ane, nè ghà inɔb gha, bəd ne kayi mə̀Ju fə bḛ Kristo. Anug azo̰ ya ghì bəd Kristo məjìm se taŋ gyènde.

Ɨ̀fàʼì 16:2

Bəd mbe ne ya bḛ Kristo a Listrà fɔrɔ a Ìkonìyùm yaya ghà inug chɔm imbə̀ʼ Timotì.

Ɨ̀fàʼì 16:40

Anyumə̀ ne Pɔl tì Sayilàs ya du inga nəb ndəŋ ze, mbi ya ghò inga achan Lidiyà. Mbi ya pè bàd bəd mbe ne ya bḛ Kristo, nə̀ri fìŋ inɔb, si nɔ̀ʼ ghò awɔb.

Ɨ̀fàʼì 17:10

Àsi tizimi, bəd Tèsàlonikà mbe ne ya bḛ Kristo ya niŋ Pɔl tì Sayilàs chà a Bèriyà. Anyumə̀ ne mbi ya pè angu, mbi ya ghò inga ichamì Ŋwiye mə̀Ju.

Ɨ̀fàʼì 17:14

Kwàʼ ati ati, bəd mbe ne ya bḛ Kristo inga Bèriyà ya chà bəd gha mbe niŋ Pɔl ghò chà aməd iban igyi tìbà. Si ya gha, Sayilàs tì Timotì ya si tèn a Bèriyà.

Ɨ̀fàʼì 17:6

Si ya gha, chəyi mbi ya bàri awɔb. Icheg ne chəyi mbi ya bàri awɔb, mbi ya gwì Jasòn fɔrɔ bəd mɔ̀ʼɔ ne ya nɔŋi ìwɔb ibḛfiŋ igun Kristo niŋ nè sìmè ghò abə itog bəd mbe ne sàʼa aben. Anyumə̀ ne mbi pè angu, mbi ya kyen kwàʼ ane gì ka ka gha, “Bəd mbo̰ ne tɔ̀bɔ̀ isiŋi inga iben ijìm, mbɔb mbo̰ fə se aŋa.

Ɨ̀fàʼì 18:18

Pɔl ya ywìrì chùghi à Kɔrèn ane ineg mɔ̀ʼɔ. Anyumə̀ ne wì ya màni a angu, wì ya sàŋì bəd mbe ne ya bḛ Kristo, niŋ Prìsilà tì Àkwilà mbi nyi inga abaŋ igyi bàni ghò à Sirìyà. Bɔŋ mbi ya se nɔ̀ʼɔ̀ à Sènkreyà, wì ya fə seri atog icheg ne wì ya fə bḛ abə Ŋwiye.

Ɨ̀fàʼì 18:27

Anyumə̀ ne Àpolòs ya kə̀bi ni ghò a Akìyà, bəd Kristo mbe a Efesùs ya nəri aməd. Mbi ya ŋwàʼrì àŋwàʼrì mɔ̀ʼɔ chà abə bəd Kristo mbe a Akìyà gha mbe niŋ aməd kwàʼ icheg chɔm. Anyumə̀ ne wì ya pè angu, wì ya taŋ wètì bəd mbe ne Ŋwiye ya ghi ìchɔ̀mì inɔb ni gha mbe bḛ Kristo.

Ɨ̀fàʼì 21:17

Anyumə̀ ne tì ya pe a Jèrusalèm, ìmba məfi mbe ne tì yaʼi ane ifɔti tì Kristo, ya niŋ awa kwàʼ ane igyendi.

Ɨ̀fàʼì 21:20

Anyumə̀ ne mbi ya zughi inug mbe ne Pɔl ya gha inɔb, mbi ya ghumni Ŋwiye, si ghà abə Pɔl gha, “Ìwa ifi, àghò bàd icheg ne mə̀Ju ka chuʼ sə̀ʼə fə bḛ Kristo bə̀ zì atog ni nɔ̀ŋì mə̀nɔ̀ʼɔ̀ Muse.

Ɨ̀fàʼì 21:7

Tì ya nɔ̀ʼ a Tayì chè imbìghè ghò a Tòlemè. Anyumə̀ ne tì ya pè angu, tì ya chàʼrì ìmba məfi mbe ne tì yaʼi ane ifɔti tì Kristo. Tì ya bə̀ chùghi abɔ̀ʼ inɔb ane aneg afibì.

Ɨ̀fàʼì 22:5

Atog wə̀d igun bəd mbàn Ŋwiye tì bəd mbe ne sàʼa aben məjìm, mbe kyèri gha anug azo̰ ne mə ghà inən ya anug tesiʼ. Mə ya niŋ ìŋwàʼrì inɔb ni ghò nàʼ abə mə̀Ju mbe ne yaʼi a Dàmaskòs. Ane, mə̀ ya ghò angu ni gwìtì bəd Kristo, si kɔd niŋ yèʼe a Jèrusalèm gha mbe chə awɔb.”

Ɨ̀fàʼì 28:14

Tì ya pè angu, bàd bəd ne ya bḛ Kristo. Mbi ya kàrì awa gha tì chughi tì inɔb ineg ìsàmbe. Aŋa ya icheg ne tì ya gho pè a Rom.

1 Kɔrèn 15:6

Ane nyùmə̀ ndəŋ, wì ya bə̀ dù ìwi ìfe abə bəd Kristo ndəŋ ne che che ane aki ata̰ kwàʼ ighəm fìbì. Bəd ndan ndàn abɔ̀ʼ bəd mbo̰ kiri biri izɔm, ka mbi mɔ̀ʼɔ fə ku.

Ɨnû 11:13

Kwàʼ anyumə̀ we, ìseg ya ghùd kwàʼ ane ika. Aba amɔʼ inga iba ìghum ane aben kyen ze ya sùyə̀. Bəd chuʼ ìsàmbe ya ku icheg ne isiŋi ya wùri sùyə̀. Àbùʼì bəd ze ne ya pumi yaya se bìnde nàʼà ighumni abə Ŋwiyekɔʼ ne yaʼi ikaŋ àbɔ̀ŋɔ.

Ɨnû 3:4

Si ya gha, bəd Kristo mɔ̀ʼɔ iki piʼì mbe a Sadìs ne chəyi mbi kiri kɔpi ìwɔb ikuchèg. Mbi biri zì ndwi fu fu se yḛ̀ tì inum imbə̀ʼ icheg ne mbe taŋ kòʼ ni ghì ane.