Gàlesìyà 4:4 - Ikan feg

⁴ Si ya gha, anyumə̀ ne nyùmə̀ ya kòʼi, Ŋwiye ya chà Ŋwan məd ina. Mbi ya gwi Ŋwan məd gho̰ kwàʼ icheg ne mə̀yi mbe gwìye bɔn. Wì ya bə̀ kweg aton mə̀nɔ̀ʼɔ̀ Muse,

Meta’

⁴ Àyɨə ənɨ ə nyùmə̀ nyaʼa fə kuʼu, Ŋwìə̀ nyaʼa tom i Wan. Mbɨ nyaʼa gywɨ əməd ɨghabɨ ə wə̀d mɨ̀sɔŋɨchù. Wɨ̀ nyaʼa bə̀ kwi ɨŋga rɨ̀kə̌,

Gàlesìyà 4:4 교차 참조

Matìyò 1:23

Wì ya gha, “Mbə̀ nḛ, ŋwan àyi ne chəyi wì kiri kyeri mbaŋà biri bɔŋ ibum gwi ŋwan mbaŋà ne mbi biri kàrì aməd ane Ìmanuwè.” Aton ane ikum gho̰ ya gha “Ŋwiye we abɔ̀ʼ ina”.

Matìyò 3:15

Yeso ya ywìtì ibo gha, “Si ze yaʼ ane amad anìŋ imbə̀ʼ icheg ne ze kòʼ gha tì ghiyə inug ijìm icheg ne Ŋwiye kə̀bi.” Anyumə̀ ne wì ya gha ane, Jɔn ya zug bḛ, si nàʼ mənib ibo.

Matìyò 5:17

Yeso ya chè imbìghè gha, “Imbə̀ʼ mbə̰ kɔndɔ awən gha mə fə yeʼe ni nimni Mə̀nɔ̀ʼɔ̀ Muse bə̀ nimni inug mbe ne bədkə̀n Ŋwiye ya ŋwàʼri. Chəyi mə̀ yeʼe ni nimni inug mbo̰ ka. Mə yèʼe ni ghì gha inug mbo̰ ijìm mbe duwə ane tesiʼ.

Mk 1:15

Wì yaya gha, “Nyùmə̀ fə kòʼ. Anug ìfɔ̀n Ŋwiye fə tinde. Mbə̀ bəŋə ìtən fìŋ, bḛ ikən chɔm gho̰.”

Lk 1:31

Nḛ! Àghò biri bɔ̀ŋ ibum, gwi ŋwan mbaŋà, chùb aməd ane Yeso.

Lk 1:35

Angirə̀ ya ywìtì ibo gha, “Azwighi Ŋwiye biri yeʼe igun ine. Ika Ŋwiyekɔʼ biri bə kəndi awe. Ane, bəd biri se kàrà ŋwan ìzḛzḛ gho̰ ne àghò biri gwi, ane Ŋwan Ŋwiye.

Lk 2:7

Wì ya fɔ̀d ŋwan mbaŋà, nib ane iba ndwi, zì inga fikuʼì ne mbe jə nyam icheg ne chəyi atog nəb mɔ̀ʼɔ ya yaʼi inɔb ni chughi inga.

Lk 20:44

Ifɔn Dèvid ya kàrì aməd ane ‹Anɔŋisəg›, məd kə ywìri yaʼ ŋwan məd iye?

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 10:36

Àsi mo, ìmə Mbaʼ ya zɔʼ amə chà igun isəg. Mbə̀ kə si chè iye se gha, mə zɔ̀mbɔ̀ Ŋwiye icheg ne mə gha, ‹Mo ya Ŋwan Ŋwiye›?

Jn 3:16

Ŋwiye ya taŋ kɔ̀ŋ bəd məjìm igun isəg, ane chà ìwi Ŋwan we ne ya məyi imɔʼ gha wə̀d ijìm ne nɔŋi ìwi ibḛfiŋ igun məd, chəyi wì biri ku nim. Wì biri jəg ìtḛ̀ ighə̀m imɔʼ.

Jn 6:38

Aton ya gha, mə nɔ̀ʼ ikaŋ àbɔ̀ŋɔ yeʼe ni fàʼ inug mbe ne wə̀d we ne cha amə wì kə̀bi. Chəyi mə̀ yèʼe ni fàʼ yaʼ inug ne mə̀ kəbi.

Jn 8:42

Yeso ya ghà inɔb gha, “Àkə aghi ne Ŋwiye yaʼi ìwən Mbaʼ, nji mbə̰ mbe kɔ̀ŋɔ̀ amə imbə̀ʼ icheg ne mə nɔ̀ʼ yaʼ abɔ̀ʼ Ŋwiye yèʼe aŋa. Chəyi mə̀ yeʼe ane ìmə ighəm. À ya məd cha amə.

