Gàlesìyà 4:18 - Ikan feg

¹⁸ Wə̀d mə̀ ya kɔ̀ndɔ ni fàʼ yaʼ anug chɔm, ze bɔ̀ŋ ni taŋ bèrì fìŋ igun tengàŋ. Ze kòʼ ni yaʼ ane mà nyumə̀ ijìm, kayi məyi anyumə̀ ne mə̀ yaʼi abɔ̀ʼ inən.

Meta’

¹⁸ Zɨə bɔ̀ŋ ni mbə̀ ben ɨnû mbe nɨ mbɨə ghàə̀ əwu ze nɨ mbɨə ghɨ̀ ɨnû mbe nɨ bɨrɨ weerɨ əwən. Mbɨ ghɨ əne ənɨ mɨ̀nyùmə̀ jìm kaʼ àmei ənɨ mə̀ yeʼ əkaʼ nən.

Gàlesìyà 4:18 교차 참조

Jn 2:17

Mə̀mə̀nənùg məd ya si wendi icheg ne mbi ya ŋwàʼri imbə̀ʼ aməd gha, “Tèta, icheg ne mə̀ zi atog ni fàʼ inga ìze nəb, à ya anug ne biri niŋ àmə atog.”

1 Kɔrèn 15:58

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ təm kà. Imbə̀ʼ mbə̰ si saŋa awən gha aghi mɔ̀ʼɔ chiʼre ìwən ibḛfiŋ ka. Mbə̀ ya fàʼà àfàʼì ze ne Anɔŋisəg zi inga ìtən tikye ibo ane ìzən fìŋ ijìm. Mbə̀ ya fàʼà ane imbə̀ʼ icheg ne mbə̰ kyèri gha chəyi anug mɔ̀ʼɔ ne mbə̰ mbe fàʼà abə Anɔŋisəg ne biri chè ako.

Gàlesìyà 4:13

Mbə kyèri gha à ya imbə̀ʼ aghɔn ne mə̀ ya bi ghà ikən chɔm gho̰ inən.

Gàlesìyà 4:17

Mbə̀ kyeri gha, bəd mbe ne chwìye gha mbe bèrì fìŋ chɔm igun inən, anug ze ne mbɔb mbe kɔ̀ndɔ ni fàʼ ya anug tibɔ̀ŋ. Mbɔb ya kə̀bə̀ məyi ni chì awən ane inum ni gha mbə̀ se nɔ̀ŋɔ̀ fìŋ yaʼ igun inɔb.

Gàlesìyà 4:20

Mo we kə̀bə̀ gha nji mə yaʼ tì inən amad anìŋ imbə̀ʼ bɔti ìmə gì ìngam ne mə ghàmà inən. Anug azo̰ ne mbə̰ mbe ghìyə̀ ze fə taŋ nàʼà ngəʼ inum.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Fìlipì 2:12

Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaya zùgrə Ŋwiye anyumə̀ ne mə̀ ya yaʼi abɔ̀ʼ inən, amad anìŋ ne chəyi mə̀ ywirì yaʼ abɔ̀ʼ inən, mbə̀ che imbìghè ni taŋ zugri aməd. Mbə̀ kirə ika ni təm kà icheg ne Ŋwiye fə pumni awən. Mbə̀ ya ghìyə̀ yaʼ inug ne chwìye gha mbə̰ mbe ghùmnə Ŋwiye bə̀ zùgrə aməd.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Ɨnû 3:19

Mə ya ghàmà kyḛ abə bəd mbe ne mə̀ kɔŋi. Mə ya bə̀ chə bəd mbe ne mə̀ kɔŋi. Ane, nḛ gha àghò zì atog ni ya nɔ̀mɔ̀, bə̀ nḛ gha àghò bə̀ŋì ìze fìŋ chì ane inug tibɔ̀ŋ.