Gàlesìyà 1:8 - Ikan feg

⁸ Anug ne angu ya gha, ka bèyi mba mbo̰ kə̀ angirə̀ ne swiʼi ikaŋ àbɔ̀ŋɔ mə̀ ghà anug mɔ̀ʼɔ inən gha à ya ikən chɔm chèyi ane we ne tì ya fə gha inən, Ŋwiye ziye ndɔ̀n igun tengàŋ.

Meta’

⁸ Àyɨə ka àbei mbǎ kɨ̀ aŋgɨrə̀ nɨ yeʼe rɨkaŋ, wə̀d mɔʼɔ rəbɔʼ na mɨ ghà ɨkə̂n chɔ̀m nɨ kwepɨ rɨ ənɨ we nɨ tɨ̀ nyaʼa ghà ɨ nən, Ŋwìə̀ zɨ ndɔ̀n ɨgwɨ məd!

Gàlesìyà 1:8 교차 참조

Matìyò 25:41

Wì biri ghà abə bəd mbe ne yaʼi ibo aba abo təŋ gha, ‹Mbə̰ ya bəd ndɔ̀n! Mbə̀ nɔʼɔ iban inum ghò nyi inga iywid ighə̀m imɔʼ, ne ìmə Mbaʼ ya fə tangi nɔ̀ŋì abə Debrə̀ tì mbè angirə̀ məd.

Mk 14:71

Pità ya zug ane, ko zɔ̀m ìwi nyɔd bə̀ ko kà̰ yi gha, “Chəyi mə̀ kyeri wə̀d ne mbə̰ ghà imbə̀ʼ aməd.”

Ɨ̀fàʼì 23:14

Mbɔb ya nɔ̀ʼ ghò kɔ̀ti itog bəd mbàn Ŋwiye fɔrɔ itog bəd ne sàʼa aben, ghà inɔb gha, “Tè fə sìb gha chəyi tì biri jəg aghi mɔ̀ʼɔ ne chəyi tì kiri zweti Pɔl.

Rm 16:17

Ìmbum məfi tì tum njàbi, mə we nə̀ri awən gha, mbə̀ we awən tì bəd mbe ne ghìyə̀ gha bəd Kristo ghapa bə̀ ghìyə̀ gha mbe febe inɔnjì. Mbi ya ghìyə̀ ane icheg ne mbi to̰ awɔb inug mbe ne mbə̀ ya fə nani. Imbə̀ʼ mbə̰ si jəgri awən tì inɔb

Rm 9:3

Àmə yaʼ aghi ne Ŋwiye we tì wì zi ndɔ̀n igun inum kə̀ bì chì amə ane ifɔti we ne mə beri tì Kristo məyi ni ghì gha ìmbum bəd pum, mə bḛ ane.

1 Kɔrèn 12:3

Amad anìŋ, mə kə̀b gha mbə̀ kyeri gha chəyi tì wə̀d ne Azwighi Ŋwiye yaʼi inga məd gha, “Ndɔ̀n yaʼ igun Yeso.” Mə bə̀ kə̀b gha mbə̀ kyeri gha chəyi tì wə̀d gha, “Yeso ya Anɔŋisəg,” ne kayi Azwighi Ŋwiye ghi.

1 Kɔrèn 16:22

Ndɔ̀n ze igun wə̀d ne chəyi wì kɔ̀ŋi Anɔŋisəg. Ìwa Anɔŋisəg! Àghò yeʼe!

Gàlesìyà 1:9

Anug ze ne tì ya fə gha inən a mbègtog, mə̀ ya anìŋ bə̀ ywìrè bèʼre inən gha: Wə̀d mɔ̀ʼɔ mə̀ ghà anug ndəŋ inən gha à ya ikən chɔm, ne kayi ikən chɔm we ne mbə̀ ya fə zughi bḛ, Ŋwiye ziye ndɔ̀n igun tengàŋ!

Gàlesìyà 3:10

Tesiʼ ya gha, bəd mbe ne nɔŋi ìtɔb fìŋ ni təm kòʼ imbìghè abə Ŋwiye məyi anjìm mə̀nɔ̀ʼɔ̀, ndɔ̀n ze igun inɔb. À ya ane imbə̀ʼ icheg ne, mbi ya fə bì ŋwàʼrì inga Àŋwàʼrì Ŋwiye gha, “Wə̀d ne chəyi wì nɔŋi inug ijìm mbe ne yaʼi inga mə̀nɔ̀ʼɔ̀ Muse, Ŋwiye biri zì ndɔ̀n igun məd.”

Gàlesìyà 3:13

Kristo ya zeri awa abə ndɔ̀n ze ne mə̀nɔ̀ʼɔ̀ ya zi igun ina. Wì ya ghì ane icheg ne məd ya bèʼi ìza ndɔ̀n igun àzi atog kwàʼ zìye zìye. A ze inga Àŋwàʼrì Ŋwiye gha, “Ndɔ̀n Ŋwiye ze igun wə̀d ne mbi swḛ aməd, wì ku ikaŋ azed abaʼri.”

Tayitùs 3:10

Àghò pati wə̀d ne zìyè àghàpì inga bəd ighə̀m imɔʼ kə̀ aghəm abe. Wì mə chè imbìghè ni zì àghàpì, imbə̀ʼ àghò ywirì bere awe anug mɔ̀ʼɔ ni ghì tì məd.

2 Pità 2:14

Mbɔb ya kɔ̀ŋɔ̀ anug ni ya nɔ̀kɔ̀ mə̀yi. Chəyi mbɔb mbe bɔ̀rɔ ni ghì inug tibɔ̀ŋ. Mbɔb ya sìmè bəd ne fìŋ bɔri zìye inga inug tibɔ̀ŋ. Mbɔb fə kà ka inga anug ni ghə̀ʼrə̀ ighi. Ndɔ̀n Ŋwiye ze igun inɔb.