Ɨ̀fàʼì 1:7

Wì ya ywìtì inɔb gha, “Kayi àzən ati ni kyeri nyumə̀ fɔrɔ aneg ne Ŋwiye fə nɔ̀ŋì ane ìwi ika ni fàʼ inug.

Rm 1:3

Ikən chɔm gho̰ ya imbə̀ʼ Ŋwan məd. Icheg wə̀d-aku, mbi ya gwi aməd inga inəbi fɔn Dèvid.

Rm 15:8

Mə ya anìŋ ghà inən gha, Kristo ya bə̀ŋə ane wə̀d àfàʼì abə mə̀Ju ni chwiti gha Ŋwiye we ghìyə̀ inug mbe wì ya kàʼi abə ìmbɔb mə̀mbaʼ te aneg.

Rm 5:6

Anyumə̀ ne nyùmə̀ Ŋwiye ya kòʼi, Yeso Kristo ya ku atog abə bəd mbe ne chəyi mbe ghùmnə Ŋwiye. Anyumə̀ we chəyi tì ya kiri beri ika.

Rm 8:3

Anug ne Ŋwiye fàʼi ya anug ne chəyi tì mə̀nɔ̀ʼɔ̀ ya fàʼ imbə̀ʼ icheg ne inug mbe ne wə̀d we ghə̀ʼrə̀ fə ghì wə̀d bɔd. Wì fə chì ika we ne inug tibɔ̀ŋ beri igun bəd icheg ne wì cha ìwi Ŋwan wì yèʼe igun isəg icheg wə̀d inug tibɔ̀ŋ pè nàʼ àzi atog ane aghi àfàtì imbə̀ʼ inug tibɔ̀ŋ bəd ndəŋ.

Rm 9:5

Mbɔb ya bəd inga inəbi mə̀mbaʼ mbe te aneg. Mbi ya gwi Wə̀d we ne Ŋwiye zɔ̀ʼi inga inəbi bəd Izre. Məd ya Ŋwiye abə bəd məjìm. Tì ghumnə Ŋwiye ane ighə̀m imɔʼ. À ya ane!

Efesùs 1:10

Wì ya chuʼri inug mbe nɔ̀ŋì ni ghì gha ane nyumə̀ kòʼi, Kristo biri yaʼ atog igun ighi ijìm ne Ŋwiye tàngi, kə̀ àkə ighi ne yaʼi ikaŋ àbɔ̀ŋɔ kə̀ ighi ne yaʼi igun isəg.

Kòlosè 2:14

Wì ya chìkì àŋwàʼrì mə̀nɔ̀ʼɔ̀ ze ne chwìye gha mba ya bəd inug tibɔ̀ŋ. Àŋwàʼrì ze yaya zìyè isaʼi igun ina, chwìye icheg ne ìmba inug tibɔ̀ŋ ya ghì tì si yaʼ bəd njo. Kristo ya chì àŋwàʼrì isaʼi ze kɔ̀mbì igun azed abaʼri.

1 Timotì 2:6

À ya məd ne ya nàʼi àzi atog ni pumni bəd məjìm. Aŋa ya ikən we ne nyùmə̀ kòʼi, Ŋwiye gha abə bəd məjìm.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

Mə̀Hibrù 2:14

Ane, icheg ne bɔn mbe ya bəd-aku, məd zìye ya bə̀ bə̀ŋə̀ si yaʼ wə̀d tì nyàmnyɔd icheg inɔb. Wì ya ghì ane imbə̀ʼ icheg ne à ya anjìm iwu we ne məd ku ne wì chi ika wə̀d ìpàb igun iwu. Wə̀d ìpàb we ya Debrə̀.

Mə̀Hibrù 9:10

Ighi mbo̰ ya bèrì məyi anug ni jəg tì anug ni no, fɔrɔ inug imbə̀ʼ icheg ni sò nyɔd icheg ne mə̀nɔ̀ʼɔ̀ Muse chwi. Tikə ìto̰ ya yaʼ anene pè ane nyùmə̀ we ne Ŋwiye ya kɔpi inug, si nɔ̀ŋì nɔ̀ʼɔ̀ feg.

1 Jɔn 4:14

Tè fə bàd, tì ya anìŋ bə̀ nè chètè gha, Ŋwiye ne yaʼi ìwa Mbaʼ ya chà ìwi Ŋwan gha wì yeʼe pùmni bəd igun isəg.

1 Jɔn 4:2

Aŋa ya icheg ne mbə̀ biri chè angu ni kyeri wə̀d ne Azwighi Ŋwiye yaʼi inga məd: Wə̀d we ne bḛ gha Yeso Kristo ya yèʼe inga isəg icheg wə̀d-aku ya wə̀d ne beri Azwighi ne nɔʼi abə Ŋwiye.